1 Coríntios 13:3 - Bíblia

³ Yáhomaklu ptowru potuko nimwaleru nenekachaxinna hike mwikane nohluxyawakapmakna ho nomane nenekachaxinna hyoxijikowakapa seyni nimwastsirene nma muchinikkanuklunu hike potuko nkochpaka hita.

1 Coríntios 13:3 ပူးပေါင်းရင်းမြစ်များ

Mateus 23:5

Ptowruka hkamhanruna yine hexyawaklu tshinanu hkamhaluna. Hoyakalu tokanu yonatkaluru yonha paji htserutjetna. Xye pajkaka himkalna rostutna yine hexyawakaplu. Himkalna hyokakluna chichyoha samalu. Waneko pixka rixna ptowru potuko hkamrureyna Hoyakalu romkahpotuxyawakna hkahwajikolupna.

Lucas 18:22

Waneya hjeminixkalu Jesus xye ptowruka wla htshinatkalu: — Seyni satu pa hixanu pmaha kamhaletawa. Puchankanru ptowruka pimwanru, penekanna ptowruka mahaxikatshine. Wane pixa pohirewnaletanu tenhohneya. Waneya punanu, pomkahitanno hita.

Lucas 18:28

Waneya Pedro wla tshina: — Petanu, ptowruka wuchota, pixa womkahixyawakatka.

Lucas 19:8

Waneya ptowru yine hetanu hyopkaka Zaqueu tshinkaluru. Waneya wla htshinru Tsru Hixikatshriwa Jesus: — Tsru Hixikatshriwa Jesus, petanu, hanikaji nimwaleru nenekanna hike mwikane. Hiyrun-koxa katuktako pa hixanu ntshowhuxya nyokwijreymalu, quatro kata pnute nsatkajinri.

João 12:43

Klu tshinanu yine hikchikhihlenreru potu rujhatkana, Hoyakalu hikchikhihlenreru pnute.

João 13:37

Waneya Pedro wla tshinru: — Seyni Tsru Hixikatshriwa, klu tshinanhe hi numukata homkahretanyi xawakni? Klu tshinanu haté niwejinri nuknokanu pixa tshinanupa.

João 15:13

Hikeni xye yohnik-hichiniklewatatshri, satu yineru rimatletanune kachrijru rupniywaka.

João 6:63

Hoyakalu Hiwejikaluru waleni henek-hiweklerewatatshri. Wimane hike kochpakatshrini. Tokantshi ntshinyahi waleni Hoyakalu Hiwejikaluru, hiweklu reneklewata.

Atos 21:13

Seyni Paulo hihitna: — Kluneru tshinanhe htshiyahata, klu tshinanhe hwamonuwkakno? Hita halpokoxnawa nostuxikolupa seyni hi wale tsonu, nalpokoxnawa nupninripa Jesus Cristo hiwaka tshinanu.

Gálatas 5:26

Hi hix-nanuko halixkoxinwa. Hi wyotnekakanu. Hi whahxakajini.

Filipenses 2:3

Hike hkamhanu hixako halujyawakacha. Hike hkamhanu halixkotachaxikatshinwa hixyawakapa. Seyni malixkoxikatshinepwahi. Satkaka kahwakanru pimrine wale yohnik-hijhakalune rixyawakna.

1 Timóteo 4:8

Klu tshinanu wimane hasrujikowaka psotsonu repixlewaxya. Seyni Hoyakalu halujyawaka homkahixikowaka ptowru potuko repixlewaxya. Klu tshinanu repixlu wiwekle xawakni papko hiyrun-koxa hiweklu hinatshripa Hoyakalu hinkaklexyawu.

Hebreus 13:9

Hi pupjekakkalunephi ptowru hasruklewlu pejnu wma masrujyahi tshinanu. Halikakni hixa kihleylu wihchinikanu mixkoxikowaka ptowru hihlentshi Hoyakalu henekachaleyma. Hi hkahwakpiratanru nikkalurkaka hiykoyehitkaluru klu tshinanu hi repixna yine xyekaka pirana homkahitatshine.