1 Coríntios 2:3 - Bíblia

³ Hixa tskala nwakanaxini hihrokakanatatshrino hiyrun-koxa hitatakakanatatshrino npikle tshinanu.

1 Coríntios 2:3 ပူးပေါင်းရင်းမြစ်များ

Atos 17:1

Waneya wane pnute Anfípolis poktshi hiyrunu Apolônia poktshi hyapamtna Paulo, Silas haté Tessalônica poktshi rapokna. Wale poktshi rawa satu hanjihohnewakapji judeu-nerune tshinanu.

Atos 18:1

Waneya wane pnute Atenas poktshi ruchpajya Paulo Corinto poktshi nwaka hyatka.

Atos 18:12

Waneya Gálio tshinkaluru, Acaia tshijne chefe-te rixakanaxini, satkaka judeu-ne pa hchinikanurunni hkamnixyawakluna Paulo. Waneya ranikluna Paulo hijhahchinikanyehixikowaka.

Atos 18:6

Seyni hi hyoptotluna Paulo hinkakle hiyrunu hektuwaka htshinna, wale tshinanu Paulo hiplokamkata waneya wane htshinna: — Pa hohne hamhatshinenaphi hixako htshinanupni. Powramyono hixa hrahni tshinanu. Hi hita tshinanupni! Xawaknipatka judeu mixkane tsonu nyanwakatanutka.

2 Coríntios 10:1

Hitakni, Paulo-no, wla mitshi ntshinnawa, hixastsi nwiniklunu kpoyikonerno seyni howuka nwiniklunu ktokanno. Hitakni hanjithi Cristo mayohnuyma hiyrun-koxa hchinikannuyma,

2 Coríntios 10:10

Satkaka hetko xawaka wla tshinjeta: “Paulo yonawahle halikaka hixko towutlewle, htowutlewata seyni hewi potuko rawini hi kmixkonru hiyrun-koxa htokanu hike kochpakatshrini.”

2 Coríntios 13:4

Klu tshinanu yáholu cruz ruylaxika Cristo ruhrokahotko tshinanu seyni xawakni riweka Hoyakalu pixkonu tshinanu. Waneko pixka wix-kox-hixa. Hixa wale hihrokahoxikoluymalunwu seyni pa hchinikanurunwu waleyma wiweka Hoyakalu pixkonu tshinanu, wepixyawakaphi tshinanu.

2 Coríntios 13:9

Hiyáhoni wale tshinanu wpoyikowata wuhrojinmaka seyni hixa mixkowata. Hiyrun-koxa wanjitlu Hoyakalu potukalune hixyawakapa.

2 Coríntios 4:1

Hiyáhoni hi wuhroka klu tshinanu Hoyakalu ruchinijyawaka tshinanwu xye kamrurtshi renekwu.

2 Coríntios 4:16

Hiyáhoni hi wuhroka halixletanu. Yáholu wimane himat-nikawna seyni hixa hitokote hwatshri rerotetka ptowru hohnekananuko.

2 Coríntios 6:4

Seyni ptowru piranako wekhithi Hoyakalu kamrurewyehitatshinwu wixyawaka. Hi wkaheknanuwata wsalewnini, wmahaxinri tshinanuya hiyrun-koxa wkojwawninri tshinanuya.

2 Coríntios 7:15

Pnut-potu ruchinikhi ruchinijinri kajnakolunhi hixyawaka pirana hiyrun-koxa tsru pikluyma hima hyoptotatkalu kahwakpirruyma koxa.

2 Coríntios 7:5

Macedônia tshijne wapokkawaka hi wapnanuta. Ptowru sretako wexyalu kojwaklu, yahotkaklu hiyrun-koxa wpikle weta hitok-hajiya.

Efésios 6:5

Towrertshine xako yijnakotanna htowutjene xye tshijne hajene. Hkahwakpiratanna htowutjene hiyáhoni hyijnakotanna ptowru potuko hjemleru. Wane potuko hixatshinephi kihle hchinikanuphi hatatjewa Cristo towutanunhi.