1 Coríntios 14:3 - Bíblia

³ Seyni halikak-potu Hoyakalu tokanu hinkakletatshri hyanumaxini jematshine tshinanukni runkaklewata. Tseruwakahchinikanru pirana runkakna. Ruykotna hiyrun-koxa hapnanuhchinikanru pirana runkakna.

1 Coríntios 14:3 ပူးပေါင်းရင်းမြစ်များ

Lucas 3:18

Hiyrun-koxa hixo pimri piranayma ruykotna yine runkaklewaxini.

Atos 13:15

Rali hethaletkoklunutka Moisés yonre hiyrun-koxa Hoyakalu tokanu hinkakletatshine yonawahle waneya hanjihohnewakapji chefe-tene hinkaklewjixna Paulo-ne: — Wimolene, waneyhi satu tokantshi hiykolu pirana yine tshinanupa? Rawini hinkaklewatanu.

Atos 14:22

Paulo, Barnabé mixkowahchinikankakatkana Cristo halixatshine ralixleyna hiyrunu runkakletluna salewaktshi pirana yine hixo salewaktshikaka retanna haté Hoyakalu pohirewaxyawaka hjihlojyawakapna.

Atos 15:32

Judas hiyrunu Silas, Hoyakalu tokanu hinkakletatshine rixkal-tshinanu, runkakna halixatshine hixo hiykolu pirana hiyáhoni hmixkowahchinikankakatkana halixatshine.

Atos 4:36

Hiyáhoni José, nuretkalune yokmakhiwakleru rutakhiwakatatkaluna, Barnabé. Waleni yokakkaluru hiykolewatatshri. José Levita, Chipre tshijne hichpajikatshrini.

Atos 9:31

Hiyáhoni Cristo halixatshine hapatjetatshine xkehkaka Judeia tshijneya, Galileia tshijneya hiyrun-koxa Samaria tshijne psoluyaka hihlewahchinikanutatka. Htseruwahchinikanutatkana hiyrunu hkahwakpiratluna Tsru Hixikatshriwa Jesus hiyrunu rixolewnatkana, Hoyakalu Hiwejikaluru hislahle tshinanu.

Romanos 12:8

seyni pimrine wuykoxyawaka rixini waneya wuykolewatanu. Katukta henekhejnunkatrewata poyikowluyma renekanru. Towutatshri rixini waneya ruslahpotutanu. Jetwamonukleru rixini poyikowluyma repixanru.

Romanos 14:19

Hiyáhoni womkahitanru xako wale ptowruka hapnanuhchinikanru heneklewatatshri hiyrunu wujhanru hanu potu wumukata mixkotkakleta hixa satkakwu.

Romanos 15:2

Seyni hixa satkakwu wujhalu wimwastsirene wepixyawakna kihleruya, wtseruwnakakanna ralixleyna.

1 Coríntios 10:23

Satkaka yineru wan-tshina: “Ptowru walukanru wumukata kamhaleta.” Hehemka seyni hi ptowruka wkamhapiratanru kihlerni. “Wumukata kamhaletlu ptowru waluka kamhaletanru,” htshina satkaka yineru. Seyni satuko wkamhapiratanru hi ptowruko tseruwnakaklewata.

1 Coríntios 14:12

Jmerpotuphi henekachalkaka tshinanu Hoyakalu henejyawu walenuko Hiwejikaluruya. Hiyáhoni xawakni hijhapotutanru satkaka henekachalu Cristo halixatshine hapatjetatshine hchinikanu hepixatshri potuko.

1 Coríntios 14:17

Hehe, himka kamturu Hoyakalu pimalwuxyawaka pa nruya seyni pimrine jematshine hi repixanunna hihchinikanuyna.

1 Coríntios 14:26

Cristo tshinanu nmoletanune, xyekni naluka tshinreta. Hixa hapatjexini satkaka waneylu chikaltshi. Satu waneylu hasruklewlu. Satu waneylu hiphujetkaluru Hoyakalu piranaya. Satu waneylu pa nru hyanumaxyawaka Hoyakalu pixkonuyma, raw-koxa himata yokakatshri. Ptowru potuko hkamhanu halixatshine hapatjetatshine repixyawakapa.

1 Coríntios 14:31

Klu tshinanu hixa ptowrunekhi himukata hinkakletletlu Hoyakalu tokanu hiyáhoni ptowrunekhi hasrukkalunephi hiyrun-koxa hapnanuhchinikankakkalunephi.

1 Coríntios 8:1

Xawakni mayawletshicha heneknijituxikowaka pirana nkochtshekanu. Hehe, hixa ptowrunekwu hixo pirana wimata. Hiyáhoni wimatkale tshinanu tsru hchinikanu wixnawa. Seyni pimrine wuchinijyawaka tseruwnakaklu halixlewlu.

2 Coríntios 1:4

Wepixjerni Hoyakalu ptowru potuko wsalewnale tshinanu. Repixwu hiyáhoni hix-koxa himukata hepixletna pimrine hixa pixka hixa salewnaletatshine.

2 Coríntios 2:7

Seyni xawakni pnuko hixanutka. Hixa hijhalu hamtakahchinikanyehixyawaklu rumtuknu hiyrun-koxa hyoptoxyawaklu kihler-piranayma. Wane hmixkanuklunru hwamonuwle himukata himtukletanru.

Efésios 4:29

Hi satukna tokantshi hektutu himtuklewatatshri hyanumaxini seyni kihleru tokantshi halukkaluru, tseruwaka hchinikanrewatatshripa tokantshi tsonu hyanumaxini. Yijnakotatshine hepixatshri tokantshi yanumaxiko.

Efésios 6:22

Wale tshinanukni wale nyokananwakathi hixa himatpiranyehixyawakapwu, hma kojwakahchinikanuxyawakanupa wipirana tshinanu.

Colossenses 4:8

Wale tshinanukni wale nyokananwakathi hixa himatpiranyehixyawakapwu, hixa hapnanuhchinikanuxyawakapa.

1 Tessalonicenses 2:11

Hixa himatlu hirtshi hwuheneyma pixka, waneko pixka wixhi hixa ptowrunekhi.

1 Tessalonicenses 2:3

Klu tshinanu wunkakle hi pupjeru hinkaklewluni. Hi hektuhaj-wixle tshinanu piranni. Hi yokwirewatatshri piran-koxni.

1 Tessalonicenses 3:2

Waneya Cristo tshinanu wmoletanru, Timóteo tshinkaluru, wyokanatatka. Wale Hoyakalu kamrure kamhajetatshrini, wikamrurewatanruni, kihle piranalu potuko hiwekkaklewatatshri pirana, Cristo pirana hinkaklewlu tshinanu. Wyokanatlu hpoyahokajyawakaphi hiyrun-koxa repixyawakaphi halixle pirana tshinanuya.

1 Tessalonicenses 4:1

Hiyáhoni wane pnute Cristo tshinanu wmoletanune, wanjithi hiyrun-koxa wuykothi, Wutsrukate Jesus tshinanu, wan-hixa hiykotkota hanu potu haluk-hixleta Hoyakalu hikchikhihlenreru tshinanu xawakni hkamhaleru hpaklu kamhaletanru.

1 Tessalonicenses 4:18

Hiyáhoni xawakni hapnanuhchinikankakanu xye tokantshiyma.

2 Tessalonicenses 3:12

Hiyáhoni xawakni wan-hixatshine wujreta. Wtowutna Wutsrukate Jesus Cristo halujyawaka tshinanu hkamrurewachatanna hiyrunu wannako hnijitukna hnijinna hike mixkanepni.

1 Timóteo 1:4

Puykotanna yine hi psol-hohneruka hyanumlexinrina hinkakluchakaka hiyrunu hi tsrunni hiwakkaka mlejikananuko hkochtshetanna. Klu tshinanu xye pirankaka kamhalu hepomsalu. Xyekaka hi hepixlu Hoyakalu kamrure. Klu tshinanu Hoyakalu kamrure halixluymako hkamhaka.

1 Timóteo 4:13

Nma mapokkanuko pchini hi pucho hethaletanu, hi putuk-hiykolewletanu, hi putuk-hasrukletanna yine nmapokkanuko pchini.

1 Timóteo 6:2

Hiyrun-koxa hitowrene hi heyikanru htowutjerna Cristo homkahitatshri rixini klu tshinanu Cristo tshinanu moletkakatshinni. Seyni pnute hkamrurewatanna klu tshinanu hkamrurna kihleru yoptotatshinepni Cristo halixatshine hiyrun-koxa hichinikkalunni. Xyekaka pirana pasrukjetanna, puykolewatanu.

2 Timóteo 4:2

Punkakletanru tokantshi hiwekkaklewatatshri pirana. Pkamhapotutanru punkaklewaxyawaka hipapkolu potuko hiyrunu hipapko minje koxa. Yine majnákonu puykotanu, ppoyikotanna, ptowutanna yine halikak-potu romkahixyawakna, pasruklewatanu ptowru mchiretannutshiyma.

Tito 1:9

Halikakalutu tokantshi hasrukakanaxikolu pirana homkahpotutatshripni, rumukata hiykoletna tokantshi heyikatshine hiyrunu rumukata halixkota Hoyakalu hasruklewlu halikakalutuyma.

Tito 2:15

Xyekaka pirana punkakletanu Tito, pujretlewatanu, puykolewatanu ptowru towutlewluyma. Hike yineru heyikanyi.

Tito 2:6

Hiyrun-koxa hijretanna maklujine hike mixkane rixyawakapna.

Tito 2:9

Hijretanna towretshine hyijnakoxyawakna htowutjene. Ptowru potuka ralukanruna hkamhiywakapna towretshine. Hi ruhjetanna htowutjene.

Hebreus 10:25

Hi wucho hapatjeretanu pimrine hixjexyawaka pixka hi wixanu. Seyni henekahchinikankakatshinepwu pnut-potu klu tshinanu wetlu hi howukatkalu hinatshri hohnepa.

Hebreus 13:22

Hiyáhoni xawakni Cristo tshinanu nmoletanune, hakotanru tokantshi nujrexyahi. Klu tshinanu yonawahlo nyonanwakaxyahi hi ho piranru.

Hebreus 3:13

Seyni halikaka hijretlewluyma hepixkakanu ptowru hohne potuko xawakni hohne tshinkaluru tshinanu, hektuntshi kyokwirewakleru hma chikotahchinikanuxyawakanuphi.

1 Pedro 5:12

Yonatatshri Silvano tshinkaluru. Hixa tshinanu moltshi halikakalutni suslahakleru potukni wale. Wale yonaxyano pso piranajiji Hoyakalu towuxyahi pirana. Hiyrun-koxa yonawahloyma nuphujetlu Hoyakalu halukleru halikakalutu himwatshine hixyawakapa pirana.

Judas 1:20

Seyni hixa nuchinikanune, halixlu potukal-potuko hoho, hpoyehixinwa. Hanjihohnetanu Hoyakalu Hiwejikaluru hepixleyma.