Rabila Majjaanawa kʼIsa Lik yi riiŋe 4:4 - Mattup ki Taasuwa ere Aware

⁴ Isa yi diʼn gime onamtú, yʼede: «Koŋ te mʼollo, ono eŋ an riiŋe ti kaaga adda mattup ki Raa, anʼde: “Lekkiyo wedusu, todʼte tʼurzi kʼomɓo bizí ɗaŋŋal ye.”»

Rabila Majjaanawa kʼIsa Lik yi riiŋe 4:4 ပူးပေါင်းရင်းမြစ်များ

Matiye 4:4

Wo Isa yi diʼn gime onamtú, yʼede: «Koŋ te mʼollo, ono eŋ an riiŋe ti kaaga adda mattup ki Raa, anʼde: “Lekkiyo wedusu todʼte tʼurzi kʼomɓo bizí ɗaŋŋal ye, wo tʼurzi kʼono ɗoŋ pay aɗɗiya ti bize Raa.”»

Matiye 6:31

Iŋkino maŋ kune ulbuguŋ un tʼooɗe ye, adda kʼadduguŋ kun roote ye: “Ay dʼooma moo me?”, “Ay siɓa moo me?” wo “Ay dʼossa moo me?” me.

Rabila Majjaanawa kʼIsa Lik yi riiŋe 22:35

Maŋ Isa yʼan di ruute sey, yʼede: «Aame nʼun igibe isiyo naabadó daa soŋko, daa kʼeese wo daa toɓiyagi geŋ, munɗa unni biito ko?» Kane an i diʼn gime onamí, anʼde: «Munɗa ay kiʼn biito ye.»

Rabila Majjaanawa kʼIsa Lik yi riiŋe 4:10

kono ono eŋ an riiŋe ti kaaga adda mattup ki Raa, anʼde: “Raa yʼan di roota maaleekiyagí kono kee, an gi di booha.”

Rabila Majjaanawa kʼIsa Lik yi riiŋe 4:3

Iŋkino maŋ Meeda siitanɗani ti di ruute, tʼede: «Aame kee Ulo Raa kotto maŋ, kʼelo urzi a mokkolo ette tʼa-kime omɓo.»

Rabila Majjaanawa kʼIsa Lik yi riiŋe 4:8

Maŋ Isa yi di ruute, yʼede: «Mʼollo, ono eŋ an riiŋe ti kaaga adda mattup ki Raa, anʼde: “Kee kʼottilo a Galmeega Raazá, wo geŋ a yode ɗaŋŋal ki naabo me.”»

Epez 6:17

Egguŋ kun tʼosso kakkile maala, yode geŋ aa Raa yʼun utte, wo kun aa tʼamɓo soŋ kasigara ere Unde Raa tʼun ele, tode gette aa Ono Raa ɗoŋ a biziguŋ.