2 Coríntios 10:2 - Bíblia

² wane napojinipa hi ktokanu hixkakanno. Klu tshinanu nimatlu numukata tokanuwnalyehitna pimrine wla tshinatshine xye tshijne kamrure homkahitatshinni wtshinjene.

2 Coríntios 10:2 ပူးပေါင်းရင်းမြစ်များ

Romanos 8:1

Hiyáhoni Cristo Jesus munanhalene hi hjihyehitkona Hoyakaluya.

Romanos 8:4

Hiyáhoni Moisés yonreru potukalu wpoyahokaka, wale hiykole wkamhiywaka, hixako walujyawaka wma kamhiywakanupa seyni Hiwejikaluru halujyawaka wkamhiywakapni.

Romanos 8:5

Katukta waleko ralujyawaka homkahita waleko hihchinikanu towutanru. Seyni katukta Hoyakalu Hiwejikaluru halujyawaka homkahita Hoyakalu Hiwejikaluru hchinikanu towutanru.

2 Coríntios 1:17

Hiyáhoni wane nixahchinikanuxini hixlahe kahwaklu wane ntshinachata? Ho wane nixahchinikanuxini xye tshijne hchinikanu pixkalhe nixahchinikanuchata? Hixlahe kahwakno hehe ho hike tshinachatatshrino?

2 Coríntios 11:21

Npatewa hiphujetlepiranatlu klu tshinanu hi tsru hchinikanwu wanna pixka wixyawaka. Seyni satu yineru klu pirana tshinanuktako htokanuwnini, hit-koxa tokanuwnanu. Mahchinikanutu pixka ntshina yanumsaletanu.

2 Coríntios 13:10

Hiyahokni xyekaka pirana nyonata, wane nma yaknukawa, wane nyinipa hi nujhalu hipokananu ntowuxyawakaphi nutajikolu Tsru Hixikatshriwa Cristo henejyanoyma. Xye towutlu nenekka hixa nepixyawakapa ntseruwnakajyawakaphi Cristo piranaya seyni hi hixa wnikawnakajyawaka tshinanu nenekka.

2 Coríntios 13:2

Wla ntshinanwakathi hixa, mitshikananu majnakowatatshinhi hiyrunu pimrine hektuwaka kamhatshin-koxa. Hepi kata rixinri hixa nwaka napkapinixka wane ntshinatkahi hiyáhoni xawakni howukmakno seyni wane ntshina hiyrunukotnaka. Xeyrunu hike yineru netwamonutanutka.