2 Coríntios 11:4 - Bíblia

⁴ Klu tshinanu hixa kihle yoptole hixinri poyikowluyma hanu hixatshriktako satu yineruko Jesus pirana hinkakletatshri, hi Jesus piran-potuko wunkakletleru pirana munkakletkatuko. Hiyrun-koxa hyoptoxiniplu satuko hiwejikaluru, hiyrun-koxa satuko hiwekkaklewatatshri pirana pnuko hixatshri hi Hoyakalu Hiwejikalurni, hiyrun-koxa hi Cristo pirana, kihle piranalu potuko hiwekkaklewatatshri pirana wunkajyatkahi walekni halixpiranatanrutka.

2 Coríntios 11:4 ပူးပေါင်းရင်းမြစ်များ

Marcos 7:9

Wane htshin-koxna Jesus: — Hixa hijhalu Hoyakalu halujyawaka kahnete hitajyawaklu hixako halujyawaka hkamhiywaka.

Atos 4:12

Hiyáhoni Jesus tsonu hiwekkaklewata klu tshinanu tshiji psoluko hikeni satu hiwaktshi yine tskalaya yine hiwekkakatshri.

Romanos 8:15

Klu tshinanu Hiwejikaluru honra Hoyakalu henekanwu, hi jhamleholune rixkakanwu. Seyni Hoyakalu Hiwejikaluru wan-hixkakwu Hoyakalu whenene wixyawaka. Hiyáhoni Hoyakalu Hiwejikaluru pixkonu tshinanuya hipokananu wane wtshinanu: Hirtshi! Nuru!

1 Coríntios 3:11

Klu tshinanu Hoyakalu mitshikawako hitakatkalu Jesus Cristo pantshi hwiywaka rixyawaka. Hi satukna Jesus Cristo kachrijru hitakko.

2 Coríntios 11:1

Nalukmaklu hakotachaxyawakno pchini tsonu mchinikanutu pixka nixyawaka. Halikaka xako hakotachatanu hitayma.

2 Coríntios 2:12

Trôade poktshi napkapini Cristo pirana, kihle piranalu potuko hiwekkaklewatatshri pirana nunkaklexini, netlu Tsru Hixikatshriwa Hoyakalu hali halpokoletatkalu wane hyoptoxiko nunkakle.

Gálatas 3:2

Xye pirana naluk-himatlexyahi. Hanu hixa yoptoletlu Hoyakalu Hiwejikaluru? Ho Moisés yonreru pirana homkahixikolu tshinanrahe ho halixlu pirana yijnaxikolu tshinanrahe halikaka?

1 Timóteo 1:3

Naluklu Éfeso poktshi putujyawaka. Nanjityi wane putujinripa Macedônia tshijne nyinpatka. Satkaka Éfeso poktshi hajene halikaka tokantshi minje rasruklewjetna. Hiyáhoni wane putukanu pumukata towutlexyawakna pnu pejnu hma mixa hasruklewlexyawakanupna.

1 Timóteo 2:5

Klu tshinanu rawa satupka Hoyakalu hikeni hiyrunu. Hiyrun-koxa satupkalu yine jihlepokyehikleru Hoyakalu tshinanuya. Waleni yineru Jesus Cristo.