Matiye 2:2 - Mattup ki Taasuwa ere Aware

² wo an tunde ɗuwo, anʼde: «A too me mozigo Yawudiyagi wede an ehe me? Kaye ay wullo moolayí ti kese peeɗo ge-koliyo wo ay iido ay i dʼottile.»

Matiye 2:2 ပူးပေါင်းရင်းမြစ်များ

Matiye 2:3

Aame mozigo Erod yʼilliga rabila gettiyo maŋ, yʼa iddira ti ɗoŋ geeger Zeruzalem pay a itadí.

Matiye 21:5

«Kun an rooto a ɗoŋ geeger Siyoŋ geŋ: En̰n̰o mozigaguŋ me, yʼettiyo ki tudduguŋ ti buuru, yoŋ addí tasse yʼa ti gilo ekkʼulo buuru, seysu ki sarkiya kʼattiɗi.»

Matiye 27:11

Isa an di-tʼiide ki ɗaana goole siiɗo. Aame geŋ goole siiɗo yʼa yʼiise tondiso, yʼede: «Kee mozigo Yawudiyagi ko?» Isa yi diʼn gime onamí, yʼede: «Geŋ aa ki rootiyo.»

Rabila Majjaanawa kʼIsa Lik yi riiŋe 19:38

Kane an dʼeesiyo: «Beeko Raa ti koona a ekki mozigo wede ettiyo ti suma Galmeega Raa! Toose tʼa koone a kandaane wo tamma a Raa tʼawwa a kandaane!»

Rabila Majjaanawa kʼIsa Lik yi riiŋe 2:11

Aŋki adda diɗɗo ette adda geeger Dawut, an un ehe Wede kʼUttiyo, yoŋ Almasi Raa yi biire, yoŋ Galmeega.

Rabila Majjaanawa kʼIsa Lik yi riiŋe 23:3

Pilat yʼa yi tunde, yʼede: «Kee mozigo Yawudiyagi ko?» Isa yi diʼn gime onamí, yʼede: «Geŋ aa ki ruute.»

Rabila Majjaanawa kʼIsa Lik yi riiŋe 23:38

Tʼekkʼeedí an tiike pakirte wo an a-ti riiŋe, anʼde: «Yode eŋ mozigo Yawudiyagi.»

Rabila Majjaanawa kʼIsa Zaŋ yi riiŋe 1:49

Iŋkino maŋ Natanayel yi di ruute, yʼede: «Wede dooyisadó, keeʼŋ Ulo Raa. Keeʼŋ mozigo ɗoŋ kʼIzirayel.»

Rabila Majjaanawa kʼIsa Zaŋ yi riiŋe 12:13

Iŋkino maŋ kane ɗoŋ geŋ an dimɓo puutagi kʼinda sundaŋ palmiye a beyɗaŋ, an tʼiide okkimayí, an di ɗollite, an dʼeesiyo: «Tamma a Raa! Beeko Raa ti koona a ekki wede ettiyo ti suma Galmeega Raa, yoŋ mozigo ki ɗoŋ kʼIzirayel!»

Rabila Majjaanawa kʼIsa Zaŋ yi riiŋe 18:37

Iŋkino maŋ Pilat yʼa yi tunde, yʼede: «Keeʼŋ kaciŋ mozigo ko?» Isa yi diʼn gime onamí, yʼede: «Eyye aa ki ruute, nuŋ mozigo. Kono iŋkino nuŋ an di nʼehe wo nʼa iido kʼadda duniya, nʼan di kize urzi wede ki ɗerec, wo kane ɗoŋ i dehu urzi wede ki ɗerec geŋ, an dʼollige onamó.»

Rabila Majjaanawa kʼIsa Zaŋ yi riiŋe 19:19

Pilat yʼan dʼele urzi an a di riiŋe ekki pakirte, an a-ti tiike ekkʼundumu gen̰n̰o: «Isa wede ti geeger Nazaret, mozigo Yawudiyagi.»

Rabila Majjaanawa kʼIsa Zaŋ yi riiŋe 20:28

Maŋ Tomas yi di ruute, yʼede: «Kee Galmeegó, wo kee Raazó.»

Rabila Majjaanawa kʼIsa Zaŋ yi riiŋe 5:23

iŋkino ɗuwo pay an tʼimme nuŋ Ulo, aa an tamma Meega. Wo wede yi ki tamma nuŋ Ulo ye maŋ, geŋ aa Meega wede i nʼigibo yi ki yʼ tamma ye.

Rabila Majjaanawa kʼIsa Zaŋ yi riiŋe 9:38

Maŋ wede yi di ruute, yʼede: «Nuŋ ni ziipe addó a kee, Galmeegó.» Yʼa-dikke, yʼa tʼuttile a ɗaanadí.

Eber 1:6

Wo ɗe aame Raa yʼigibo Ulí yoŋ yi jiire sulɗi pay adda duniya geŋ, yʼa ruute, yʼede: «Kune maaleekiyagi Raa pay, kun ottilo a yode.»

Apokalipse 22:16

Nuŋ Isa nʼa igibo maaleekayó kono sulɗi geŋ yʼan tiʼn kizite a kane ɗoŋ ogiysito ti sundó. Nuŋ nʼuɗɗo ti biza bumɓu mugiyó Dawut, nuŋ moole biza soohe wede omilte wic wic gen̰n̰o.»