Ziid 1:4 - Mattup ki Taasuwa ere Aware

⁴ Nuŋ nʼun raaŋiya kono ɗoŋ ulpi oŋgo geŋ an tʼiide diinaguŋ wo kune kun ki suune ye. Kane geŋ urzi beeko Raa an ti yʼ kama dergilagi kono an tʼokkima urzi lekkiyadaŋ wede a urzi boliyo gen̰n̰o, wo an di koogire Isa Almasi, Galmeega wede dooyisadiŋ yoŋ soo ɗaŋŋal. Aa an riiŋe ti kaaga adda mattup ki Raa, kane geŋ booro Raa tʼanni seeɗa.

Ziid 1:4 ပူးပေါင်းရင်းမြစ်များ

Matiye 13:25

Wo a diɗɗo ɗuwo pay an udige maŋ, aduzí yʼa tʼiide kʼadda doome gen̰n̰o yʼa di giira iizi buŋgari adda kay, wo tuddí yoŋ yʼa aahe.

Rabila Majjaanawa kʼIsa Zaŋ yi riiŋe 17:3

Lekkiyo ere ki daayum gette, i dehu an di suune kee Raa wede ki kotto soo ɗaŋŋal, wo i dehu an di suune nuŋ Isa Almasi wede kee kʼigibo.

Naabo ɗoŋ zina 11:23

Barnabas geŋ yoŋ wede beehiye, yi ziipe addí pay a Isa wo addiŋ ôoniyo ti Unde Kamilen̰. Aame yʼiiney a Antiyos wo yi wulle ɗoŋ i ziipe addaŋ a Isa geŋ Raa yʼan ti ziipe beeko maŋ, ulbí i-dʼize uŋse ɓaadaŋ, wo yʼan dʼeele kooke pay kono an di lekke kettiyo ti Galmeega. Wo aame geŋ ɗoŋ ɓaadaŋ an a-ti giƴƴe ti Galmeega.

Naabo ɗoŋ zina 15:24

Ay illiga ɗoŋ ede ti diinayey, an tʼiide di kune. Kane ɗoŋ geŋ an un ti-digge egguŋ te, wo an un diʼn ele adda kʼelkiso ti onamaŋ geŋ me, biza kʼulbuguŋ a-gime. Wo ɗe kaye ay an ki ruute ye an dʼise iŋkino me.

Galat 2:4

Wo ɗe i dʼede zemɓa ɗoŋ anʼde kane an ziipe addaŋ a Isa, kaciŋ an ki ziipe addaŋ ye, an dehu Tit yʼa walɗa ponde. An tʼiide diinayey aa ɗoŋ wolliyo kʼitadey, an dehu an ay tiʼn dagge, kaye ɗoŋ eedey toore me. Ay tʼize eedey toore geŋ tʼurzi kʼIsa Almasi, wo kane an dehu an ay tiʼn kime kʼadda ɓuliko ere a urzi kʼoogoro Muusa sey.

Galat 5:13

Zemɓa ki nuŋ, kune Raa yʼun tiʼn wiike kun di lekke egguŋ toore, wo kune egguŋ toore geŋ un ki tʼise urzi kʼisiyo sulɗi ɗoŋ ulpi tudde ti dehu ye. Ki too maŋ tʼurzi geyyiso kun naabo ti tudduguŋ.

Epez 4:14

Ɗoŋ daggiya ɗuwo ti mentikadaŋ an in ki tiʼn mabilɗa ye tʼurzi dooyisadaŋ ere olɗo gette. Iŋkino maŋ in ki-tʼisa aa ɗoŋ i ɓaakiysa, aa in̰n̰i sun̰n̰i bormo tʼa ki sika ye, koo ise aa puutagi ursin̰o tʼa ki sika ye.

1 Timote 5:8

Aame wede taasiyagi yi kiʼn seeɗu ye, wo a jiire ɗoŋ ɓoozí yi kiʼn seeɗu ye maŋ, yoŋ geŋ yi giigira urzi zaapu kʼadde a Isa, wede yi ki ziipe addí a Isa ye geŋ yi yʼ jiire sey.

2 Timote 2:12

Aame kine in a ziiɗa zakiɗi a urzizí bini ɗaŋgu maŋ, in dʼoomey moziko ti yode kay. Aame kine in ruuta in ki yʼ suune ye maŋ, yode toŋ yʼa roota yiʼn kiʼn suune ye kay.

2 Timote 3:6

Ita ɗuwo ɗoŋ aakede kane geŋ, an tʼettiyo adda ɓoyɗi ti metiŋko. A ume geŋ an dʼooniyo erayi ɗoŋ toogadaŋ baata a urzi zaapu kʼadde a Isa, an tiʼn mabilsa an tʼooriyo adda lebiɗo ki dooyisadaŋ ere olɗo gettiyo. Erayi geŋ an dʼede attiɗi kʼolɗiko a eedaŋ, an dʼisiyo munɗa wede tuuku aa tuddaŋ ti dehu.

1 Piyer 2:16

Sooruguŋ tʼa koone aa ɗoŋ eedaŋ toore. Iŋkino maŋ a egguŋ toore gette, kun tʼise aa munɗa wede ki diibiyo a bundikaguŋ ye, wo kun oziro aakede ɗoŋ naabo Raa.

1 Piyer 2:8

Wo soŋ an riiŋe, anʼde: «Mokkolo ette kʼeliyo morkiƴe a ɗuwo, mokkolo ere kʼa oore.» Kane geŋ an eliyto morkiƴagi kono an ti tuuge kʼamɓu a ono Raa me. Geŋ ti kaagine too munɗa wede Raa yi dihe aasa iŋkino.

1 Piyer 4:18

Ono eŋ an riiŋe ti kaaga adda mattup ki Raa, anʼde: «Aame kane ɗoŋ ki diineʼŋ oon̰e an utta me maŋ, oon̰e ɓaadaŋ sey a ɗoŋ kʼolɗiko i ti toogiyo kʼamɓu a ono Raa me.»

2 Piyer 2:10

Wo yoŋ yi tʼela daŋgay ki poone kane ɗoŋ i daaniya urzi pitiŋko tuddaŋ ti dehu gettiyo, wo an aa ti diipiɗa a ono Raa geŋ me. Kane ɗoŋ eliyo dooyiso ere olɗo gette a wenɗa an kʼorgiso ye, eedaŋ zakiɗi. Ottilso soo toŋ an kʼede ye a maaleekiyagi ɗoŋ toogo ti kandaane geŋ me, an diʼn kalɗita.

2 Piyer 2:7

Aame geŋ Lot yoŋ wede ki diine Raa yʼa yʼutte, kono yoŋ i yʼuun̰e a lekkiyo ere ki boliyo ki ɗoŋ siiɗo an isiyo daa sukiyagi gette.

2 Piyer 3:7

Wo ki kandaane kane ti siiɗo ɗoŋ aŋken̰n̰o eŋ, tʼono ɗoŋ ki bizí gen̰n̰o Raa yiʼni boohiyo kʼuwwo tʼan uuta. Kane geŋ yiʼni boohiyo kʼonniyo ere Raa yʼa ɗekka booro wo kʼonniyo daggiya ɗoŋ kʼolɗiko.

1 Zaŋ 2:22

Wede lohito kʼono miŋ yoŋ wee wee? Yoŋ miŋ wede i-tuuge yi rootiyo Isa yoŋ Almasi Raa yi biire ye. Wede kʼolmiɗe kʼAlmasi geŋ yoŋ yi-tuuge yi rootiyo Raa yoŋ meekʼAlmasi ye wo Almasi Ulo Raa ye.

Ziid 1:15

kono yʼa ɗekka booro a tukki ɗuwo pay. Kane ɗoŋ kʼolɗiko pay geŋ, booro tʼan diʼn seeɗa kono a sulɗi ɗoŋ ulpi pay an ize kono an ti tuuge a Raa, wo a ono ɗoŋ pay ulpi an ruutite a tukki yode daa kʼottilso.»

Ziid 1:18

Kane an un ruute, anʼde: «A onniytagi ɗoŋ ettiyo kʼita geŋ, i dʼaɗɗa ɗuwo an un diʼn tʼokka maade wo an daana ita sulɗi ɗoŋ ulpi tuddaŋ ti dehu.»

Apokalipse 15:4

Galmeegey, wee wee a-kʼorgiɗe ye wo i ki tʼimme sundá ye me? Ɗerec, kee ɗaŋŋal wede kamilen̰ wo ita ɗuwo pay an dʼetto an dʼottila a ɗaanadá, kono ɗoŋ pay an zuune booradá ki ɗekkiyo ki diine.»