1 Coríntios 1:2 - Bíblia

² nyonatlo twu yonawahlo hixa Hoyakalu homkahitatshine hapatjetatshinhi, Corinto poktshi hajenhi nwaka. Hixa ptowrunekhi Cristo-ymalunhi hixa halixle tshinanu, Hoyakalu kotspalatanune nuretkalunhi. Hiyrun-koxa twu yonawahlo yonatka pimrine ptowruneka psoluchako hapatjexikatshine Wutsrukate Jesus Cristo hapohchinikanutatshine tshinanu. Jesus Cristo wanna Hitsrukatni hiyrun-koxa hixa Corinto poktshi hajenhi Hitsrukatni.

1 Coríntios 1:2 ပူးပေါင်းရင်းမြစ်များ

Gênesis 12:8

Waneya wane riknohamta hipjitkaka yehi hyamta Betel tshinikowaka tkatshi hichpajyawaka sreta nwaka. Waneya wane rutakapjita nikalumta kamhikolu pji. Betel tshinikowaka tkatshi himxijyawaka sreta Ai tshinikowaka tkatshi hichpajyawaka sreta hanikajite hpanawaxya. Waneya wane altar hkamhiya Tsru Hixikatshriwa Hoyakalu rimalwuxyawaka tshinanu.

Gênesis 4:26

Sete tshinkaluru koxa wuhenewata jejni. Hhiwakatlu Enos. Waneya waneklukawa yine yinuwaka hanjihohneyehretlu Tsru Hixikatshriwa Hoyakalu hiwakaya.

Atos 10:36

Xyekni tokantshi Hoyakalu yokanatanru israel-nerune nwaka, kihler-potuko tokantshi ruhlewahchinikanuxyawaka pirana, Jesus Cristo-ya. Xyekni ptowru potuko Tsru Hixikatshriwa.

Atos 15:9

Hoyakalu hetanuya pixkakaklunwu hixa, wanna. Ralixlena tshinanu hpowrathajitna.

Atos 18:1

Waneya wane pnute Atenas poktshi ruchpajya Paulo Corinto poktshi nwaka hyatka.

Atos 22:16

Ha xawakni, kluhe pkahwakjeta? Ppalnanu, p-batiza-tkotka, pmunanhanru Tsru Hixikatshriwa Hoyakalu ruknojyawakaplu pektunu.”

Atos 26:18

pumrekhakajyawakna rumukata hichpaklexyawakna mapchahawakaya katalu romkahixyawakapna hiyrunu Satanás towre ruchpajyawakna Hoyakalu romkahixyawakapna. Waneya ralixlena tshinanu rektunna ruknojikona hiyrunu Hoyakalu nuretanune rixyawakapna.”

Atos 9:13

Waneya Ananias hihitlu wane htshina: — Tsru Hixikatshriwa, hixo yine njempiranyehixyalu xye jeji hi psokananu hektutu hkamhiyatkana potukalune Jesus halixatshine, Jerusalém hajene.

Atos 9:14

Hiyrun-koxa xawakni hewi rapoka tsru hixikatshinwa sacerdote-ne hinhatshriyma hkachixyawakapna wanna ptowruneka pixa hiwaka munanhatshine.

Atos 9:21

Waneya ptowruneka Saulo jematshine himyeka. Wane htshinna: — Hi he xyekni Jerusalém hajene, Jesus munanhatshine hiylajetatshrikni wale? Hi he walekni hanikna Jesus halixatshine hostutkalune tsru hixikatshinwa sacerdote-ne yehi?

Romanos 1:7

Hiyáhoni nyonanwakathi hixa ptowrunekhi Roma poktshi hwatshinhi, Hoyakalu hamotanunhi, htomhaka Hoyakalu kotspalatanune hixyawakapa; waneyaphi Hoyakalu hihlenu hiyrun-koxa hihlehchinikanrewlu Wuru Hoyakaluya hiyrunu Tsru Hixikatshriwa Jesus Cristo-ya.

Romanos 10:12

Yonatkaluru wan-tshina ‘ptowru yineru’ wane htshina klu tshinanu hi rawa kakojeru, yáholu judeu-neru, yáholu judeu mixkatu. Walerutu Tsru Hixikatshriwa Hoyakalu rutsrukatetna hiyrunu Hoyakalu hihlehchinikanutna ptowru yineru hanunektako munanhinri.

Romanos 3:22

Wpowratjerni Hoyakalu walixle Jesus Cristo tshinanuya. Ptowru halixatshri pejnu wan-hixka; klu tshinanu hikewani yineru pnuko hixatshriwa,

Romanos 8:28

Wimatlu ptowru potuyako Hoyakalu kamrurewata hixa hihlenu tshinanu, ptowrunek-yine Hoyakalu hamotatshine, Hoyakalu nurrenni. Hoyakalu nuretatkana waleko hkamrure hkamhiywaka tshinanupna.

1 Coríntios 1:30

Klu tshinanu Hoyakaluko Cristo Jesus hipxakkakatkahi. Hiyáhoni walekni wimatkalewniya. Cristo tshinanu Hoyakalu potukatatkawu, Hoyakalunerune rixkakwu hiyrun-koxa Cristo tshinanu riwekkakwu.

1 Coríntios 10:32

Hike hkamha rumtukahchinikanutjerupna judeu-ne, judeu mixkane koxa, hi Hoyakalu homkahitatshine hapatjetatshineko.

1 Coríntios 12:27

Hiyáhoni hixa ptowrunekhi Cristo manenhi. Hiyrun-koxa hix-satkakhi wale mane psojithi.

1 Coríntios 8:6

Seyni hixa tshinanu waneru satupkalutu Hoyakalu. Waleni Wuru Hoyakalu ptowru potuko hiyakotatshri. Wiweka wale halujyawaka wkamhiywaka. Hiyrun-koxa Wutsrukate Hoyakalu satupka. Waleni Jesus Cristo. Ptowru potuko hkamhaka Jesus Cristo tshinanuko. Haté hix-koxa hwa Jesus Cristo tshinanu.

2 Coríntios 1:1

Hita Paulo-no nuretkalurno. Hoyakalu halujyawaka tshinanu Jesus Cristo nuretno. Nyonata hixa tshinanu, Timóteo wimole Cristo tshinanuyma. Twu wyonata Cristo halixatshine hapatjetatshine Hoyakalunune tshinanu Corinto poktshi hajene tshinanu hiyrun-koxa ptowruneka Hoyakalu kotspalatanune Grécia tshijne psoluka hajene tshinanu.

2 Coríntios 4:5

Klu tshinanu wunkakle pirana hi hixako wipiranni; wunkakle Jesus Cristo Tsru Hixikatshriwa piranni hiyrunu hixa towrertshinwu Jesus tshinanu wunkaklewjeta.

Gálatas 1:2

Hiyrun-koxa ptowrunemnuka Cristo tshinanu wmoletanune, hitaymalune, twu yonawahlo nyokananwakatna Cristo halixatshine hapatjetatshin-yehkaka Galácia tshijne hwatshine.

Efésios 5:26

Wan-rixa Cristo, hapatjetatshine Cristo halixatshine hatatjewa Cristo hnunropni, kanipretkalurotkani Hoyakaluya. Cristo herokalo honhaya, htokanuya hpowratlo.

1 Tessalonicenses 1:1

Hita, Paulo-no, Silas tshinkaluruyma hiyrunu Timóteo tshinkaluruyma wyonatlo twu yonawahlo hixa Cristo halixatshine hapatjetatshinhi tshinanupa Tessalônica poktshi hajenhi. Hixa Hoyakalu Hirtshinunhi hiyrunu Tsru Hixikatshriwa Jesus Cristo-nunhi. Hoyakalu henekachale hihlenu yoptotatshinephi, kihlehchinikanurunephi Wuru Hoyakaluya hiyrunu Wutsrukate Jesus Cristo tshinanuya.

1 Tessalonicenses 4:7

Klu tshinanu Hoyakalu hi tshanixatkawu hektutu kapatmenuru wkamhiywaka tshinanu seyni kihleru, Hoyakalu halukanruko wkamhiywaka tshinanu halikaka.

2 Tessalonicenses 1:1

Hita Paulo-no hiyrunu Silas hiyrunu Timóteo tshinkaluruyma wyonanwakathi hixa Tessalônica poktshi hajenhi Cristo halixatshine hapatjetatshinhi, Hoyakalu tshinanuya hiyrunu Tsru Hixikatshriwa Jesus tshinanuya.

1 Timóteo 2:8

Nanjithi, ptowruchako, jejine hanjihohnetanu jejine Hoyakalu halujyawaka kamhajetatshine rumukata yotuklemyotanna Hoyakalu nwaka ranjihohnereymana hike mixkanepni, mjihekanunepni, muhjekakkanepni.

1 Timóteo 3:15

Seyni hohamok-nixinipa, nyonanwakatanhi hixa het-yonhaxyawakaplu Hoyakalupji hajeru himata kosejyawakapa. Hoyakalupji, wannani yine Hoyakalu hiwekatshri hapatjetanune Cristo halixatshine. Halikak-potukananu tokantshi yoptowaka hwastsihitatshri, hwahohleru pixkalunni.

2 Timóteo 1:9

Hoyakalu hiwekkakwu hiyrun-koxa htshanixwu wale hinerune wixyawakatka. Hi hixako wkamhanru tshinanu htshanixwu seyni waleko hihchinikanu tshinanni. Hiyrun-koxa Hoyakalu hihlenu renekachale tshinanu htshanixwu. Hmawkanuklunuwa hyinuwakle papko Hoyakalu henekwu xye kihleru renekachale Jesus Cristo tshinanuya.

2 Timóteo 2:19

Seyni poyehi potuklu Hoyakalu poyehitleru. Xye poyehitlu: “Tsru Hixikatshriwa Cristo himatna walenunetkani.” Hiyrun-koxa satu hima: “Ptowru neruka Tsru Hixikatshriwa Hoyakalu hiwaka kochtshekatshine, hasujinri hektuntshi.”

2 Timóteo 2:22

Maklujine hixjexyawaka pasujini. Halikak-potu pirana pomkahitanu. Hiyrun-koxa pomkahitanru halixlewlu, hichiniklewlu, hihlehchinikanru pimrineyma Hoyakalu tomhatshine, powratahchinikanutatshineyma.

Hebreus 10:10

Jesus Cristo, Hoyakalu halujyawaka hkamhiywaka tshinanu, hpowratwu hixa ptowruka wektunuya renekachale tshinanu. Pa katapka renekmanexnawa ptowru papkoko himukatatshripni.

Hebreus 13:12

Wale tshinan-koxa poktshi hiphaptote hichpakawaka sreta kahnete rupniyatka Jesus. Wan-rixa hpowraxyawakapna yine waleko hihrahayma.

Hebreus 2:11

Klu tshinanu yine hektunu powratatshrini hiyrun-koxa hpowratanune walerutu rurutna. Hiyáhoni Jesus hi ripatewatna himolene htshinrene.

Judas 1:1

Judas tshinkalurno Jesus Cristo towrerno, Tiago tshinkaluru molno hita. Nyonanwakathi hixa Wuru Hoyakalu hamotlene, Jesus Cristo hislahlene, htshanixlene.

Apocalipse 19:16

Hiyrun-koxa himkalu hiyrunu hitpali raw-yonhata. Wla htshin-yonhata: “Pohirtshine Pohire hiyrunu tsru hixikatshinwa Hitsrukatni.”