Rabila Majjaanawa kʼIsa Lik yi riiŋe 7:41 - Mattup ki Taasuwa ere Aware

⁴¹ Isa yʼa ruute, yʼede: «I dʼede ɗoŋ sire, an i di kime soŋko ki wede yʼan ele see. Wede soŋ yi di-kime tamma meeda paat, wo soŋ tamma ada paat.

Rabila Majjaanawa kʼIsa Lik yi riiŋe 7:41 ပူးပေါင်းရင်းမြစ်များ

Matiye 18:28

Aame wede naabo geŋ ti di mozigo yi tʼuɗɗe maŋ, an a-tʼikkima ti wede ume naabadaŋ soo, yoŋ geŋ i-dʼede see ki soŋko miibi ɗaŋŋal. Yʼiideʼŋ yi di ziiɗa golladí bin̰ wo yi di ruute, yʼede: “Seezá kʼo yʼeli.”

Matiye 6:12

Kʼay tʼisi tambobino a munɗa wede ulsu ay ize a kee, aakede kaye toŋ ay an tʼize tambobino a kane ɗoŋ ay ize munɗa ulsu kay.

Markus 6:37

Wo Isa yʼan di ruute, yʼede: «Omɓo an eelo kune batum.» Kane an di ruute, anʼde: «Kee ki dehu ay tʼoono tamma meeda sire, ay tʼowilo mappa pay ay an tʼela a ɗoŋ duuru an dʼooma ko?»

Rabila Majjaanawa kʼIsa Lik yi riiŋe 11:4

Kʼay tʼisi tambobino a olɗiko ere ay ize a kee, kono kaye toŋ ay isiyo tambobino a wede tuuku ay ize ulsu kay. Wo kʼaynʼooli ye adda naamiya daggiya i ceera eedey ay tʼetta adda kʼolɗiko ye.”»

Rabila Majjaanawa kʼIsa Lik yi riiŋe 12:48

Wo wede naabo wede yi ki yʼ suune ye munɗa wede galmeegí yi dehu me, wo yi tʼize naabo ere yʼa tʼoone kossiyo maŋ, kossiyadí tʼaase baata. A wede sulɗi ɓaadaŋ an i ele a beezí geŋ, an tonda ɓaadaŋ kay, wo a wede an ziipe addaŋ ɓaadaŋ geŋ, an tonda ɓaadaŋ sey a ceera.»

Rabila Majjaanawa kʼIsa Lik yi riiŋe 13:4

Wo kane ɗoŋ koomat makumu gessire ɓoy wede sohuru ki Silowe yʼan di tiʼn ruuge an tʼinda geŋ, kun elkiyo kane ɗoŋ kʼolɗiko a jiire ɗoŋ ki geeger Zeruzalem ti doolo pay ko?

Rabila Majjaanawa kʼIsa Lik yi riiŋe 7:40

Iŋkino Isa yʼa tʼihina bizí, yi di ruute a Pariziyeŋ, yʼede: «Simo, nuŋ oo ede ono nʼa di roote.» Maŋ yi diʼn gime onamí, yʼede: «Wede dooyiso, ki rooto.»

Rabila Majjaanawa kʼIsa Lik yi riiŋe 7:47

Kono kamo nʼa di rooto: geyyiso ere ɓaadaŋ tʼize gette i-kaza tʼolɗikatú ere ɓaadaŋ, todʼ tʼuune tambobino. Wo a wede ooniyo tambobino kʼolɗikadí baata geŋ, yi geyyiso toŋ baata kay.»

Romeŋ 3:23

Ɗuwo pay miŋ an tʼize olɗiko, iŋkino an di liɗɗe ti Raa wo ti goolikadí te.

Romeŋ 5:20

Raa yʼa elo oogoro, wo olɗiko tʼa tʼize ɓaadaŋ, wo ɗe aame olɗiko ti tʼize ɓaadaŋ maŋ, beeko Raa tʼa tʼize ɓaadaŋ a jiire sey.