1 Coríntios 8:3 - Bíblia

³ Seyni Hoyakalu himatlu ruchinikjeru.

1 Coríntios 8:3 ပူးပေါင်းရင်းမြစ်များ

Mateus 7:23

Hiyáhoni nunkakpotutanna: “Hikeklu hohne nimathethi. Hyachatanutka, hektuwaka kkamhaklerunhi!”

João 10:14

Hitni carneiro suslahaklerno kihleru hiyrunu nimatna noprane carneiro-ne. Hiyrun-koxa noprane himatno hita.

João 21:17

Waneya map-kata rixinri wla htshinru: — Simão, Jonas whene, puchiniknohe hita? Seyni Pedro wamonuwata klu tshinanu map-kata wla htshinru: “Puchiniknohe?” Hiyáhoni wla htshinru: — Nutsrukate ptowru potuko pimata, pimatlu nuchinikyi. Waneya Jesus wla tshinru: — Pohlutanna noprane carneiro-ne pixkalune.

Romanos 11:2

Hoyakalu hi koxa ruknokachatanna hinerune hnurrene mitshikawlune. Hixa himatlu wane htshina Hoyakalu tokanu yonatkaluru Elias-ni tshinyawaka, Hoyakalu rapohchinikanuta israel-nerune tshinanu:

1 Coríntios 13:12

Klu tshinanu xawakni hi wuhle hetlepotutlu Hoyakalu hatatjewa hanihapi rexika. Seyni pa hohnepa hihoj-potuko wexinri. Xawakni psotsonu nimata seyni pa hohnepa nimathetpotutanru, wale rixa himathetlexyawakno pixka.

1 Coríntios 2:9

Hiyáhoni wane htshina Hoyakalu tokanu yonatkaluru mitshikawlur-pirana: “Hi satukna yineru hetjejetlu, hi satukna jemjejetlu, hi waleko ruchinikanretjejeta yineru ptowru potuko Hoyakalu halpokoxyana ruchinikjene.”

Gálatas 4:9

Seyni xawakni hixa himathetatkalu Hoyakalu, halikak-potu Hoyakalu himathetatkahi hixa. Hanhe xawaka himukata satokanwakletanru xye hohne hajeru mahijerkaklewatatshri hike mkochpakkatu? Kluneru tshinanhe hixa hijhalu xyekaka towuxyawakhi hiyrunukotnaka?

2 Timóteo 2:19

Seyni poyehi potuklu Hoyakalu poyehitleru. Xye poyehitlu: “Tsru Hixikatshriwa Cristo himatna walenunetkani.” Hiyrun-koxa satu hima: “Ptowru neruka Tsru Hixikatshriwa Hoyakalu hiwaka kochtshekatshine, hasujinri hektuntshi.”

Tiago 1:12

Poyikowatatshrini yineru yohnixikolkaka hetatshri kihleru kamrurtshi hmuchotkanuklunu. Klu tshinanu yohnixikolu hiknohiniplu wan-hixatshri hiwejikaluru hyoptotanu, rumlujikolu sahyi hiwejikaluru hyoptotanu. Hoyakalu honukla hinkaklexyalu wan-hixatshri yineru.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

1 Pedro 1:8

Hma metanutni wale seyni hichinikanru. Hi hetanru xawakni seyni halixlu. Wan-hixatshinhi seyni himuwatatshinhi tokantshi mpoyaho hinkakletletkotuyma himuwjeta, tsru ruphujexikolu tshinanu.

1 João 4:19

Wamotlu Hoyakalu klu tshinanu wale hapka hamotatkawu hixa.

1 João 4:7

Nuchinikanune, wuchinikkakanu klu tshinanu hichinijikolu Hoyakalu yehi ruchpajya. Katukta hamotkaka Hoyakalu matkaklerutkani hiyrunu Hoyakalu rimatheta.

Apocalipse 2:13

Nimatlu hwiywaka, tsru kamtshi Satanás pohirewaxyawaka yehi. Seyni nhiwaka homkahle hi hiknokatka hiyrun-koxa hi hiknokatkalu halixlu pirana homkahpotuxyawaka. Antipas tshinkaluru nuphujtatjeru ptowutkolu potuko rupniniklunupapkonatka hix-yehi hiylaxikaluru, tsru kamtshi Satanás hwiywaka yehi, seyni hi hiknok-halixletatka.

Apocalipse 2:19

Nimatlu hkamrure Cristo tshinanu, hichiniklewle nimata. Nimatlu hepixlewle pimrine tshinanu hiyrunu halixle pirana nimata. Nimatlu hmachiretannu hakotachale hiyrun-koxa nimatlu xawakni hohne hkamrure hita tshinanu, hekamhale yohnikatka.

Apocalipse 2:9

Nimathetlu hsalewaklu. Nimatlu hike mwikanemkahi seyni halikaka phurunhi. Nimathetna heyikjene judeu-ne tshinikatshinwa seyni hi halikakni. Seyni tsru kamtshi Satanás maklutenni wanna.