1 Pedro 1:4 - Bíblia

⁴ Hoyakalu heneklewle yoptotatshinephi. Mnikawnakatupni wyoptotanru, meyikotni, mimat-himtuwnakatupni, rimretka tenhohneya hixa tshinanupa.

1 Pedro 1:4 ပူးပေါင်းရင်းမြစ်များ

Apocalipse 21:27

Hikepni hektuntshi, hi kapatmenuru kamhatshri, hi hayoklewatatshriko wane jihlokanu. Halikaka wale poktshi jihlokatshinepa, Carneiro Whene tshinkaluru yonawahlote steno hiweklu heneklewatatshri tshinkaluru hiwakatkaluru tsonu jihlokanu.

Hebreus 9:15

Hiyáhoni wale tshinanu Cristo-ni herotu jihlepokoyehlewakleru. Hiyáhoni Hoyakalu tshanixlene pejnu rumukata yoptoletluna hyoptotanrupna hike rixiniko mnikawnakatupa pirana Hoyakalu hinkaklexyana pirana. Rumukata wan-hixletna klu tshinanu Jesus hipnale hichokakatkana yine pupjetatshine mitshikananu kojiretlu hwatshri hjihyehikanatjerna yehi.

1 Pedro 5:4

Waneya Carneiro-ne Hinotatshri Pixkalutu Tsruru Potuko hapojinipa, satu sahyi himlujikolu mnikawnakatu hyochmakjiwuxikolupa.

2 Timóteo 4:8

Hiyáhoni xawakni waneru satu sahyi pixkalutu nyochmakjiwuxikolupa numlujikolu npotuknu pirana, Tsru Hixikatshriwa Jesus Cristo, henejinipno wale hohnepa. Waleni wkamrure wenru heneklewatatshri potukal-potuko hetamayxaklerewatatshri. Hi hita tsonu reneksahyetanu seyni ptowruneka Jesus hapojinripa kahwakatshin-koxa, xye hinatshripa hohne hichinikatshine pejnu reneksahyetanu.

Colossenses 1:5

Wan-hixjeta halikakalutu tokantshi tshinanu hix-yehi rehapokletka kihle piranalu potuko hiwekkaklewatatshri pirana, hjempiranrerutka walekni hkahwakleru himlujikolu tenhohneya.

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

Efésios 1:18

Hoyakalu nanjijeta hkotpukahchinikanuxyawakaphi waneya hixa himukata himatletlu hma mahijeruxyawakanupa Hoyakalu nurexyawakhi tshinanupa. Hiyrun-koxa himaxyawakaplu hi psokananru wyoptotanrupa wiwejinri pirana halixatshine tshinanu, potukalune Jesus halixatshine tshinanupa.

Efésios 1:14

Hoyakalu Hiwejikaluru renekna rayinetene hmunanhiynawa ptowru potuko Hoyakalu hinkakletakanatanru hyoptoxyawakapna rayinetene, haté wali yoptoletanru psol-potuko wyoptotanrupa. Hiyáhoni rimalwutko Hoyakalu hiyrunu rimathetko ruhlenu.

Efésios 1:11

Hoyakalu ptowru potuko rixahchinikanuxyawaka kamhatshrini. Hiyáhoni Cristo-ymalunwu wixyawaka tshinanu wnuretka, xye tshiji hiyakotkoklunu pnutekananuko, Hoyakalu halujyawaka tshinanu, Hoyakalunerune wixyawakapa.

Romanos 8:17

Hiyrun-koxa Hoyakalu whenene wixini, wyoptotanru Hoyakalu himwaleru. Cristo-yma wyoptotanru. Halikaka Cristo pixka wixa salewnalexini wimatan-koxa Hoyakalu hoyaknu wyoptotanu Cristo pixka wixa yoptoletanru.

Atos 26:18

pumrekhakajyawakna rumukata hichpaklexyawakna mapchahawakaya katalu romkahixyawakapna hiyrunu Satanás towre ruchpajyawakna Hoyakalu romkahixyawakapna. Waneya ralixlena tshinanu rektunna ruknojikona hiyrunu Hoyakalu nuretanune rixyawakapna.”

Atos 20:32

Waneya xawakni Hoyakalu hislahlewle hiyrun-koxa Hoyakalu hihlenu hixa tshinanu pirana hislahlewle nutakanhi. Walekni himukata mixkowkaklethi htseruwahchinikanuxyawaka hiyrun-koxa renekanhi hyoptotanrupa Hoyakaluya ptowru yine potukaluneyma.

Tiago 1:11

Tkatshi nikoxini pixka, ramnu hiprihkaklu kchana waneya kchana hwu hijrukanahonuka, hihwu hihlenu hnikata. Waneko pixka rixa nikawnaleta phuru hkamhanrukaka tshinanu.

Colossenses 1:12

Hiyrun-koxa himalwutanru Wuru Hoyakalu wpoyahokakjeru wtsaklawkakjeru ptowru potuko ralpokleru rayinetene tshinanu Hoyakalu pohirewaxyawaka katawaka hwiywaka.

Gálatas 3:18

Klu tshinanu wyoptotanrupa Hoyakaluya, Moisés yonreru tshinanu wyoptotkamkalu, hiyáhoni hi Hoyakalu hinkakletlerumka wyoptoxinri. Seyni Abraão yoptoleru Hoyakalu henekachale.

1 Coríntios 9:25

Ptowruneko hasuklu kaypiraxikatshine ruslahmanexnawana. Wanna halikaka wan-rixna klu tshinanu satu sahyi hyochmakjiwuxikolupnina, rimathexikowakapa hasuklu kayaxikatshri rixyawaka. Halikaka wan-hixatshri sahyi nikawnanu pa hohne. Seyni hixa Hoyakalu homkahitatshinwu yoptolerupa satu sahyi hikeklu hohne mnikawnakatupni, rimaxikowaka kayatatshinwu wixyawaka.

1 Pedro 3:9

Hi hektutuyma papnutanru hektutu pkamhikjeru. Hiyrun-koxa hi yanhakluyma papnutanru yanhaklu. Seyni halikaka kihlewaka hanjiyehitanna. Klu tshinanu himatanru htshanixkoklunu, htshanixka kihlewaka hyoptoxyawakapa.

Marcos 10:17

Waneya hyinuwaka yanrexinixnaka Jesus, satu jeji hasukanwakatlu, hyoptsojityehitlu wale hoji sreta, waneya repomhalu, wla htshinru: — Kasruklewakleru kihleru, klunerhe nkamhanu niwejinri hikeklu hohne nma nikawniywakanupa?

Colossenses 3:24

Hichinikanru xye, hyoptotanru hkamrure wenru hixanupa Wutsrukate Cristo henekanhi. Klu tshinanu hixa Wutsrukate Cristo towrenhi.

Hebreus 10:34

Waneklu papko hixa hijha hepixlejekanatna kachitkalune. Hi htshipexyana hejnunkate seyni hsaletjekanatlu tsru poyikonutshiyma, klu tshinanu himathetlu jejnunkathi yohnikalutu mimat-nikawnakatu tenhohneya.