Rabila Majjaanawa kʼIsa Lik yi riiŋe 2:39 - Mattup ki Taasuwa ere Aware

³⁹ Aame kane maawi kʼIsa an tʼize pay sulɗi ɗoŋ oogoro Galmeega Raa ti dehu an dʼise me maŋ, an di-gime ti ulaŋ ki Nazaret geeger ere an di lekkiyo adda siiɗo Galile.

Rabila Majjaanawa kʼIsa Lik yi riiŋe 2:39 ပူးပေါင်းရင်းမြစ်များ

Matiye 3:15

Wo ɗe Isa yi diʼn gime onamí, yʼede: «Aŋken̰n̰o kee kʼoyyo ki tiʼn suyyi batem, kono tʼurzi en̰n̰o kine in dʼise sulɗi ɗoŋ pay ki diine a-tʼette a naabo ere aa Raa yi dehu.» Iŋkino maŋ Zaŋ yʼa iyye yʼa ti yʼ suyye batem.

Rabila Majjaanawa kʼIsa Lik yi riiŋe 1:26

Elizabet mahiwatú îide tere zoot maŋ, Raa yʼa igibe maaleeka Gabiriyel kʼadda geeger soo ki siiɗo Galile sundutú Nazaret.

Rabila Majjaanawa kʼIsa Lik yi riiŋe 1:6

Kane geŋ sirwaŋ pay ki diine a ɗaana Raa, an ollige onamí wo an sooru a urzi wede pay kʼoogoro ki Galmeega Raa, ɗuwo an an ki zaapu ono a eedaŋ ye.

Rabila Majjaanawa kʼIsa Lik yi riiŋe 2:4

Wo yode Yusup toŋ yʼa tʼiiziga ti geeger Nazaret siiɗo Galile, yʼa iŋgile ki geeger Betilehem siiɗo Ziide, ume wede an dʼehe mozigo Dawut, kono yode Yusup toŋ yʼuɗɗo tʼadda ɓoy wede kʼita kʼin̰n̰i Dawut.

Rabila Majjaanawa kʼIsa Lik yi riiŋe 2:51

Saŋ maŋ yʼa tʼiiziga, an di-ɗiige ki Nazaret ti maawí soo. Yo yi dʼollige onamaŋ, wo meedí gette sulɗi ɗoŋ pay ize geŋ ti diʼn boohiyo addutú.

Rabila Majjaanawa kʼIsa Lik yi riiŋe 4:16

Isa yʼa tʼiiziga, yʼa iŋgile ki Nazaret geeger ere yʼa ihira. A onniyo ere ki puukiyo Yawudiyagi maŋ, aa daayum yi dʼisiyo yi-tʼiide adda ɓoy wede Yawudiyagi ge dooyiso, maŋ yʼa tʼiiziga yʼan di gare mattup ki Raa ere ti kaaga.

Rabila Majjaanawa kʼIsa Lik yi riiŋe 4:23

Maŋ Isa yʼan di ruute, yʼede: «Ki kotto nʼelkiyo kune kun o roota ono ombiɗe en̰n̰o, kun tʼeesa: “Wede daawiya no, ki daawo tuddá ɗo.” Wo kun o di roota soŋ: “Kaye ay yʼilliga sulɗi ɗoŋ pay kee kʼizo a geeger Kapernayim me, wo a en̰n̰o adda siiɗadá toŋ kʼiso sulɗi ɗoŋ iŋkino kay.”»