Romeŋ 14:7 - Mattup ki Taasuwa ere Aware

⁷ Iŋkino maŋ ti diinayiŋ wenɗa soo toŋ umbo yʼa lekke ti siidí me, wo wenɗa soo toŋ umbo yʼa tʼinda ti siidí me.

Romeŋ 14:7 ပူးပေါင်းရင်းမြစ်များ

Romeŋ 14:9

Ɗerec, Almasi yʼa inda wo yʼa bilɗe ti diine ɗoŋ unto, kono yʼa tʼise Galmeeʼki ɗoŋ unto wo ki ɗoŋ zeere.

Romeŋ 8:38

Eyye, nuŋ ni suune adda kʼaddó, munɗa soo toŋ umbo in tiʼn ɗekka ti geyyiso Raa te: ise in tʼinda, ise in lekkiyo zeere, ise maaleekiyagi, ise ɗoŋ doolo an dʼede urzi ki dokkiyo wo an dʼede toogo, ise sulɗi ɗoŋ aŋken̰n̰o, ise sulɗi ɗoŋ etto kʼita, ise sulɗi ɗoŋ an dʼede toogo a kandaane, ise sulɗi ɗoŋ ti ɗanɗi siiɗo, ise munɗa ti doolo Raa yʼikkima toŋ maŋ. Geŋ munɗa umbo wede a aana in tiʼn ɗekka ti geyyiso Raa, wede in iiɗiba ita tʼurzi Galmeegiŋ Isa Almasi me.

2 Korent 5:15

Yoŋ yʼinda ki ɗuwo pay, kono ɗoŋ i lekkiyo zeere geŋ, an ki lekke lekkiyo ere kʼaggadaŋ ye, wo ɗe an di lekke lekkiyo ere ki yode Almasi, yʼa inda wo yʼa bilɗe kono kane.

1 Tessaloni 5:10

Isa yʼinda kono kine, iŋkino a kamadí gette ise kine in lekkiyo zeere, ise in tʼinda toŋ maŋ, in lekkiyo kettiyo kaŋ soo ti yode.

Mattup ki Pool yi riiŋe a Tit 2:14

Yo wede yʼa ele tuddí batum yʼa inda kono kine, kono yʼin diʼn aɗɗe tʼadda sulɗi ɗoŋ ulpi pay, wo yʼin diʼn ise kine ɗoŋzí ɗoŋ kamilen̰, ɗoŋ wehini kʼisiyo naabo ere beehiye.

1 Piyer 4:2

Iŋkino maŋ ti aŋki eŋ, lekkiyaguŋ ere a guute a duniya ette, kun di lekke aa Raa yi dehu, wo kun gi di lekke a isiyo sulɗi ɗoŋ ulpi tudde ti dehu ye.