1 Coríntios 12:2 - Bíblia

² Hixa himatlu, malixkane hixakanaxiniwa mayawletshichakaka mimat-yanumatkatu homkahjekanatatshinhi. Waneklu papko weyawlu homkahjekanatawa.

1 Coríntios 12:2 ပူးပေါင်းရင်းမြစ်များ

Mateus 15:14

Hi hkojwakahchinikanutanu wanna tshinanu; wannakni mayhalene kosekatshine. Mayhaletu kosejinri mayhaletu waneya wanna hepi mayhalene kapna rujrukanna.

1 Coríntios 6:11

Mitshikananu satkakhi hixa wan-hixjekanatatshinhi. Seyni hixa hektuntshi herojikatka, Hoyakalu yoptolenetkahi, hi jihyehitkalunetkahi Hoyakaluya, Wutsrukate Jesus Cristo tshinanu hiyrun-koxa Hoyakalu Hiwejikaluru tshinanu.

Gálatas 4:8

Seyni mitshikananu Hoyakalu hmimatyehitkanuklunuwa, hoyakalune minjene towutjekanathi.

1 Tessalonicenses 1:9

Nyi yine ptowruneka hinkakletlu hix-yehi wwakanaxinri pirana. Kihle yoptole wixikowaka pirana hiyrun-koxa mayawletshichakaka hichoxyawaka pirana, Hoyakalu potu halikakalutu, hiwekatshriko, homkahixyawaka pirana runkakjetna.

Tito 3:3

Klu tshinanu hix-koxa mahchinikanunekananwu mitshikananu. Hektuwaka kamhatshinekananwu, pupjetatshinekananwu. Ptowru hixatshri xye tshiji halukanru hiyrunu poyikowlu womkahjekanata. Hektutu womkahjekanata, wet-sotanrewjekanata. Wahnanuwjekanata. Hixkakluko wahnanutkakjekanata.

1 Pedro 1:18

Klu tshinanu himatlu hitsrukatenni hasrujikolu hike mkochpakkatni womkahjekanatanru pirana, hi prata hi ouro himat-nikawnatshri wenru tshinanu wiwekkaka.

1 Pedro 4:3

Klu tshinanu wiwekle hiknohatshritka tshinanu wpoyahokakatkalu ptowru potuka malixkane halukanru. Waneklu papko womkahikanatlu hapoklewlu, mantshi het-sotanrewle, himri, hahsalu, tsru niklu hiyrunu hoyakalu minjene himtuklewatatshine kahwakpirlu womkahjekanatatka.