1 Coríntios 2:9 - Bíblia

⁹ Hiyáhoni wane htshina Hoyakalu tokanu yonatkaluru mitshikawlur-pirana: “Hi satukna yineru hetjejetlu, hi satukna jemjejetlu, hi waleko ruchinikanretjejeta yineru ptowru potuko Hoyakalu halpokoxyana ruchinikjene.”

1 Coríntios 2:9 ပူးပေါင်းရင်းမြစ်များ

Mateus 20:23

Waneya Jesus wla tshinatkana: — Halikaka, hixa hirinro copa salewaktshi yehiya seyni htuplaxyawakaplu npotukle sreta ho npastate sreta hi hitanni neneklewaxyawakapa. Xye ptaklukaka sreta hajene Nuru halpokohnaplene tshinanupa.

Mateus 25:34

Waneya pohirtshi wla htshinanna hpotukle sretate hajene: — “Hinanu, Nuru kihleru htshinyehixyahi. Hyoptotapanru hyoptolerupa Hoyakalu pohirewaxyawaka hixa tshinanu halpokotkalurutka hma muyakotkonuklunuwa xye tshijne.

João 3:16

Hoyakalu psol-tshijneka hajene ramotle tshinanu hyokanatlu hituru satupkalutu ptowru yineru ralixjene hi rupnanna seyni riwekanna hikeklu hohne mnikawnakanepa.

Romanos 8:28

Wimatlu ptowru potuyako Hoyakalu kamrurewata hixa hihlenu tshinanu, ptowrunek-yine Hoyakalu hamotatshine, Hoyakalu nurrenni. Hoyakalu nuretatkana waleko hkamrure hkamhiywaka tshinanupna.

Hebreus 11:16

Seyni hike, wanna halukatkalu pa tshijneko kihlewaka potuko, tenhohne hwatshri tshijne. Hiyáhoni Hoyakalu hi patewata Royakalutna htshinikowaka. Klu tshinanu Hoyakalu halpokohnaputna satu poktshi wanna tshinanupa.

Tiago 1:12

Poyikowatatshrini yineru yohnixikolkaka hetatshri kihleru kamrurtshi hmuchotkanuklunu. Klu tshinanu yohnixikolu hiknohiniplu wan-hixatshri hiwejikaluru hyoptotanu, rumlujikolu sahyi hiwejikaluru hyoptotanu. Hoyakalu honukla hinkaklexyalu wan-hixatshri yineru.

Tiago 2:5

Cristo tshinanu nmoletanune nuchinikanune hislahtokanutanno. Hi he Hoyakalu nurrenni wanna hike mwikane xye tshijne hajeruya seyni halixlu tshinanu phurunni hiyrunu Hoyakalu pohirewaxyawaka yoptotatshinepni wanna, runkaklexyana ramotjene?

1 Pedro 1:12

Hoyakalu mitshi himatjemkakatkana, hi wannako tshinanupni xye pirana seyni hixa tshinanupni. Xyekaka pirana runkaklena hixa tshinanu, xawakni hinkakka kihle piranalu potuko hiwekkaklewatatshri pirana jinkakletakleruneya Hoyakalu Hiwejikaluru, tenhohne hichpajikatshri hepixleyma. Haté hiwejikalune Hoyakalu towrerune tenhohne hajene hijha himatletlu klunerni xyekaka pirana.

1 João 4:19

Wamotlu Hoyakalu klu tshinanu wale hapka hamotatkawu hixa.