Rabila Majjaanawa kʼIsa Lik yi riiŋe 23:13 - Mattup ki Taasuwa ere Aware

¹³ Iŋkino maŋ Pilat yʼa-tusse kane deero ɗoŋ seɗeke, deero Yawudiyagi wo ti ɗoŋ duuru,

Rabila Majjaanawa kʼIsa Lik yi riiŋe 23:13 ပူးပေါင်းရင်းမြစ်များ

Markus 15:14

Maŋ Pilat yʼan di ruute, yʼede: «Ɗe munɗa ulsu miŋ yʼize moo me?» Wo ɗe kane an di ɗollite ɓaadaŋ ki ɓaadaŋ, anʼde: «Ki ti yʼ taako ekkʼundumu wede zaapu tʼekki bakadí kaŋ tontilko!»

Rabila Majjaanawa kʼIsa Lik yi riiŋe 23:35

Kane ɗoŋ duuru an tʼîhira aŋgen̰n̰o, an di wolliyo. Kane deero Yawudiyagi an di yʼokko maade, an dʼeesiyo: «Yoŋ ɗoŋ doolo yʼan utte ɗe, aŋkeŋ yʼutto tuddí batum, aame yo Almasi Raa yi biire kotto maŋ!»

Rabila Majjaanawa kʼIsa Lik yi riiŋe 24:20

Kane deero ɗoŋ seɗikadiŋ ti ɗoŋ dokkiyadiŋ an an di yʼele a bey ɗoŋ kʼolmiɗayí kono booro tʼa yi seeɗa ki tôwwo, wo an ti yʼ tiike ekkʼundumu wede zaapu tʼekki bakadí kaŋ tontilko.

Rabila Majjaanawa kʼIsa Zaŋ yi riiŋe 12:42

Wo tʼurzi gen̰n̰o toŋ ti diine deero Yawudiyagi geŋ, ɗoŋ ɓaadaŋ an di ziipe addaŋ a yode kaŋ ombiɗe, kono an orgiso a kane Pariziyeŋ, an tiʼn limma ti diinayaŋ, kʼadda ɓoy wede Yawudiyagi ge dooyiso an kʼetta ye.

Rabila Majjaanawa kʼIsa Zaŋ yi riiŋe 18:38

Maŋ Pilat yʼa tunde Isa, yʼede: «Wo ɗerec, i-kaza moo me?» Aame Pilat yʼa ti ruute iŋkino maŋ yʼa tʼiiziga, yʼa tʼuɗɗe kʼume Yawudiyagi sey. Yʼiideʼŋ yʼan di ruute, yʼede: «Nuŋ me, a tukki wede eŋ munɗa ulsu ni kʼuune ye.

Rabila Majjaanawa kʼIsa Zaŋ yi riiŋe 19:4

Pilat yʼa tʼuɗɗe sey, wo yʼan di ruute Yawudiyagi, yʼede: «Kun ollo, nuŋ Isa nʼun di yʼaɗɗo paate, wo kun suuno a tukki yode eŋ nuŋ munɗa ulsu ni kʼuune ye, i di tʼîde kʼunto me.»

Rabila Majjaanawa kʼIsa Zaŋ yi riiŋe 3:1

Aame geŋ i dʼede wedusu sundí Nikodem. Yode geŋ ti diine ɗoŋ sundaŋ Pariziyeŋ, wo ti diine deero Yawudiyagi pay.

Rabila Majjaanawa kʼIsa Zaŋ yi riiŋe 7:26

Kun wollo ɗo yi dʼorbe a ɗaana ɗuwo daa kʼombiɗe, wo wenɗa i di roote umbo. Kunuŋ ɗoŋ deero an yi zuune eŋ Almasi Raa yi biire ko?

Rabila Majjaanawa kʼIsa Zaŋ yi riiŋe 7:48

Kunuŋ kun wulle ko? Ti diine deero Yawudiyagi ise Pariziyeŋ wede soo i ziipe addí a yode me!

Naabo ɗoŋ zina 13:27

Aame Isa yʼiina maŋ, ɗoŋ Zeruzalem ti deerizaŋ an ki yʼ zuune ye Isa wede Raa yʼigibo me, wo ono nebiyagi ɗoŋ an gariya daayum a onniyo ere ki puukiyadiŋ gen̰n̰o toŋ, itadaŋ an kiʼn zuune ye. Wo ɗe an dʼize kono booro tʼa yi ziiɗa ki tôwwo, a-tʼiide a ono nebiyagi an ruute ti kaaga.

Naabo ɗoŋ zina 3:17

Wo aŋkeŋ zemɓa ki nuŋ, ni suune aame kune wo ti deeruguŋ pay Isa kun di yʼ giigira geŋ, munɗa wede kun isiyo kun ki yʼ suune ye.

Naabo ɗoŋ zina 4:5

Soggo maŋ kane deero ɗoŋ seɗeke, ɗoŋ i dokkiyo Yawudiyagi wo ɗoŋ suuniyo kʼoogoro an tʼugiye pay a geeger ki Zeruzalem.

Naabo ɗoŋ zina 4:8

Aame geŋ Piyer yoŋ addiŋ ûune ti Unde Kamilen̰ wo yʼan di ruute, yʼede: