2 Coríntios 13:9 - Bíblia

⁹ Hiyáhoni wale tshinanu wpoyikowata wuhrojinmaka seyni hixa mixkowata. Hiyrun-koxa wanjitlu Hoyakalu potukalune hixyawakapa.

2 Coríntios 13:9 ပူးပေါင်းရင်းမြစ်များ

Romanos 15:2

Seyni hixa satkakwu wujhalu wimwastsirene wepixyawakna kihleruya, wtseruwnakakanna ralixleyna.

1 Coríntios 1:10

Hiyáhoni Cristo tshinanu nmoletanune, nuykothi pa hchinikanerune htshintokanutanu. Hi hkotspalahchinikankakanu hixkakluko. Pa hchinikanurunephi ptowru potuyako. Pa halukkalunephi.

1 Coríntios 2:3

Hixa tskala nwakanaxini hihrokakanatatshrino hiyrun-koxa hitatakakanatatshrino npikle tshinanu.

1 Coríntios 4:10

Cristo pirana tshinanu hike mimatkanwu seyni hixa jimatkalerunhi hixahoxnawa Cristo halixyawaka tshinanu. Hixni hihrokatshinwu seyni hixni hixkolunhi hkahwajnawa. Hixa kahwajnawa kahwakpiratkalunhi seyni hixa hike pikwu.

2 Coríntios 11:30

Numukata tokanuwnalexini, nuhrokle pirana hiphujetatshri tshinanu halikaka ntokanuwnanu.

2 Coríntios 13:11

Hiyáhoni Cristo tshinanu nmoletanune, nunhahi. Hihlexinwa. Hyijnakotanru nuykole. Pa hchinikanurunephi. Kihle hwachalephi. Hoyakalu hixa ruchinijyawaka hiyrun-koxa ruhlehchinikanrewle hix-yehi hwanu.

2 Coríntios 13:4

Klu tshinanu yáholu cruz ruylaxika Cristo ruhrokahotko tshinanu seyni xawakni riweka Hoyakalu pixkonu tshinanu. Waneko pixka wix-kox-hixa. Hixa wale hihrokahoxikoluymalunwu seyni pa hchinikanurunwu waleyma wiweka Hoyakalu pixkonu tshinanu, wepixyawakaphi tshinanu.

2 Coríntios 4:12

Hiyahokni ptowru hohneruka hipuktshi hetumhawu seyni wanepnawaka hixa riwekkakhonuka.

2 Coríntios 7:1

Nuchinikanune nimatletlene, xye ptowruka Hoyakalu hinkaklexyapiranwu hixanni. Hiyáhoni xawakni hpowraxinwa ptowru hixatshri wimane pitshotatshriya hiyrun-koxa wsamenru. Potukalun-potu wixinwa ptowru hohneruka Hoyakalu kahwakpiraxikol-tshinanu.

Colossenses 1:28

Hiyahokni ptowru potuk-yine wunkakjetlu Cristo pirana. Satkaka yine wuykojeta, wasrukjetna satkaka ptowru himatkalewluya. Wumukaxyawaka wixa hanikletanna yine ptowruneka Hoyakalu hoji sreta tsru halixlerunepa Cristo Jesus-ymalune.

Colossenses 4:12

Epafras, satutnaka hix-yehi hichpajikatshritka, Cristo towreru halikhi. Hi rutuk-hanjihohneyehrethi seyni ranjijetlu Hoyakalu hpoyehiwa halixlekakanhi, tsrune rixkakanhi halixlewluya, psoluka Hoyakalu halukanru hixa tshinanu.

1 Tessalonicenses 3:10

Ptowru hohneruka hohohne, hoyetshno koxa wanjipotutlu Hoyakalu wumukata hetlepotuxyawakhi wtseruxyawakaplu halixle hmahaxinri.

2 Timóteo 3:17

Hiyahokni Hoyakalu hayinerute potukalu hixatshripni. Ptowru kihleru kamhalu poyaho kamhaletatshripni.

Hebreus 12:23

Hixa hapokanwakatlu poyikowlu hapatjexikowaka Hoyakalu whenene tsrujrune hapatjere nwaka, tenhohne khiwakayalune yehi. Hoyakalu, ptowru yineru hetamayxakletatshri yehi hapokatshinhi hiyrunu yine hiwejikalune potukalune, hike mmahaxikane yehi, hapokatshinhi.

Hebreus 13:21

Nanjitlu Hoyakalu hike mmahaxikane rixkajyawakaphi ptowru kamrurtshi tshinanu. Wale halujyawaka tsonu kamhatshinephi hiyrunu ptowru potuko rukchikhihlenreru, hix-yehi kamrurewaxikatshri rixyawaka, Jesus Cristo tshinanu. Himalwutkalurupni wale, hikeklu hohne mnikawnakatupa. Seyoka.

Hebreus 6:1

Hiyáhoni xawakni Cristo pirana hinkaklexikolu myaprepiranatu wiknohanu. Halikaka Cristo hasrukle wmahaxinritka wkochtshekanu. Hi wehasruklewle pirana tsonu, hixako wkamrure hike kochpakatshri hektuntshi hiknojikolu pirana hi koxa Hoyakalu halixikolu pirana tsonu wkochtshetanu.

1 Pedro 5:10

Seyni Hoyakalu ptowru kihleru heneklewatatshri, wale hoyaknutshi hike mmahaxikatu tshanixwu, Cristo Jesus tshinanu, hpotukatanhi, hpoyehiwkakanhi, hmixkowkakanhi, rapnanuhchinikankakanhi, hsalewnale pchini tsonurutu hiknohinipa.