Romeŋ 3:11 - Mattup ki Taasuwa ere Aware

¹¹ Wenɗa a suune ɗerec ki Raa umbo, ise wenɗa soo toŋ umbo a dehe Raa me.

Romeŋ 3:11 ပူးပေါင်းရင်းမြစ်များ

Matiye 13:19

Buzu wede i zilɗiti a biza kʼurzi geŋ, i-kaza ɗuwo ɗoŋ ollige ono ki Moziko Raa wo an gi diʼn seeɗu addaŋ ye. Aame geŋ Mohita kʼolɗiko tʼettiyo, ono ɗoŋ an illiga ti tʼoɗɗipe tʼadda kʼaddaŋ me.

Romeŋ 1:22

An elkiyo kane an dʼede suuniyo kʼono, kaciŋ an tʼize maadagi.

Romeŋ 1:28

Wo kane ɗuwo an di-tuuge an di suune Raa me, geŋ Raa yʼan iili adda kʼelkisadaŋ ere olɗo gettiyo, iŋkino an dʼisiyo sulɗi ɗoŋ kʼisiyo ye.

Romeŋ 3:10

Ono eŋ an riiŋe ti kaaga adda mattup ki Raa, anʼde: «Wenɗa ki diine a ɗaana Raa umbo, ise soo toŋ maŋ.

Romeŋ 3:12

Kane pay an tʼuɗɗe tʼurzi wede ɗerec ki Raa, pay kaŋ soo an dʼisiyo ulsu mirsi, wenɗa aase munɗa wede beehiye umbo, ise soo toŋ maŋ.

Romeŋ 8:7

Sulɗi ɗoŋ pay ulpi tudde ti dehu geŋ, kane adu ki Raa, kono tudde gette ti di-toogiyo ki daaniya kʼurzi kʼoogoro Raa me, umbo ti kʼaaniya ye.

Mattup ki Pool yi riiŋe a Tit 3:3

Ɗerec, ti kaaga geŋ kine toŋ elkisadiŋ umbo, in di-tuuge a Raa, in digge. In tʼize ɓulagi kʼita sulɗi ɗoŋ tuuku toŋ tudde ti dehu ti uŋsuwo tudde. In di lekkiyo adda bundiko, in di zaapu addiŋ a sulɗi kʼeebiŋ, iŋkino maŋ ɗuwo an in diʼn giigira, wo kine wede tuuku toŋ yi koogire bakadí.

1 Zaŋ 5:20

Kine in suune soŋ Ulo Raa yʼiido yʼin dʼele eego soodo a elkiso in di suune Raa yi rootiyo ono ɗoŋ ɗerec. Wo in di lekkiyo kettiyo kaŋ soo ti Raa yoŋ yi rootiyo ono ɗoŋ ɗerec, tʼurzi kʼUlí Isa Almasi. Yode wede i rootiyo ono ɗoŋ ɗerec, yoŋ Raa batum, yʼin dʼelo lekkiyo ere ki daayum.