Rabila Majjaanawa kʼIsa Lik yi riiŋe 6:22 - Mattup ki Taasuwa ere Aware

²² Uŋsuwo a kune aame ɗuwo an un olmiɗe, an unni koogire, an unni kalɗita wo an un rootiyto ono ɗoŋ ulpi a egguŋ, kono kun ziipe adduguŋ a nuŋ wede an nʼehe aa ulo wede en̰n̰o.

Rabila Majjaanawa kʼIsa Lik yi riiŋe 6:22 ပူးပေါင်းရင်းမြစ်များ

Matiye 10:18

Kono kune ɗoŋzó geŋ, an un diʼn tʼettey ɗaana ɗoŋ deero siiɗo wo ɗaana mozagi. Aame geŋ, a ɗaanadaŋ wo a ɗaana kane ɗoŋ Yawudiyagi ye, kun tʼooney urzi kun di rootey a sulɗi ɗoŋ kun wulle wo kun illiga a tukki nuuno geŋ me.

Matiye 10:22

Kune ɗoŋ duniya pay an un diʼn olmiɗa kono kun umɓe a sundó, wo ɗe wede yʼa ziiɗa zakiɗi a urzizó bini ɗaŋgu maŋ, yode geŋ Raa yʼa yʼutta.

Matiye 10:39

Wede yi diha boohiyo tuddí kʼaggadí maŋ, yʼa ti dagga, wo wede yʼiila tuddí kono nuuno maŋ, yʼa tʼutta.»

Rabila Majjaanawa kʼIsa Lik yi riiŋe 20:15

Maŋ ulo geŋ an di yʼ ziiɗa, tʼadda doome an di yʼirkiɗe ki toogo ki paate, wo an di yʼîide.» Maŋ Isa yʼa ruute, yʼede: «Wo aŋkeŋ wede doome kʼinda bin̰ yʼan dʼisa mummino?

Rabila Majjaanawa kʼIsa Lik yi riiŋe 21:17

Kune ɗoŋ duniya pay an un diʼn olmiɗa kono kun umɓe a sundó,

Rabila Majjaanawa kʼIsa Lik yi riiŋe 6:21

Uŋsuwo a kune ɗoŋ aŋken̰n̰o mosogo tʼunni tôwwo, kono saŋ maŋ omɓo tʼun diʼn pilɗey. Uŋsuwo a kune ɗoŋ aŋken̰n̰o kun môolo, kono saŋ maŋ kun di koobitey.

Rabila Majjaanawa kʼIsa Zaŋ yi riiŋe 12:42

Wo tʼurzi gen̰n̰o toŋ ti diine deero Yawudiyagi geŋ, ɗoŋ ɓaadaŋ an di ziipe addaŋ a yode kaŋ ombiɗe, kono an orgiso a kane Pariziyeŋ, an tiʼn limma ti diinayaŋ, kʼadda ɓoy wede Yawudiyagi ge dooyiso an kʼetta ye.

Rabila Majjaanawa kʼIsa Zaŋ yi riiŋe 16:2

Tʼadda ɓoyɗi ɗoŋ in di dooyiso, an un tiʼn limma. Wo ulsu a jiire sey, onniyo tʼaana iŋkino wede tuuku unni tʼîda geŋ yʼelkiyo yʼisiyo naabo ere beehiye a ɗaana Raa.

Rabila Majjaanawa kʼIsa Zaŋ yi riiŋe 17:14

Nuŋ onamá nʼan ele a ɗoŋzá me, wo kane ɗoŋ duniya an diʼn giigira kono kane ki duniya ye, aakede nuŋ toŋ ki duniya ye.

Rabila Majjaanawa kʼIsa Zaŋ yi riiŋe 7:7

Kune ɗoŋ duniya an un kiʼn kiigira ye. Wo nuŋ an ni koogire kono nʼan tʼooɗibe ita a naabadaŋ ere an isiyo olɗo gettiyo.

Rabila Majjaanawa kʼIsa Zaŋ yi riiŋe 9:34

Iŋkino maŋ kane an i di ruute, anʼde: «Kee miŋ tʼume kʼehiyadá to n̰ilpiyo adda kʼolɗiko, miŋ ki dehu kʼay diʼn dooye!» Maŋ an di yʼilmi, an di yʼuɗɗe paate.

Naabo ɗoŋ zina 22:22

Kane ɗoŋ duuru geŋ an di yʼollige Pool me bini a onamí ɗoŋ kʼita gen̰n̰o maŋ, aame geŋ an dʼiise ɗollite, anʼde: «Wede eŋ kun yʼôodo! Kun yʼôodo! Kun yʼoola yi lekka ye a siiɗo ette!»

Naabo ɗoŋ zina 24:5

Kaye ay yi wulle maŋ wede eŋ yoŋ ulsu zimolo, yʼay tiʼn daggiya kaye Yawudiyagi pay adda duniya me. Wo yoŋ goole ki ɗoŋ i daaniya Isa wede ti geeger Nazaret.

Naabo ɗoŋ zina 9:16

Wo nuŋ batum ni di kizita sulɗi ɗoŋ pay yʼa dabira kono sundó.»

Mattup ki Zak yi riiŋe a ɗoŋ Raa 1:12

Uŋsuwo a wede yʼa seeɗu zakiɗi a sulɗi ɗoŋ oon̰e bini ɗaŋgu, kono aame Raa yi ti yʼ niime maŋ, yʼa tʼooney kaɗumul ere ki wede i jiire, todʼte lekkiyo ere ki daayum Raa yi ruute yʼan tʼela a kane ɗoŋ i yi geyyiso.

1 Piyer 3:14

Wo soŋ aame ɗuwo an unni dabirsa kono kun isiyo munɗa wede ki diine maŋ, ulbuguŋ iso uŋse. Kun an orgiɗa ye, tudduguŋ kun ti-tasso kono kane me.