2 Coríntios 10:7 - Bíblia

⁷ Kkahwaklu retachaklerunhi. Satu yineru Cristo himwatshri rikahwajiniklunwa hyahoxinwa hihchinikanuya klu tshinanu hix-koxa Cristo-nunwu wale pixkalunek-koxwu hixa.

2 Coríntios 10:7 ပူးပေါင်းရင်းမြစ်များ

Mateus 23:5

Ptowruka hkamhanruna yine hexyawaklu tshinanu hkamhaluna. Hoyakalu tokanu yonatkaluru yonha paji htserutjetna. Xye pajkaka himkalna rostutna yine hexyawakaplu. Himkalna hyokakluna chichyoha samalu. Waneko pixka rixna ptowru potuko hkamrureyna Hoyakalu romkahpotuxyawakna hkahwajikolupna.

Lucas 16:15

Hiyáhoni Jesus wan-tshinna: — Kihle hetko hikahwajnawa pimrine hetanuya seyni Hoyakalu himathethajithi, hanu potu hixatshinhi. Klu tshinanu yine hikchikhihlenrer-potu, walekni rahnanuta Hoyakalu.

João 7:24

Hi hikolukanuwnayehlewatanu rohocha tshinanu tsonu seyni halikaka piranayma hikolukanuwnayehlewatanu.

1 Coríntios 1:12

Wane ntshinhi, hixa satkakhi pnuk-tshina hiyáhoni satuko wan-tshina: “Hitni Paulo-ymalutno.” Satuko wan-tshina: “Hitni Apolo-ymalutno.” Satu: “Hitni Pedro-ymalutno”, satu: “Hitni Cristo-ymalutno,” htshina.

1 Coríntios 14:37

Satu yineru Hoyakalu tokanu hinkakletatshri rikahwajinipwa hiyrun-koxa Hoyakalu Hiwejikaluru himwatshri rixahoxinipwa, rimathetanru xye nyonaxyawaka pirana waleni Hoyakalu yokanreru piranni.

1 Coríntios 15:23

Seyni satkaka yineru hiwekkakko waleko hipapkolu. Cristo-ni mitshikananu hiwekatshri. Waneya hapkata hiwekletatshinepni Cristo-nune runinipa wale.

1 Coríntios 3:23

Cristo-nunhi hixa. Hiyrun-koxa Cristo Hoyakalunni.

1 Coríntios 9:1

Hi he numukata wan-hixletatshrino? Hi he nuretkalurno? Hi he netlu Wutsrukate Tsru Hixikatshriwa Jesus? Hi he nkamrurenhi hixa Tsru Hixikatshriwa Jesus-ya?

2 Coríntios 10:1

Hitakni, Paulo-no, wla mitshi ntshinnawa, hixastsi nwiniklunu kpoyikonerno seyni howuka nwiniklunu ktokanno. Hitakni hanjithi Cristo mayohnuyma hiyrun-koxa hchinikannuyma,

2 Coríntios 11:18

Hi heppiklu tokantshi xye tshijne hixjexyawaka pirana. Hiyáhoni hit-koxa tokanuwna.

2 Coríntios 11:23

Cristo-yma kamrurewatatshinrahhe? Seyni hit-potu kamrurewatatshrino Cristo-yma. Hatatjewa mahchinikanutno wane ntshinyawaka. Klu tshinanu wanna yohnik-kamrurewle nixa. Hiyrun-koxa wanna yohnik-kata kapna nyochmakka. Hixo kat-koxa wanna pnute nuylakka hiyrun-koxa hixo kata psokaklu nupniywaka.

2 Coríntios 11:4

Klu tshinanu hixa kihle yoptole hixinri poyikowluyma hanu hixatshriktako satu yineruko Jesus pirana hinkakletatshri, hi Jesus piran-potuko wunkakletleru pirana munkakletkatuko. Hiyrun-koxa hyoptoxiniplu satuko hiwejikaluru, hiyrun-koxa satuko hiwekkaklewatatshri pirana pnuko hixatshri hi Hoyakalu Hiwejikalurni, hiyrun-koxa hi Cristo pirana, kihle piranalu potuko hiwekkaklewatatshri pirana wunkajyatkahi walekni halixpiranatanrutka.

2 Coríntios 12:11

Mahchinikanutu pixka nixa seyni hixakni wan-hixkakno. Hixakmakni haluklu kihlewaka htshinanwakaxyawakno. Klu tshinanu yáholu mujhakotno hita seyni hi psojikna napkataxyana mitshikananu nuretkalune yokanaxikolune.

2 Coríntios 13:3

Klu tshinanu hixa haluk-himatlepotuxinri Cristo halikakakni hita nama hyanumaxyawaka. Cristo-ni muhrokkatu seyni halikaka tsru pixkonru hixa tshinanu.

2 Coríntios 5:12

Himka waluklu hixa nanwaka kihle piran-yehi hixnawakwa. Seyni waluklu hix-yehi htseruwpiranaxyawaka wipirana. Waneyapa hix-koxa kapiranayaphi kihler-pirana himat-hinkajyawakapna wipirana pimrine rohocha tsonu hikchikhihlenuxikatshine seyni hi rajiynina.

Gálatas 3:29

Cristo-nune hixyawaka tshinanu hix-koxa Abraão klopichanhi. Hiyrun-koxa wyoptotanru Hoyakalu hinkaklexyawu wyoptotanrupa.

1 João 4:6

Seyni hixa Hoyakalununwu hiyáhoni Hoyakalu himathetatshine hislahtokanutwu. Seyni Hoyakalunune minje hi yijnakotwu. Wane wixa himathetletlu Hiwejikaluru halikakalutu hiyrunu hiwejikaluru pupjetatshri wimatheta.