Rabila Majjaanawa kʼIsa Lik yi riiŋe 1:49 - Mattup ki Taasuwa ere Aware

⁴⁹ kono Raa toogo a jiire pay, a nuŋ te yʼo ize sulɗi ɗoŋ beehiye a jiire, yoŋ sundí kamilen̰.

Rabila Majjaanawa kʼIsa Lik yi riiŋe 1:49 ပူးပေါင်းရင်းမြစ်များ

Markus 5:13

Maŋ Isa yʼan dʼiyye. Iŋkino siitanɗani tʼekki wede geŋ an tʼuɗɗe, an tʼiide adda kinzirɗari. Wo torɗo gette tʼawwa tʼekki kesse tʼa zide okko, kinzirɗari an tʼiɓi adda bar, an tʼinda adda kʼahu. Kane suma dupu sire.

Rabila Majjaanawa kʼIsa Lik yi riiŋe 1:48

kono yʼa dihe yʼa zibbe edayí a tukki nuŋ ere naabadí ere umbadó ettiyo. Eyye, ti aŋki wo ki daayum ɗuwo pay an di roota keren̰, nuŋ te ere ulbutú uŋse,

Rabila Majjaanawa kʼIsa Lik yi riiŋe 1:50

Yʼisiyo adde koɗuwo kʼeda kʼin̰n̰i a tukki ɗoŋ i ottilso me.

Epez 3:20

In amma Raa, wede i-dʼede toogo yʼaane yʼa ise ɓaadaŋ a ceere sulɗi pay ɗoŋ in tondiyo koo in elkiyo toŋ maŋ. Yʼisiyo iŋkino tʼurzi toogo ere yi dʼisiyo a tukki kine.

Apokalipse 15:4

Galmeegey, wee wee a-kʼorgiɗe ye wo i ki tʼimme sundá ye me? Ɗerec, kee ɗaŋŋal wede kamilen̰ wo ita ɗuwo pay an dʼetto an dʼottila a ɗaanadá, kono ɗoŋ pay an zuune booradá ki ɗekkiyo ki diine.»

Apokalipse 4:8

Kane seyɗi piɗe geŋ wede soŋ kambarí zoot zoot, wo kambaraŋ geŋ ti paate tʼadda i tʼûune eda baa. Diɗɗo on̰n̰u an ɗeɗɗiso miŋ: «Kamilen̰, kamilen̰, kamilen̰ yoŋ Galmeega Raa toogadí tʼa jiire pay, yode wede tʼume duniya tʼa tʼeesa ɓotto too, bini aŋki wo bini onniyo kʼita toŋ yoŋ ede.»