1 Coríntios 3:3 - Bíblia

³ Xye tshijne pirana tsonu homkahitatshine pixkalunhi. Klu tshinanu hix-yehi rawa hahxalu hiyrun-koxa yahotkaklu. Hi he xye pirana hekhitlu xye tshijne pirana tsonu homkahitatshine pixka hixatshinhi? Hiyrun-koxa hi he pimrine malixkane pixka hixjetatshinhi?

1 Coríntios 3:3 ပူးပေါင်းရင်းမြစ်များ

Romanos 13:13

Katawaka pixka wixa yanretanu kihleru xako wkamhanu. Hi himri ptowru hixatshri womkahitanu, hi suxohewluko, hi patewahonutshiko, hi yanhakakluko, hi sotanuhonutshiko womkahitanu.

1 Coríntios 1:10

Hiyáhoni Cristo tshinanu nmoletanune, nuykothi pa hchinikanerune htshintokanutanu. Hi hkotspalahchinikankakanu hixkakluko. Pa hchinikanurunephi ptowru potuyako. Pa halukkalunephi.

1 Coríntios 1:11

Cristo tshinanu nmoletanune, nunkakka hixa pirana. Cloé-ne tshinkalune hinkakle tshinanu hix-hima yahotkaka hixkakluko.

1 Coríntios 11:18

Klu tshinanu mitshikananhapka nyijnakotlu Cristo halixatshine hapatjexikowaka hapatjexini, hixa ptohkaka hitspaljexini waneya hima hkamnikakjeta. Hiyrunu xye pirana nalixa psotsonu.

1 Coríntios 3:4

Klu tshinanu wane htshininna satkaka yine: “Hitni Paulo-ymalutno.” Satuko wan-tshina: “Hitni Apolo-ymalutno.” Hi he wan-tshinatshine xye tshijne pirana homkahitatshine pixka hixatshinpothi?

2 Coríntios 12:20

Npiklu wane napojini pnuko hixatshinetkahi hixyawaka, nma muchinikanrexyawakanu pixka nixa yoptolexyawakatkahi. Hiyrun-koxa hix-koxa pnuko hixahotanno hmalujyawakanu pixka hixahotanno. Npik-koxlu wane napojini hejnu hima njemyawaka, hahxalu, jhekantshi, tserpiranawlu, hektuntshi, hapatlewlu, halixkoxikatshriwa, sejirewnalu.

Gálatas 5:15

Seyni hejnune kmatsyirune pixka hachkotkakatshine, nikkakatshine pixka hixini, xako hnikatkakapaka.

Tito 3:3

Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.

Tiago 3:16

Klu tshinanu hanuktako rukchijika hahxalu hiyrunu kamnirewlu, wane koxlu kaheknanuwlu hiyrun-koxa ptowru hixatshri kamrurtshi hektutu wane hwa.

1 Pedro 4:2

Hiyáhoni xawakni wan-hixatshri yineru hi hijhalu himane het-sotanrewle romkahixyawaka, yineru hikchikhihlenrerumka hi romkahitanu. Seyni Hoyakalu hikchikhihlenreru rujha homkahreta riwekka pchinika.