Rabila Majjaanawa kʼIsa Lik yi riiŋe 15:18 - Mattup ki Taasuwa ere Aware

¹⁸ Nʼa-kima di meegó wo ni di rootey, nʼa tʼeesey: Baaba, ni tʼize olɗiko a Raa wo a kee.

Rabila Majjaanawa kʼIsa Lik yi riiŋe 15:18 ပူးပေါင်းရင်းမြစ်များ

Matiye 3:6

An tʼooɗibe addaŋ a urzi kʼolɗikadaŋ a ɗaana ɗuwo pay, wo yoŋ yi-tiʼn suyyiso batem adda kʼooye Zurden.

Matiye 6:14

Iŋkino maŋ, aame a ɗoŋ a ti doopiɗe a onamguŋ geŋ tambobino kun an tʼisiyo maŋ, Meeguguŋ Raa a kandaane toŋ, yʼun tʼisa tambobino kay a munɗa wede kun a ti doopiɗe me.

Matiye 6:9

Iŋkino maŋ kun tondo Raa kino: Meegey wede a kandaane, kee kʼiso ɗuwo pay an di suune kee Raa kamilen̰,

Matiye 7:11

Iŋkino maŋ kune ɗoŋ adduguŋ ulpi toŋ, kun suune eliyo sulɗi ɗoŋ majjanɗani a in̰n̰iguŋ. Wo geŋ taŋ miibi a ceere Meeguguŋ Raa a kandaane yʼaane yʼan tʼele sulɗi ɗoŋ majjanɗani a ɗoŋ i yi tondiyo me!

Rabila Majjaanawa kʼIsa Lik yi riiŋe 11:2

Isa yʼan di ruute, yʼede: «Aame kun tonde Raa maŋ, kun dʼeeso: “Meegey, kee kʼiso ɗuwo pay an di suune kee Raa kamilen̰, Mozikadá kʼa-di tʼedi.

Rabila Majjaanawa kʼIsa Lik yi riiŋe 15:17

Iŋkino maŋ a lekkiyadí gette yi dʼelkiso adda kʼaddí, yʼede: “Ɗoŋ naabo meegó ɓaadaŋ, an dʼomɓo i diʼn palɗa! Wo nuŋ a en̰n̰o nʼunto ki mosogo!

Rabila Majjaanawa kʼIsa Lik yi riiŋe 15:19

Ni kʼîide kʼa ki nʼ wolle aa ulá ye baa, iŋkino ki nʼiso aa wede soo ti diine ɗoŋ naabadá.”

Rabila Majjaanawa kʼIsa Lik yi riiŋe 15:21

Iŋkino maŋ ulo yi di ruute, yʼede: “Baaba, ni tʼize olɗiko a Raa wo a kee. Ni ki tʼîide kʼa ki nʼ wolle aa ulá ye baa.”

Rabila Majjaanawa kʼIsa Lik yi riiŋe 18:13

Yo wede seɗɗu jibaayeʼŋ yʼa tʼîhira dokki, edayí kʼawwa ki kandaane toŋ yi ki dehu yi kʼamɓe ye, wo yʼa-tʼiɓi beyɗí a giggirí, yʼa ruute, yʼede: “Eyye Raa ki nuŋ, ki wollo sommagi ki nuŋ wede kʼolɗiko en̰n̰o.”»