Romeŋ 12:9 - Mattup ki Taasuwa ere Aware

⁹ Kun geyyo tudduguŋ tʼadde soo. Munɗa ulsu kun yʼazzar kun ti leɗɗo, wo kun sooɗo zakiɗi kʼisiyo munɗa wede beehiye.

Romeŋ 12:9 ပူးပေါင်းရင်းမြစ်များ

Matiye 26:49

Kesiko Ziidas yʼa yʼ zikke Isa kaɓɓaŋ wo yi di ruute, yʼede: «Toosadá wede dooyisadó!» Maŋ yi dʼize puuc a toɓɓisadí.

Rabila Majjaanawa kʼIsa Zaŋ yi riiŋe 12:6

Ziidas yi rootiyo iŋkino kono yoŋ wede kʼoogire. I sarkiya korɓitayaŋ yode, wo yi ti sokiyto. Yi ki wolliyo sommagi ki ɗoŋ munɗa an kʼede ye ye.

Naabo ɗoŋ zina 11:23

Barnabas geŋ yoŋ wede beehiye, yi ziipe addí pay a Isa wo addiŋ ôoniyo ti Unde Kamilen̰. Aame yʼiiney a Antiyos wo yi wulle ɗoŋ i ziipe addaŋ a Isa geŋ Raa yʼan ti ziipe beeko maŋ, ulbí i-dʼize uŋse ɓaadaŋ, wo yʼan dʼeele kooke pay kono an di lekke kettiyo ti Galmeega. Wo aame geŋ ɗoŋ ɓaadaŋ an a-ti giƴƴe ti Galmeega.

2 Korent 6:6

Ay kaza tuddey kaye ɗoŋ naabo Raa tʼurzi lekkiyadey ere kamilen̰, tʼurzi suuniyadey, tʼurzi kʼomɓin̰adey, tʼurzi beehiykadey, tʼurzi naabo kʼUnde Kamilen̰, tʼurzi geyyisadey ere tʼadde soo,

2 Korent 8:8

Onamó ni rootiyo eŋ, nʼun kiʼn isiyo ki toogo ye, wo ɗe nʼun tôwwo taaya ki zemɓa ɗoŋ a Maseduwan an ize naabo Raa tʼadde soo, geŋ kune toŋ kun di kize geyyisaguŋ ekki ɗuwo tʼadde soo.

1 Tessaloni 2:3

Rabila Majjaanawa ere ay kazita a ɗuwo ette, todʼte ita kʼono ɗoŋ butte ye, elkisadey olɗo ye, wo ay ki dehu ɗuwo ay gi diʼn mabilɗe ti metiŋko ye.

1 Tessaloni 5:15

Kun koona mentikagi, wenɗa soo toŋ a bakadí yi-kima ulsuko tʼulsuko ye, wo kun deho daayum isiyo beehiyko ti tudduguŋ wo ti ɗuwo pay.

1 Tessaloni 5:21

wo ɗe ono geŋ kun tiʼn wollo pay: Ɗoŋ beehiye kun di zaapo adduguŋ,

1 Timote 1:5

Nuŋ nʼa-rootiyo ono eŋ kono kun di geyye tudduguŋ ti geyyiso ere ettiyo tʼurzi kʼadde ɗoŋ kamilen̰, tʼurzi kʼelkiso ere kun di suune munɗa kʼulsuko a tudde umbo, wo tʼurzi zaapu kʼadde a Isa tʼadde soo.

Eber 1:9

Kee ki geyyiso munɗa wede ki diine, wo sulɗi ɗoŋ ulpi kiʼn azzuru. Kono kamo nuŋ Raa wede Raazá, ni ki biire ti diine laŋziyagá pay, nʼay di ƴirge egey kʼuŋsuwo a eedá, geŋ i-kaza ni ki ti ziipe mozigo.»

Eber 12:14

Kun elo gotono ki lekkiyo ti toose ti ɗuwo pay, wo soŋ kun di lekko ɗoŋ ooyiso kese a yode Raa, kono wede ooyiso kese a yode ye maŋ, yi kʼaana yi ki yʼ wolla ye Galmeega Raa me.

Mattup ki Zak yi riiŋe a ɗoŋ Raa 3:17

Wo ɗe suuniyo kʼono ere ettiyo ti Raa gette, todʼte ki poone tiʼn diʼn isiyo ɗoŋ kamilen̰, ɗoŋ i dehu toose, ɗoŋ tasse, ɗoŋ i suune okkiso ɗuwo, ɗoŋ isiyo adde koɗuwo a ɗuwo wo isiyo naabo ere beehiye, ɗoŋ anʼni wolliyo ɗuwo kaŋ soo wo ɗoŋ addaŋ soo.

1 Piyer 1:22

Tʼurzi sooruguŋ ere a-tʼiide a urzi wede ɗerec ki Raa, kun tʼize ɗoŋ kamilen̰ kono kun di geyye tudduguŋ tʼadde soo aakede zemɓa. Iŋkino maŋ kun geyyo tudduguŋ daayum tʼadduguŋ pay.

1 Piyer 4:8

Munɗa wede ki poone a jiire, kun geyyo tudduguŋ tʼadduguŋ pay, kono geyyiso gette ti dʼeliyo urzi kʼisiyo tambobino kʼita kʼolɗiko ɓaadaŋ.