Rabila Majjaanawa kʼIsa Lik yi riiŋe 15:15 - Mattup ki Taasuwa ere Aware

¹⁵ Aame geŋ yʼa tʼiide naabo di wede soo ki ɗoŋ siiɗo gettiyo, wo yo wede geŋ yʼa yʼigibe kʼadda doomizí elso kinzir.

Rabila Majjaanawa kʼIsa Lik yi riiŋe 15:15 ပူးပေါင်းရင်းမြစ်များ

Matiye 7:6

Munɗa wede kamilen̰ a ɗaana Raa geŋ a gede ki-tʼele ye, para maŋ yʼaa kima ki tuddá yʼa ki ti kʼahita. Ɗogoro ere zooyatú oon̰e gette kun seɗɗa a ɗaana kinzir ye, para maŋ tode gette yʼa-tʼon̰ƴilsa mentú.»

Rabila Majjaanawa kʼIsa Lik yi riiŋe 15:13

Onniyo miibi kʼita maŋ, yo ulo wede n̰eŋku geŋ aggadí yʼa tʼiwilte pay wo yʼa ziiɗa soŋko, yʼa iŋgile ki siiɗo ere dokki. A ummey geŋ yi-tʼiide adda lekkiyo ere kʼarɓutu, iŋkino maaladí pay yʼa tʼirɓe.

Rabila Majjaanawa kʼIsa Lik yi riiŋe 15:14

Aame maaladí pay yi ti ɗiŋge maŋ, i dʼize mosogo ɓaadaŋ adda siiɗo gette, wo yoŋ munɗa a beezí umbo.

Rabila Majjaanawa kʼIsa Lik yi riiŋe 15:16

Ulo geŋ yʼa dihe yi dʼaaɗi in̰n̰i boriyo ɗoŋ an sebbiso a kinzir, wo wenɗa soo toŋ i di tʼele umbo.

Romeŋ 6:22

Wo ɗe aŋken̰n̰o Raa yʼun tiʼn uɗɗe tʼadda kʼolɗiko me, kun tʼize ɓulagi yode, kun dʼisiyo naabo ere beehiye aa yoŋ yi dehu, iŋkino yʼun diʼn uuye kese a yode, geŋ a ɗuwo an diʼn tʼetta kʼume lekkiyo ere ki daayum.

Mattup ki Pool yi riiŋe a Tit 3:3

Ɗerec, ti kaaga geŋ kine toŋ elkisadiŋ umbo, in di-tuuge a Raa, in digge. In tʼize ɓulagi kʼita sulɗi ɗoŋ tuuku toŋ tudde ti dehu ti uŋsuwo tudde. In di lekkiyo adda bundiko, in di zaapu addiŋ a sulɗi kʼeebiŋ, iŋkino maŋ ɗuwo an in diʼn giigira, wo kine wede tuuku toŋ yi koogire bakadí.