1 Coríntios 6:3 - Bíblia

³ Hi he himatlu haté hiwejikalune Hoyakalu towrerune tenhohne hajene tshinanu wujhahchinikanyehjixko? Hi he wane pnute wujhahchinikanyehjixanna xye hohne hajeru hikoluklukaka?

1 Coríntios 6:3 ပူးပေါင်းရင်းမြစ်များ

Mateus 25:41

— Waneya wla htshinanunna pa sta sreta hajenepni: — “Hyachatanutka, hapnokatkalunephi! Tshitshmero hikeklu hohne mnikawnakatupa yehi tsru kamtshi hiyrunu htowrene kamtshine tshinanu halpokotkaluru yehi hyanu.

Lucas 21:34

Jesus wan-tshina: — Hislahinwa! Hi hyokwixinwa tsru nikluyma ho himriya ho xye hiwejinri kojwakle tshinanuya. Hma mimyejyawakanupa himnanhakanatatshine pixka rakanhinpatka xyekaka.

Lucas 8:14

Kona yehi hapoktatajitatshine, wanna Hoyakalu tokanu jematshine pixkalune. Seyni kojwakahchinikanrukaka, ho pohirewnalu, ho poyikowlukaka xye hohne hexikaluru mixkowpotuta waneya xekoyaka hkakmokannatkalu. Hiyáhoni hi hjiwatanatkana.

Romanos 6:16

Hixa himatlu katukta henejinwa towrertshi rixikowaka rujhalu hyijnakoxyawaklu htowutjeru. Hiyáhoni hixa hijhalu hkamhiywaklu htowutjeru towuxyahi. Hektuntshi towuxinhi hipuktshi hkayatanu seyni kajnako hixini Hoyakaluya, hiyáhoni hihletko Hoyakaluya.

1 Coríntios 6:15

Hi he himata hixa hix-mane Cristo psojitni? Kihlehohihe Cristo mane psojite kapoklewaklero mane nipxakkajyawaka? Hike.

1 Coríntios 6:16

Hiyrun-koxa hi he himatlu katukta kapoklewaklero hapokmanexini, pa manepka rixatka walayma? Klu tshinanu wane potuko htshina Hoyakalu tokanu yonatkaluru mitshikawlur-pirana: “Hepikananna, pa manepka rixkakna.”

1 Coríntios 6:19

Hi he himatlu wimane Hoyakalu Hiwejikaluru hwiywakni hixa himane hitokote hiwejikatshrini, Hoyakalu henejyawu? Wale waneyhi Hoyakalu tshinanu. Hi hixanukni hixa.

1 Coríntios 6:4

Hiyáhoni hixa hijhahchinikanyehjixiniplu jikolukanuru xye hohne hajeru tshinanu seyni haklu tshinanhe hixa hi hitakna rujhahchinikanyehixikowakna Cristo halixatshine mpomujhakon-potu Cristo halixatshine hapatjetatshine yehiya?

2 Timóteo 2:4

Kyahotkakakleru haluka poyikowkakletlu htowutjeru. Hiyáhoni wan-hixatshri soldado hi rujhalu hma towuxikowakanuko hkamhiywaka.

2 Timóteo 4:10

Klu tshinanu Demas tshinkaluru hiknokamtatkano. Xye tshijne hajeru tsonu hichinikanretatshrini wale. Tessalônica poktshi nwaka Dalmácia tshijne hyatka. Crescente tshinkaluru Galácia tshijne nwaka hyatka. Tito tshinkaluru Dalmácia tshijne nwaka hyatka.

2 Pedro 2:4

Hoyakalu hi hetachatna majnakowatatshine htowrerune hiwejikalune tenhohne hajenekananu seyni tshitshmero ruknokna. Yomuwatsa hostutkalunni, mapchahawak-yehi rimrexikna rapnokaxikolna hohnepa tshinanu.

Judas 1:6

Hiyrun-koxa hiwejikalune Hoyakalu towrerune tenhohne hajenekananu, yomuwatsa hostutkalunni hike rixiniko mnikawnakatu klu tshinanu ruknokatkaluna rawakanaxyawakna. Hiyáhoni Hoyakalu hihnanutna mapchahawak-yehiya, tsru hijhakaluru hohne hinatshripa rapnokatkona.