1 Tessalonicenses 5:4 - Bíblia

⁴ Seyni hixa Cristo tshinanu nmoletanune, hi mapchahawaka pixkawaka hwajetatshinhi waneklu hohnepatka hma kachixikowakanupa katshowhurune hapokyehitanune mkahwakkone pixka.

1 Tessalonicenses 5:4 ပူးပေါင်းရင်းမြစ်များ

1 João 2:8

Seyni herotu yokanrur-pirana nyonanwakatanutnakhi. Waleni halikakalutu Jesus Cristo-ya hixay-koxa, klu tshinanu mapchahalu hiknohpiratatka hiyrunu katalu halikakalutu mixkowamtatka.

2 Pedro 3:10

Klu tshinanu Tsru Hixikatshriwa Cristo hininri hohnepa hapokanu, katshowhuru hapokle pixka rixa hapokletanu. Waneklu papkopa tenhohne herutkotka tsru sejirtshiymapa. Xye hohne hikamrurewleru hiprahkanu tsru hameru tshinanu. Xye tshiji hiyrun-koxa ptowru kamhakaluru, xye tshiji hwatshri, nikawnanu.

Colossenses 1:13

Hoyakalu kochpakwu mapchahawaka kachrewleya waneya ranikatkawu hikeni kaheknanuwlu Hituru ramotleru potuko pohirewaxyawaka wwiywakapa.

Apocalipse 3:3

Hiyáhoni hichinikanretanru htshinikolu hyoptoleru, hjemleru. Wale pirana xako homkahpotutanu hehchinikanutanu. Klu tshinanu hma muslahiknuklunwa chinpotu napyehitanhi, katshowhuru hapokle pixka. Hi himatanu klu hora-ko napyehitanhi.

Atos 26:18

pumrekhakajyawakna rumukata hichpaklexyawakna mapchahawakaya katalu romkahixyawakapna hiyrunu Satanás towre ruchpajyawakna Hoyakalu romkahixyawakapna. Waneya ralixlena tshinanu rektunna ruknojikona hiyrunu Hoyakalu nuretanune rixyawakapna.”

Mateus 10:15

Halikaka ntshinhi, hapnokaxikolu hohnepa Sodoma hiyrunu Gomorra poktshinni salexikolu yohnik-hapnokatlu rixko hma yoptohihlenuxikowakanu poktshiya.

Lucas 21:34

Jesus wan-tshina: — Hislahinwa! Hi hyokwixinwa tsru nikluyma ho himriya ho xye hiwejinri kojwakle tshinanuya. Hma mimyejyawakanupa himnanhakanatatshine pixka rakanhinpatka xyekaka.

1 Tessalonicenses 5:2

Klu tshinanu hixako himatpotutlu Tsru Hixikatshriwa Cristo hapojinri hohnepa katshowhuru hoyetshno hapokatshri mpohitkotuko pixka rixa hinretanu.

Apocalipse 16:15

“Hjemanu! Halikaka katshowhuru hinre, munkakletu pixka nixa hinretanu hita. Hiyáhoni kihlehchinikanurupni yineru, wale hohne kahwakatshri, himkalu hihlepokotatshri. Mamkatu phujewaka myapyawakanupa, hma patewaxyawakanupa.”