Rabila Majjaanawa kʼIsa Lik yi riiŋe 8:43 - Mattup ki Taasuwa ere Aware

⁴³ Ti diine ɗoŋ duuru i dʼede erewo soo iŋkino ti dabirsa, puuzo oɓite tʼitatú îide ozzine koomat makumu sire. Beytú tʼa zikkuwe pay a ɗoŋ daawiya, wo umbo wenɗa soo toŋ yi ki ti diiwe ye.

Rabila Majjaanawa kʼIsa Lik yi riiŋe 8:43 ပူးပေါင်းရင်းမြစ်များ

Markus 12:44

Ɗerec, kane ɗoŋ doolo pay geŋ an ele tʼadda soŋko ere an uupe oopiyo, wo ɗe todʼte kʼumbatúʼŋ tʼa dʼele pay soŋko ere ii guute ki lekkiyatú te.»

Markus 9:18

A ume tuuku siitan ti yʼamɓu maŋ, ti di-seɗɗiyo a siiɗo, bizí i-dʼaɗɗiyta goopiyagi, yi dʼaaɗumu sinaní, wo yʼa dʼunto sen̰. Nuŋ nʼa tunde sanalliyagá kono an ti-limmi siitan gette, wo ɗe kane an ki dʼiine ye.»

Rabila Majjaanawa kʼIsa Lik yi riiŋe 13:11

A ume geŋ i dʼede erewo, siitan ti ziiɗa diine dartú i-dʼede ozzine koomat makumu gessire, ti lekkiyo ottilso ume tʼa tʼôhira ɗelele umbo.

Rabila Majjaanawa kʼIsa Lik yi riiŋe 13:16

Erewo ette todʼte ti biza bumɓu kʼIbirayim, Meeda siitanɗani ti ti-gitte i-dʼede ozzine koomat makumu gessire, geŋ i kʼise ye ko a onniyo ere ki puukiyadiŋ kino, ni di tʼeeze sibatú me?»

Rabila Majjaanawa kʼIsa Lik yi riiŋe 8:27

Aame Isa yi ɗeegu ti tooko geŋ, i dʼiide wedusu iŋkino ti geeger gettiyo, yʼiideʼŋ yʼa yʼikkima. Yo wede geŋ i-dʼede siitanɗani a eedí, ti kaagine yi kʼossiyo kallagi ye, wo yi ki lekkiyo a ɓoy ye, lekkiyadí adda diine muuziyagi.

Rabila Majjaanawa kʼIsa Lik yi riiŋe 8:42

kono i-dʼede utí tiŋ soo ɗaŋŋal, ozzinatú ette suma koomat makumu sire, tuddutú eeni tʼunto. Aame Isa yʼette di yode geŋ, ɗoŋ ɓaadaŋ an di yʼ ŋaƴƴu tʼen̰n̰o tʼen̰n̰o.

Rabila Majjaanawa kʼIsa Lik yi riiŋe 8:44

Todʼ ti-tʼiide ti dar kʼIsa, tʼa-butte bize kallayí. A kaamiki yip oɓite puuzo a îhira.

Rabila Majjaanawa kʼIsa Zaŋ yi riiŋe 9:1

Onniyo soo Isa yi sooru, maŋ yi wulle wede koosiyo tʼume an yʼehe to.

Rabila Majjaanawa kʼIsa Zaŋ yi riiŋe 9:21

Wo aŋken̰n̰o yi wolliyo aaze mummino ay ki suune ye, wenɗa i ele beeko ay ki yʼ suune ye. Kun tondo yode, yoŋ en̰n̰o yi tʼize goole, yʼun ti rooto.»

Naabo ɗoŋ zina 3:2

Wo goppoŋ a sirpa ki biza Ɓoy Raa wede an yi waaku biza majjaane geŋ, an dʼumɓo wedusu zoŋɗí unto tʼume kʼehiyadí to, daayum an ti yʼ zaapu aŋgen̰n̰o, yi dʼahultu munɗa a bey ɗoŋ ettiyo ki booro Ɓoy Raa.

Naabo ɗoŋ zina 4:22

Yoŋ wede uune beeko tʼurzi munɗa kʼarmika geŋ, ozzinayí ette suma kʼada piɗe ti makumu.