Rabila Majjaanawa kʼIsa Lik yi riiŋe 7:38 - Mattup ki Taasuwa ere Aware

³⁸ Ti-tʼiide dar kʼIsa a ume zoŋɗí wo tʼa iise môolo, zoŋɗí tʼa tiʼn zuyye ti zumartú, tʼa tiʼn zippite tʼilaltú, ti-dʼize puuc a zoŋɗí i-kaza ottilsatú ɓaadaŋ a yoŋ me, wo ti di ƴirgite egey geŋ a zoŋɗí.

Rabila Majjaanawa kʼIsa Lik yi riiŋe 7:38 ပူးပေါင်းရင်းမြစ်များ

Matiye 5:4

Uŋsuwo a kane ɗoŋ i môolo, kono kane geŋ Raa yʼa tiʼn sella.

Rabila Majjaanawa kʼIsa Lik yi riiŋe 22:62

Maŋ tʼadda ɓoy Piyer yi-tʼuɗɗe ti paate wo yʼa iise môolo ɓaadaŋ.

Rabila Majjaanawa kʼIsa Lik yi riiŋe 6:21

Uŋsuwo a kune ɗoŋ aŋken̰n̰o mosogo tʼunni tôwwo, kono saŋ maŋ omɓo tʼun diʼn pilɗey. Uŋsuwo a kune ɗoŋ aŋken̰n̰o kun môolo, kono saŋ maŋ kun di koobitey.

Rabila Majjaanawa kʼIsa Lik yi riiŋe 7:37

I dʼede adda geeger gette, erewo sundutú ti môolo kʼisiyo kʼolɗiko. Aame tʼilliga Isa an ti guune omɓo di wede Pariziyeŋ gen̰n̰o maŋ, ti dʼumɓo ulo diŋgile an ikkima ki mokkolo sundutú albaatir, adda egey ɗoŋ eeɗiyadaŋ uŋse.

Rabila Majjaanawa kʼIsa Lik yi riiŋe 7:39

Aame yo Pariziyeŋ wede i wiike Isa yi wulle iŋkino maŋ, yʼa ruute tʼadda kʼaddí, yʼede: «Aame wede eŋ yoŋ nebi ki kotto maŋ, yʼa ti suune erewo ere i yʼ butte gettiŋ wee te, todʼte ere an amɓu sundutú kʼisiyo kʼolɗiko.»

Mattup ki Zak yi riiŋe a ɗoŋ Raa 4:9

Kun tʼiso sommagi dondoŋ, kun lekko adda môolo wo kun ôolo ti zumari a edaguŋ. Koobiytaguŋ gette ti-kama ti môolo, wo uŋsuwaguŋ ti-kama ti ulbe kʼooɗiyo.