2 Coríntios 11:9 - Bíblia

⁹ Hiyrun-koxa hix-yehi nwaka pchinika, tiyiro nmahaxinri tshinanu hi nkojwakna wane hajene. Halikaka Cristo tshinanu wmoletanune Macedônia tshijne hichpajikatshine henekno ptowru nmahakanaxinri. Waneklu ptowru nmahakanaxinri tshinanu hi nkojwakatkahi hiyrun-koxa xye pnut-hohnepatka hi nkojwakanhi nmahaxinri tshinanu.

2 Coríntios 11:9 ပူးပေါင်းရင်းမြစ်များ

Atos 18:3

Waneya wannayma rutukatka Paulo klu tshinanu waleko kamrurtshi hkamhakoxna wanna. Lona-pjikaka kamhatshinni wanna. Wane hkamrurewaxya wannayma.

Atos 18:5

Waneya Silas hiyrunu Timóteo tshinkalune Macedônia tshijne ruchpajiniklunutkana, Paulo henejnawa runkajyawakna yine kihler-potuko tokantshi. Wale tsonu hkamrureta. Rekhitna judeu-ne Jesus, Cristo rixyawaka.

Atos 20:33

Hixa tskala nwaka pchinika hikeklu hohne net-sotanukanatlu satu tiyirote hi koxa net-sotanukanatlu satu mkalu.

Romanos 15:26

Klu tshinanu halixatshine hapatjetatshine Macedônia tshijne hajene hiyrunu Grécia tshijne hajene hikchikhihlenutlu tiyiro renekachaxyawakna potukalune Jesus halixatshine hike mwikane Jerusalém hajene.

1 Coríntios 16:17

Numuwata Estéfanas, Fortunato, Acaico tshinkalune hapojyawaka tshinanu klu tshinanu nyi kamhiyno hixa mumukata kamhaletanutu.

2 Coríntios 6:4

Seyni ptowru piranako wekhithi Hoyakalu kamrurewyehitatshinwu wixyawaka. Hi wkaheknanuwata wsalewnini, wmahaxinri tshinanuya hiyrun-koxa wkojwawninri tshinanuya.

2 Coríntios 9:12

Klu tshinanu xye hkamhaleru hi Hoyakalu kotspalatanune hike mwikane repixyawaka tshinanu tsonni seyni wan-rixkakhi Hoyakalu hpoyahnuxyawakapluna wanna koxa.

Filipenses 2:25

Hiyrun-koxa nukchikhihlenutlu Epafrodito tshinkaluru nsatkakanwakaxyawakaphi. Waleni nmoletanru Cristo tshinanu, nepire nkamrureya Cristo tshinanu hiyrun-koxa niyahotkakjetanruni Cristo piranaya. Hixa yokanatanruni wale hita nmahaxinri tshinanu repixyawakapno.

1 Tessalonicenses 2:6

Hi wujhalu yine himalwuxyawakwu, hi hix-yehiko, hi pimrine yehiko.

1 Tessalonicenses 2:9

Klu tshinanu hixa, Cristo tshinanu nmoletanune hichiniklu wyaprewakanaxini, wsalewnakanaxini. Hoyetshno, hohi koxa wkamrurewakanatatka satukna hixa wma kojwajyawakanupa wunkakakanathi kihler-potuko tokantshi, kihle piranalu potuko hiwekkaklewatatshri pirana Hoyakalunu.

Hebreus 11:37

Pimrineko sotlujetka, pimrinniko hanikaji mane serra-xikana hepi tshraji ruchpajyanatkana, pimrinniko yohlolewapiyma hiylatkana. Rawkoxna yanachalune carneiro-mta ho bode-mta tsonu hmakatna. Hike mwikanni, salewnatshinni, saletkalunni.