2 Coríntios 2:3 - Bíblia

³ Wale tshinanu wale pirana hapka nyonata waneya hix-yehi nyinipa, hi hwamonuwnakakanno seyni npoyikotjenephi. Klu tshinanu nmunanhahi xye piranaya. Numuwaxini hita, hix-koxa himuwatanu.

2 Coríntios 2:3 ပူးပေါင်းရင်းမြစ်များ

1 Coríntios 4:21

Hanuru pot-haluka? Ho kotshipjerewapiyma nyanwakaxyawakhi ho kihle hchinikanurno nyanwakaxyawakhi, hixako hichinikanretatshrino?

2 Coríntios 1:15

Xye nmunanhale tshinanu, xye pirana nimaxinixka hiyáhoni mitshikananhapka hixa nwaka naluka yaleta waneypakni hepi kata rixinri hpoyikowatanu hepi kata wane napkapyawaka tshinanupa.

2 Coríntios 1:23

Hoyakalu hiwaka nkochtsheka ruphujexyawakaplu nohchinikanu, wale honra himatahchinikanutno. Hixa hma salewnahchinikanuxyawakanupa tshinanu hi Corinto poktshi nyapamtawa hiyrunukotnaka.

2 Coríntios 12:11

Mahchinikanutu pixka nixa seyni hixakni wan-hixkakno. Hixakmakni haluklu kihlewaka htshinanwakaxyawakno. Klu tshinanu yáholu mujhakotno hita seyni hi psojikna napkataxyana mitshikananu nuretkalune yokanaxikolune.

2 Coríntios 12:21

Npiklu wane napojinpatnaka Noyakalute mturu hixkajyawakno hix-yehiya. Hiyrun-koxa pa katako nujhalu ntshiyahaxyawakapa hixolune hektuwaka kamhatshine mehchinikanutkanewa tshinanu, hektutu hkamhalerna tshinanu, rapoklewlena, hiyrun-koxa pimrikaka hma poyaho hicholetanutna tshinanu.

2 Coríntios 13:10

Hiyahokni xyekaka pirana nyonata, wane nma yaknukawa, wane nyinipa hi nujhalu hipokananu ntowuxyawakaphi nutajikolu Tsru Hixikatshriwa Cristo henejyanoyma. Xye towutlu nenekka hixa nepixyawakapa ntseruwnakajyawakaphi Cristo piranaya seyni hi hixa wnikawnakajyawaka tshinanu nenekka.

2 Coríntios 2:9

Hiyáhoni wale tshinanu nyonanwakathi nyahothi nimaxyawaka ho halikaka nuykole pirana homkahitatshinhi ho hike.

2 Coríntios 7:12

Hiyáhoni xawakni yonawahlo nyonanwakathi seyni hi nyonatlo hektutu kamhatshri tshinanni, hi koxa rumtuklerutka tshinanu nyonatlo. Halikaka nyonatlo Hoyakalu hekhipotuxyawakaphi hi psokananru hichinijyawu.

2 Coríntios 7:16

Hiyáhoni npoyikowata klu tshinanu psol-potuko nmunanhiyhi.

2 Coríntios 7:6

Seyni Hoyakalu honukla kojwakahchinikanutatshri hepixatshri, Tito tshinkaluru hapokle tshinanu htserutahchinikanutatkawu.

2 Coríntios 7:8

Hi nehchinikanuta yonawahlo hixa nwaka nyokanreru tshinanu. Netkamkalo yonawahlo nyokanatanro pchini hohnejiji twamontakamkahi nehchinikanutanmaka.

2 Coríntios 8:22

Wannayma wyokanatanru Cristo tshinanu wmoletanru. Hixo kata wetlu jmere kamrurewle rixyawaka. Waneya xawakni pnut-potu jmeretkalu klu tshinan-hima hixa hmunanha.

Gálatas 5:10

Hixa nkahwaka Tsru Hixikatshriwa Hoyakalu hepixle tshinanu hi pnuko hixahchinikanutanu. Seyni katuktako hkojwakjeru rapnokatko Hoyakaluya.

2 Tessalonicenses 3:4

Tsru Hixikatshriwa Hoyakalu wmunanhaleru hixa pirana tshinanu tshinanni wimatlu ptowruka wtowuxyahi hkamhajeta hiyrunu hpaklu kamhaletanru.

Filemom 1:21

Nyonanwakatyi klu tshinanu nmunanhayi pixa kajnako pixyawakapa ntokanu tshinanu. Hiyrun-koxa nimatlu nanjixyawakyi pirana wane yohnikapa pkamhanu.