1 Coríntios 1:9 - Bíblia

⁹ Hoyakalu hi weyawata. Htshanixatkahi hituru Jesus Cristo Wutsrukateymalunhi hixyawakapa.

1 Coríntios 1:9 ပူးပေါင်းရင်းမြစ်များ

Mateus 24:35

Tenhohne, tshij-koxa nikawnanu seyni ntokanu hikeklu nikawnanu.

João 17:21

Nanjityi pa hchinikanurune rixyawakapna, hixa pixka Nuru Hoyakalu pa hchinikanurunwu pixa hitayma hiyrunu pa hchinikanurunwu hita pixayma. Nanjityi pa hchinikanurune pixkakanna hixayma, xye tshijne hajene halixyawakaplu pyokanatanruno nixyawaka.

Romanos 11:17

Hatatjewa oliveira muna hislahluro plukaka kastakka. Waneya hixa judeu mixkanhi hatatjewa oliveira muna kahnete hwatshri pixka hixatshinhi waleplu kastajikolu hislahkaluru muna yokakkalunetkahi. Hiyáhoni hixa yoptotlu judeu-nerune mixkonu hiyrunu riweklena.

Romanos 8:28

Wimatlu ptowru potuyako Hoyakalu kamrurewata hixa hihlenu tshinanu, ptowrunek-yine Hoyakalu hamotatshine, Hoyakalu nurrenni. Hoyakalu nuretatkana waleko hkamrure hkamhiywaka tshinanupna.

Romanos 8:30

Hoyakalu hitakna hituru pixka rixyawakapna hiyrunu wanna koxa hnureta. Hiyrun-koxa hnurrene hpotukatatka. Hiyrunu potukatkalunetka royaknu reneka.

Romanos 9:24

Nyi yine htshanixlene hixakni. Hi judeu-nerune tsonni seyni judeu mixkan-koxa htshanixatka Hoyakalu.

1 Coríntios 1:30

Klu tshinanu Hoyakaluko Cristo Jesus hipxakkakatkahi. Hiyáhoni walekni wimatkalewniya. Cristo tshinanu Hoyakalu potukatatkawu, Hoyakalunerune rixkakwu hiyrun-koxa Cristo tshinanu riwekkakwu.

1 Coríntios 10:13

Yahotaletlukaka hix-yehi hwatshri pimrine yahotjeru pixka potuko rixa. Seyni Hoyakalu htshinyawak-potuko hkamha. Hiyáhoni hi retachayehitanhi hma makoxyawakanu pnute hma mixyawakanupa yahtaletlewlu. Seyni yahtaletlewluko repixinhi hiknohyawakaplu hixa himukata hakotlexyawakaplu.

1 Coríntios 10:16

Copa stono hwatshri wurrerha pirana wuchinijyalu Jesus hipnale hixa tshinanu, wuhlewahchinikanutjeru wpoyahnuthaleru pirana. Xye copa stonha wurini, hi he xawaka Cristo hraha wapikka? Hiyrun-koxa pão wjiknajroxinri wnijinri, hi he Cristo mane wapijikolukatkani wale?

2 Coríntios 1:18

Hoyakalu hiwaka halikakalutu nkochtshekanu, nunkajyapiranhi hi wane wtshinhi wale papkolutuko hehe wtshinhi howukchini hike wtshinhi.

Gálatas 1:15

Seyni Hoyakalu, retwamonre tshinanu, hnuretno, htshanixno nma matutkanuklunuwa.

Gálatas 2:20

Seyni niweka wanepnawaka. Seyni halikaka hiwekatshri hi hitni seyni Cristo, hita nanwaka hiwejikatshrini. Xawakni xye niwekle Hoyakalu whene halixikolu tshinanu niweka. Walekni namotjeru hiyrunu renejnawana hita tshinanu.

Efésios 3:6

Xyekni tokantshi yohimakanatkaluru. Kihle piranalu potuko hiwekkaklewatatshri pirana tshinanu, judeu mixkane kwawaklena judeu-neruneyma Hoyakalu henekanwu kihler-pirana. Judeu mixkane Jesus mane psojitnina judeu-neruneyma. Hiyrun-koxa Hoyakalu judeu-nerune runkaklexinri judeu-nerune mixkanen-koxatkani Jesus Cristo tshinanuya.

Colossenses 1:24

Npoyikowata klu tshinanu xawakni numukata salewnaletanu hixa tshinanupa. Nomane salewaklu hepixa nikatletlu Cristo salewnale Cristo halixatshine hapatjetatshine Cristo mane-ne tshinanupa.

1 Tessalonicenses 2:12

Wumutjekanathi, wapnanuhchinikankakjekanathi, wuykojekanathi Hoyakalu halujyawaka himukata kamhaletanu hixa hiwejinriya. Tomhakalunhi waleko hpohirewaxyawaka hajene hixyawakapa hiyrunu royaknu himwatshine hixyawakapa.

2 Tessalonicenses 2:14

Wale tshinanu wunkakle tshinanu, kihle piranalu potuko hiwekkaklewatatshri piranaya htshanixatkahi, hikchijyawakaplu Wutsrukate Jesus Cristo hoyaknu.

2 Tessalonicenses 3:3

Seyni Tsru Hixikatshriwa Hoyakalu munanhahohnekanatkalurni, hixa poyehiwa hchinikankakatshrini ptowru hektuntshi yehi ruslahinhi.

2 Timóteo 1:9

Hoyakalu hiwekkakwu hiyrun-koxa htshanixwu wale hinerune wixyawakatka. Hi hixako wkamhanru tshinanu htshanixwu seyni waleko hihchinikanu tshinanni. Hiyrun-koxa Hoyakalu hihlenu renekachale tshinanu htshanixwu. Hmawkanuklunuwa hyinuwakle papko Hoyakalu henekwu xye kihleru renekachale Jesus Cristo tshinanuya.

2 Timóteo 2:13

Cristo wpupjehetanuxini, hi ruknokanwu wale. Klu tshinanu hi rumukata yohikletokanuta htshinyawakatka tshinanu.”

Tito 1:2

Hiweklu hikeklu hohne mnikawnakatu kahwajikolu tshinanni. Hoyakalu, mimat-weyawatkatu, hinkakletlu xye hiwejikolu mnikawnakatu pirana xye tshiji muyakotkonuklunuwa papko.

Hebreus 10:23

Chiko halixlerunepwu walixleya. Hi pnu pejnu hixahchinikanutatshinepwu. Klu tshinanu Hoyakalu htshinyawaka poyahokakatshrini.

Hebreus 11:11

Halixlu tshinan-koxa Sara yoptotlu tumukata michiwlexyawakapa whentshi tkayaxyawakapa yáholu tsrotsolejimkatkani seyni tmatuwhenetatka klu tshinanu talixatkalu hinkaklewatatshri himukatatshri koxni wale.

Hebreus 2:17

Hiyahokni xye pirana tshinanu rujhalu ptowru himolene hixannu pixka rix-manexyawaka tsru sacerdote rixyawakapa. Wan-hixatshripnawaka jetwamonuklerni hiyrunu ptowru potuko kihle kamrureyalni Hoyakalu piranaya, yine hektunu ruknokkajinripa.

Hebreus 3:1

Hiyáhoni Cristo tshinanu nmoletanune, hix-koxa Hoyakalu nurrenhi, homkahpotutanru Jesus, Nuretkalurni wale hiyrunu Tsru Sacerdote potni wale halixlu pirana wuphujetjereru.

Hebreus 3:14

Klu tshinanu hix-koxa Cristo-ymalunwu wpaklu homkahrepotuxinri walixle, wehalixle pixka.

Hebreus 6:18

Xye hepi pirana mmayxakatu tshinanu, hi rumukata weyawleta Hoyakalu, hiyáhoni wimwalu hixko hchinikanu wixle Hoyakalu tshinanu. Hiyáhoni wumukata hikchikletlu tsru hepixlewlu, hixa Hoyakalu nwaka hasukatshine pixkalunwu, wunkaklexikolu kahwakatshinpotwu.

1 Pedro 5:10

Seyni Hoyakalu ptowru kihleru heneklewatatshri, wale hoyaknutshi hike mmahaxikatu tshanixwu, Cristo Jesus tshinanu, hpotukatanhi, hpoyehiwkakanhi, hmixkowkakanhi, rapnanuhchinikankakanhi, hsalewnale pchini tsonurutu hiknohinipa.

1 João 1:3

Ptowru wetleru pirana, ptowru wyijnakotanru pirana wunkakhi, hixa pixka hixahchinikanutatshine hixyawakapa, hix-koxa. Klu tshinanu halikaka hixa pa hchinikanurunwu Wuru Hoyakalu tshinanu hiyrun-koxa Hituru Jesus Cristo tshinanu.

1 João 1:7

Katawaka wyaniniklunu wale pixka, hixa hatajnutatshinepwu pa hchinikanurukakatshinepwu hiyrunu Hituru Jesus hraha powratjetwu ptowru hektuntshi tshinanu.

1 João 4:13

Xye tshinanu wimata waleymatkawu hiyrunu hixaymatkalu Hoyakalu klu tshinanu renejyatkawu waleko Hiwejikaluru.

Apocalipse 19:11

Waneya netlu tenhohne kotpukkaluru. Hetanu! Satu cavalo klatalu hakanhatka. Cavalo tji yapatshri hiwakni Ptowutkolu Halikakalutu. Potuka hchinikanurni, retamayxaklerewatawa yahotkaklu hkamhiywakapa.