1 Coríntios 11:4 - Bíblia

⁴ Jeji ranjihohnexini ruchyajiwuxini ho Hoyakalu tokanu runkaklexini hi hkahwakpiratlu Cristo hyokanatjeru.

1 Coríntios 11:4 ပူးပေါင်းရင်းမြစ်များ

Atos 13:1

Cristo halixatshine hapatjetatshine Antioquia poktshiya rawakanatna satkaka Hoyakalu tokanu hinkakletatshri hiyrun-koxa satkaka hasruklewatatshri. Waneru Barnabé, Simeão, Níger hiwakatletatshri; Lúcio, Cirene hichpajikatshri; Manaém, Herodes-yma kammanetkalurni hiyrunu Saulo.

1 Coríntios 11:14

Hi he hixako hixannu hasrukhi jeji rojiwuwaxini, mkahwakpiratkotu rixlu rojiwuwle?

1 Coríntios 11:5

Seyni suxo tanjihohnexini Hoyakalu tokanu tunkaklexini tma muchyajiwutkanuklunu, hi tkahwakpiratlu thanuru. Wane tixini chichyajiwutkaluro pixka hixatshroni.

1 Coríntios 12:10

Satuko yineru yoptotlu Hiwejikaluru potukalu pixkonu himyekaklewatatshri hkamhiywaka seyni satuko yineru renekka himatkalnutshi Hoyakalu pirana runkaklexyawaka. Satuko renekka himatkalnutshi rimathexyawakaplu pixkontshi renekachaxikolu Hoyakalu henejyalu ho satuko pixkontshi pnuko hichpajikatshri rimatheta. Satuko renekka pa nrukaka hyanumaxyawaka. Seyni satuko renekka pa nrukaka hyokajinripa.

1 Coríntios 12:28

Wale tshinanu Hoyakalu satkaka himukatatshinhi rutaka Cristo halixatshine hapatjetatshineya. Mitshikananhapka nuretkalune rutaka. Waneya wane pnute Hoyakalu tokanu hinkakletatshine rutaka. Wane pnutetnaka halixatshine hapatjetatshine hasrukatshine rutaka. Waneya wane pnute koxa halixatshine hapatjetatshine hepixatshine kakojerune rutaka. Wannani hiyákolu kamhatshine, yeyixlu hitskalaklewaxikatshine, kosekatshine, kakojeru nrutshi himat-yanumaxikatshine, hapkata hitakletkalunetkani wanna.

1 Coríntios 13:2

Hoyakalu tokanu numukata hinkakletletkamka hiyrun-koxa nimatkamkalu ptowru piranako yohimatkaluru pirana hiyrun-koxa ptowru potuko himatkalewlu pirana nimatkamka, hiyrun-koxa nalixle pixkonu tshinanu haté teno mriji numukata yokmanjixleta seyni nma muchinikanretkanukluna nimwastsirene waneya hikepno hita.

1 Tessalonicenses 5:20

Hi heyikanru halikak-potuk-tokantshi hinkaklewlu.