Mattup ki Pool yi riiŋe a Tit 3:5 - Mattup ki Taasuwa ere Aware

⁵ yʼin diʼn utte. Wo yʼin utte kono kine in ize naabo ere ki diine ko? Aha, iŋkino ye! Yʼin utte kono yʼin ize adde koɗuwo, wo yʼin dʼele ehiyo ere aware tʼurzi suyyiso batem wo tʼurzi kʼUnde Kamilen̰.

Mattup ki Pool yi riiŋe a Tit 3:5 ပူးပေါင်းရင်းမြစ်များ

Matiye 3:11

Nuŋ nʼunni suyyiso batem tʼahu kono a kize kun ti gime lekkiyaguŋ, wo ɗe wede ettiyo kʼitadó geŋ yoŋ toogo yi jiire nuŋ, wo nuŋ ni kʼîide nʼa ki tʼoɗɗipe toɓiyagí ye. Yoŋ yʼunni suyya batem tʼUnde Kamilen̰ wo ti uwwo.

Rabila Majjaanawa kʼIsa Lik yi riiŋe 1:50

Yʼisiyo adde koɗuwo kʼeda kʼin̰n̰i a tukki ɗoŋ i ottilso me.

Rabila Majjaanawa kʼIsa Lik yi riiŋe 1:54

Yo yʼa iide noogiyo ɗoŋ kʼIzirayel ɗoŋ naabadí, wo yʼaaze adde koɗuwo a kane i-ki dunɗe ye.

Rabila Majjaanawa kʼIsa Lik yi riiŋe 1:72

Yʼaaze adde koɗuwo a moŋgiɗagiŋ, wo i ki dunɗe ye a taasuwadí ere kamilen̰ yi gitte ti kane gette.

Rabila Majjaanawa kʼIsa Lik yi riiŋe 1:78

Eyye, Raaziŋ yoŋ ôoniyo tʼisiyo kʼadde koɗuwo. Yʼin tiʼn tuure ti toore wede iido tʼawwa, aakede toore peeɗo ti koliyo.

Romeŋ 11:14

Iŋkino maŋ nʼelkiyo koo tʼurzi naabadó ette, a tʼooziga kolɓiso ki zemɓadó Yawudiyagi an di kimo ki tukki Raa kono ɗoŋ miibi ti diinayaŋ an dʼutta.

Romeŋ 11:6

Kane geŋ Raa yiʼni biire tʼurzi beekadí, tʼurzi naabadaŋ ye. Wo ɗe aame yiʼni biire tʼurzi naabadaŋ maŋ, geŋ beeko Raa gette todʼte beeko ye, kono an uune tʼurzi naabadaŋ.

Romeŋ 12:2

Kun daane lekkiyo ere ki ɗoŋ duniya aŋken̰n̰o ye, wo ki too maŋ kun i dʼooli urzi a Raa yʼun tiʼn kima, yʼisa iŋkino tʼurzi kʼelkiso ere aware yʼun eliyo. Iŋkino maŋ kun di suuna munɗa wede Raa yi dehu: munɗa wede beehiye, munɗa wede ulbí i-dʼise uŋse, wo munɗa wede i-kʼede baatiya ye.

Romeŋ 3:20

Geŋ kono kʼiŋkino wenɗa soo toŋ umbo, Raa yʼa yʼise ki diine a ɗaanadí tʼurzi daaniya kʼoogoro me, oogoro gette todʼ tʼeliyo urzi ɗaŋŋal ɗuwo an di suuniyo olɗiko ere an ize.

Romeŋ 3:28

Eyye, kine in suune, kane ɗuwo Raa yʼan diʼn isiyo ɗoŋ ki diine a ɗaanadí tʼurzi zaapu kʼaddaŋ a Isa, tʼurzi daaniya kʼoogoro ye.

Romeŋ 4:5

Wo ɗe aame wede yi ki niibe ye, wo yi ziipe addí a Raa wede ɗoŋ kʼolɗiko yʼanni wolliyo kane ki diine a ɗaanadí me maŋ, yoŋ geŋ Raa yi wolliyo wede ki diine a ɗaanadí tʼurzi zaapu kʼaddí a yode geŋ me.

Romeŋ 9:11

Kane in̰n̰i adda kʼadde meedaŋ ɓotto geŋ, an kʼize munɗa kʼulsu ye, ki beehiye ye. Wo toŋ maŋ Raa yi di ruute a Isaaka, yʼede: «Wede goole yʼa tʼisa wede naabo ki leemadí n̰eŋku.» Geŋ a-tʼiide a ono an riiŋe ti kaaga adda mattup ki Raa, anʼde: «Nuŋ Raa nʼa giyye Yakup, wo Ezayu nʼa ti yʼ liɗɗe.» Raa yʼize iŋkino kono munɗa wede yi dehu geŋ a tʼise. Yoŋ yi beeriyo ɗuwo aa addí i dehu, tʼurzi naabadaŋ ye wo ɗe tʼurzi yode Raa siidí iʼni waaku ɗuwo me.

Romeŋ 9:16

Iŋkino maŋ kane sulɗi geŋ an ettiyo tʼurzi munɗa wede ɗuwo an dehu ye, tʼurzi toogadaŋ ye, wo ɗe an ettiyo tʼurzi kʼadde koɗuwo ki Raa siidí.

Romeŋ 9:30

Iŋkino maŋ kine in tʼeese moo me? Kane ɗoŋ Yawudiyagi ye, an ki dehu an ki tʼise ɗoŋ ki diine a ɗaana Raa ye toŋ, kane Raa yʼanni wulle ɗoŋ ki diine a ɗaanadí tʼurzi zaapu kʼadde a yode.

1 Korent 6:11

Ti poone ɗoŋ oŋgo ti diinaguŋ, gettiŋ lekkiyadaŋ. Wo ɗe aŋken̰n̰o kune Raa yʼun tʼupile olɗikaguŋ, yʼun diʼn uuye kese a yode, wo yʼun diʼn ize ɗoŋ ki diine a ɗaanadí ti suma Galmeega Isa Almasi wo tʼurzi kʼUnde Raa.

Galat 2:16

Ki too maŋ in i suune ɗuwo Raa yʼanni wolliyo ki diine a ɗaanadí tʼurzi daaniya kʼoogoro Muusa ye, wo ɗe yʼanni wolliyo ki diine a ɗaanadí tʼurzi zaapu kʼadde a Isa Almasi ɗaŋŋal. Wo kaye toŋ ay ziipe addey a Isa Almasi, kono Raa yʼay diʼn wolle ki diine a ɗaanadí tʼurzi zaapu kʼadde a Almasi, tʼurzi daaniya kʼoogoro Muusa ye. Ɗerec, wenɗa soo toŋ umbo Raa yʼa yi wolle ki diine a ɗaanadí tʼurzi daaniya kʼoogoro Muusa me.

Epez 2:4

Wo ɗe Raa yoŋ ôoniyo tʼisiyo kʼadde koɗuwo, iŋkino maŋ kine yʼin diʼn giyye ɓaadaŋ,

Epez 4:23

I dehu kun i dʼooli tudduguŋ a Raa, yʼun diʼn ise aware tʼurzi kʼUnde Kamilen̰ ere un di-kima egguŋ ere soodo a elkiso gettiyo.

Epez 5:26

Yʼize iŋkino kono yi dehu kane pay geŋ yʼan ise ɗoŋ kamilen̰ tʼurzi kʼonamí wo tʼurzi kʼahu, maŋ yi diʼn kiza a Raa kane ɗoŋ kamilen̰ a ɗaanadí me.

Kolos 3:10

wo kun tʼumɓe lekkiyo ere aware. Geŋ kune ɗuwo ɗoŋ aware, wo Raa yi naabiya daayum adda kʼadduguŋ kono kun deeƴe aa yode wede unni ziipe. Yʼisiyo iŋkino kono kun di yʼ suune a ceere ki ceeriyo.

2 Timote 1:9

Geŋ yode wede yʼin diʼn utte wo yʼin tiʼn wiike toc miŋ in tʼize ɗoŋzí. Yʼinni wiike tʼurzi naabadiŋ ere beehiye ye, wo ɗe tʼurzi munɗa wede yi dihe yʼaase wo ti beekadí. Beeko gette yʼin tʼele tʼurzi kʼIsa Almasi ti poone yʼa okkima duniya ɓotto too,

Mattup ki Pool yi riiŋe a Tit 3:4

Wo aame Raa Wede kʼUttiyadiŋ yi gize beekadí ti geyyisadí a ɗuwo pay geŋ,

Eber 10:22

Iŋkino maŋ kine in a odo goppoŋ ki sirpa Raa tʼadde soo, ôoniyo ti zaapu kʼadde a Isa, addiŋ kamilen̰ ti sulɗi ɗoŋ pay i-ti lattiya elkiyadiŋ ere in di suuniyo munɗa eŋ beehiye eŋ ulsu geŋ me, wo tuddiŋ suyyiso tʼahu ɗoŋ kamilen̰.

Eber 4:16

Iŋkino maŋ kine inʼdo daa kʼorgiso kʼume kaakido Raa ere ki beeko a jiire pay, wo aame geŋ yʼin dʼisey adde koɗuwo wo in tʼooney beekadí. Iŋkino yʼa tʼokka ɗolladiŋ, yʼin diʼn nooga aame peeɗo tʼîida maŋ.

Eber 6:6

wo ɗe ti sulɗi ɗoŋ an uwwe gen̰n̰o toŋ, an di gime kʼadda lekkiyadaŋ ere ti poone. Kane geŋ urzi umbo an di-kime lekkiyadaŋ sey me, kono naabadaŋ ere an ize gette aakede an taakiya Ulo Raa sey ekkʼundumu wede zaapu tʼekki bakadí kaŋ tontilko, wo geŋ an an eliyo urzi a ɗuwo an di yʼ kilɗite.

1 Piyer 1:3

In amma Raa, meeki Galmeegiŋ Isa Almasi, yʼin dʼize adde koɗuwo ɓaadaŋ, iŋkino in dʼuune ehiyo ere aware tʼurzi balɗiya kʼIsa Almasi ti diine ɗoŋ unto. Kono kʼiŋkino kine in di zaapu elkisadiŋ in di lekke kaŋ soo ti yode.

1 Piyer 2:10

Ti kaaga kune ɗoŋ ki Raa ye, wo aŋken̰n̰o kun tʼize ɗoŋzí. Ti kaaga kun ki zuune ye Raa yʼisiyo adde koɗuwo, wo ɗe aŋken̰n̰o kun zuune yoŋ yʼisiyo adde koɗuwo a kune me.

1 Piyer 3:21

Kane ahu geŋ i-kaza urzi suyyiso batem ere aŋki tʼun diʼn uttiyo. To suyyiso batem gette i ki dʼopilso ganigi tudde ye, wo todʼte i-kaza wede yʼele tuddí a Raa ti elkiyo ere yʼa suune munɗa kʼulsuko a tuddí umbo. Suyyiso batem gette tʼun diʼn uttiyo tʼurzi balɗiya kʼIsa Almasi,