1 Coríntios 1:4 - Bíblia

⁴ Ptowru hohnekananuko npoyahnutlu Hoyakalu renekachale hixa tshinanu, waleni Hoyakalu hihlenu henekachaxikolu Jesus Cristo kamrure tshinanu.

1 Coríntios 1:4 ပူးပေါင်းရင်းမြစ်များ

Mateus 19:11

Waneya Jesus wla tshina: — Hi ptowru yineru himatjemlu xye ntshinyawaka seyni yine Hoyakalu himatjemkaklene tsonu himukata himatjemletanru.

João 10:30

Hita hiyrunu Nuru Hoyakalu satupkalunwu.

João 14:14

Kluneruktako hanjixini hita hiwaka tshinanu, nkamhanru.

João 14:16

Jesus pnute hya tshinreta, wla htshina: — Hita hanjitanru Nuru Hoyakalu wale satu hapnanuhchinikankaklewatatshri renejyawakaphi, hix-yehi rawhohnekanaxyawakapa.

João 14:26

Hiyrunu Hapnanuhchinikankaklewatatshri ptowru potuko hasrukanhi. Walekni hepixanhi hichinijyawaklu ptowru potuko nunkaklexyatkahi. Xye Hapnanuhchinikankaklewatatshri, Hoyakalu Hiwejikalurni. Walekni Hoyakalu yokanatanrupa Hita hiwakaya.

João 15:26

Seyni Hapnanuhchinikankaklewatatshri, Hiwejikaluru halikaka pirana hiphujetatshri, Nuru Hoyakalu yehi hichpajikatshripa, nyokanatanrupa, rapojinipa hixa nwaka, waleko hiphujtatanno.

Atos 11:23

Waneya rapojinixka Barnabé retlu Hoyakalu ramoxyawakna hiyáhoni rumuwata. Waneya Barnabé mixkotahchinikanutna psoluka rajiyna Tsru Hixikatshriwa Hoyakalu romkahixyawakna hiyrunu hi ruchotanruna Tsru Hixikatshriwa Hoyakalu.

Atos 21:20

Hyijnakoxinixkaluna hpoyahnutluna Hoyakalu waneya wane htshinruna: — Petewa wimole, hi pejnu mil kananu judeu Cristo halixatshinetka hiyrunu wanna ptowruneka Moisés yonreru pirana homkahpotutatshinetkani.

Romanos 1:8

Mitshikananhapka npoyahnutlu Noyakalute, Jesus Cristo-ya hixa ptowruneka tshinanu; klu tshinanu hixa halixle pirana ptowruchaka hjemika.

Romanos 6:17

Seyni poyahnu Hoyakalu! Klu tshinanu mitshikananu hektuntshi towutjekanathi seyni wkatanuko hixa homkahitatkalu psol-mixkonuyako halikakalutu pirana Hoyakalu hiykole pirana hixa henejikolu.

1 Coríntios 1:3

Nanjitlu Hoyakalu, Wuru hiyrun-koxa Wutsrukate Jesus Cristo hiru renejyawakaphi Hoyakalu hihlenu renekachale hiyrun-koxa hapnanuhchinikanru Hoyakalu henekanwu.

1 Timóteo 1:14

Seyni Hoyakalu hihlenu reneklewle renekpotuthonukno. Hiyrunu Hoyakalu hihlenu reneklewleyma renekno halixlewlu hiyrun-koxa hamotlewlu Cristo Jesus himwaleru.