1 Coríntios 7:2 - Bíblia

² Seyni hapoklewlu tshinanu satkaka jeji hijhalo waleko hhanunro rimwiywakapa. Hiyrun-koxa satokaka suxo hijhalu walako thanuru timwiywakapa.

1 Coríntios 7:2 ပူးပေါင်းရင်းမြစ်များ

Mateus 5:32

Seyni hita wan-tshina: Katukta hichohnunrota, hapoklewlu tshinanu minje, rimopatkaklo hhanunro. Hiyrun-koxa katukta hhanunrotlo hichotkaluro rimopatlewata.

1 Coríntios 6:18

Hasujinri hapoklewlu. Ptowru pimri hektuntshi yineru kamhanru wimane malekate hwatshrini. Seyni hapoklewatatshri waleko himaneko hmajnakowaxya.

1 Coríntios 7:1

Xawakni hixa yonyehixyano pirana nkochtshekanu. Kihlepotlu jeji suxo hma yotnexyawakanu.

1 Coríntios 7:3

Hnurtshine haluklu hhanunrone halujyawaka romkahixyawakna. Waneko pixka tixanru suxo thanuru.

1 Coríntios 7:9

Seyni hma makotkanuklunupluna wan-rixyawakna hhanunrowhapkatanna, hhanuruwhapkatanna. Klu tshinanu kihleru halikaka hanunrowhapkaxyawakna, hanuruwhapkaxyawakna hma kaheknanuwaxyawakanupna.

Efésios 5:28

Waneko pixka raluk-hixletna hnurtshine. Rumukata hichinikletna hhanunrone wannako himaneko pixka. Jeji hanuruktako hijhalu ruchinijyawaklo hhanunro wale nanuko ruchinijnawakwa pixka.

Efésios 5:33

Hiyrunu hixa tshinan-koxni wale pirana. Satkakhi hixa jejinhi hijhalu hhanunro ruchinijyawaka wale nanuko ruchinijnawakwa pixka. Hiyrunu suxo hijhalu tkahwakpiraxyawaklu thanuru.

1 Tessalonicenses 4:4

Satkaka hixa jejinhi haluka wan-hixletna hhanunrone Hoyakalu halujyawak-potuko hiyrun-koxa kihleruya yine hetanuya.

1 Timóteo 4:3

Nyi jejine himaletlu hnunrowlu. Rinanchitluna nikkaluru. Seyni Hoyakalu hiyakotlu xyekaka nikkaluru wniklerupa rixyawaka hiyrun-koxa wale wpoyahnuxyawaka. Hixa Cristo halixatshinwu, halikaka pirana himatatshinwu wane wixanu.