Kolos 2:9 - Mattup ki Taasuwa ere Aware

⁹ Ni rootiyo iŋkino kono Almasi a tuddí ere aa ki wedusu gette, sulɗi ɗoŋ pay adda kʼadde Raa wo a tuddí geŋ, a tukkʼAlmasi toŋ ede pây.

Kolos 2:9 ပူးပေါင်းရင်းမြစ်များ

Matiye 1:23

«Kun ollo, uto koŋso tʼa seeɗa mahuwe wo tʼa tʼeha ulo, an di yʼ waaka sundí Emanuwel.» Suma gette i-kaza «Raa ti kine».

Rabila Majjaanawa kʼIsa Lik yi riiŋe 14:22

Saŋ maŋ wede naabo geŋ yʼa-gimo kʼume galmeegí, yi di ruute, yʼede: “Galmeeʼki nuŋ, naabo ere kʼo ruute nʼaase ni-tʼizo, wo ume ede sey.”

Rabila Majjaanawa kʼIsa Lik yi riiŋe 3:22

wo Unde Kamilen̰ tʼa ɗiigo a tuddí, ti tudde ere aa deere. Wo golla tʼa ruute ti kandaane, tʼede: «Kee ulo nuuno, ni ki giyye ɓaadaŋ, ulbó uŋse ti kee me.»

Rabila Majjaanawa kʼIsa Zaŋ yi riiŋe 1:14

Iŋkino maŋ wede an yi waaku Ono geŋ yʼa-gime wedusu, yʼa iido yʼa likke diine kaye, addí ôoniyo ti beeko wo yʼin di kaza urzi wede ɗerec. Ay di wulle goolikadí, goolikadí ere meeda gette i ele Meega Raa a yode Ulí soo ɗaŋŋal.

Rabila Majjaanawa kʼIsa Zaŋ yi riiŋe 1:16

Yoŋ addíʼŋ tasse ti kine me, yʼin di ziipe beeko ɓaadaŋ ki daayum a kine pay, wo beekadí daayum a ekki kine.

Rabila Majjaanawa kʼIsa Zaŋ yi riiŋe 10:30

Nuŋ ti Meega geŋ kaye wede soo.»

Rabila Majjaanawa kʼIsa Zaŋ yi riiŋe 10:38

Wo aame naabo Meega ni ti tʼisiyo wo a nuŋ kun ki zaape adduguŋ ye toŋ, kun zaapo adduguŋ a naabo gettiyo, kono tiŋ geŋ kun di suuna keren̰ Meega ti nuŋ wo nuŋ ti yode.»

Rabila Majjaanawa kʼIsa Zaŋ yi riiŋe 14:20

Onniyo gette tʼiina maŋ, kune kun di suuna nuŋ ti Meegó kaye aa wede soo, kune ti nuŋ wo nuŋ ti kune aa wede soo.

Rabila Majjaanawa kʼIsa Zaŋ yi riiŋe 17:21

Nuŋ ni ki tondiyo sey kono kane pay an tʼise aa wede soo. Meeʼki nuŋ, aakede kee kettiyo ti nuŋ wo nuŋ kettiyo ti kee geŋ, kane toŋ an tʼise kettiyo aa wede soo, kono ɗoŋ duniya an dʼamɓe i nʼigibo kee.

Rabila Majjaanawa kʼIsa Zaŋ yi riiŋe 2:21

Wo Isa yi rootiyo Ɓoy Raa tuddí batum.

Naabo ɗoŋ zina 17:29

Iŋkino aa kine in iido ti Raa geŋ, in ki dʼelke Raa aa yoŋ loŋgusu wede ɗuwo an okkime ki dap, ki maala gurus ise ki moŋgali ti tirɗikadaŋ gen̰n̰o ye.

2 Korent 5:19

Geŋ ɗerec, Raa tʼurzi kʼAlmasi ɗuwo yʼa tiʼn gimo an tʼukkiƴe ti yode. Wo yoŋ a doopiɗadaŋ ere an a ti diipiɗa a urzizí gette yi ki ti kaza ye baa, wo a kaye yʼay dʼele naabo kazita a ɗuwo an di-kimo an di tʼokkiƴe ti yode.

Kolos 1:19

Ɗerec, yo Raa batum yi dihe sulɗi ɗoŋ pay adda kʼaddí wo a tuddí geŋ, a tukkʼUlí toŋ iŋkino ede pây,

1 Timote 3:16

Eyye, daa niikiyo munɗa wede kine in dʼamɓe wo in di daane geŋ, yode gen̰n̰o munɗa wede goole wo ombiɗe Raa yi tʼiiɗiba ita me. Munɗa geŋ, yoŋ Almasi yʼa iido, tuddí yʼa ti-gize yoŋ wedusu. Tʼurzi kʼUnde Kamilen̰ ɗuwo an di yʼ suune yoŋ wede ki diine, wo maaleekiyagi an di yʼ wulle. Ɗuwo an di gizite rabiladí a ita ɗuwo pay, wo ɗoŋ ɓaadaŋ adda duniya an di ziipe addaŋ a yode. Raa yʼa yʼumɓe kʼawwa ki kandaane a darƴikadí.

Mattup ki Pool yi riiŋe a Tit 2:13

Geŋ iŋkino in di delle uŋsuwo ere in zaapu elkisadiŋ eego gettiyo, wo in di delle soŋ onniyo ere ɗuwo pay an di wolla darƴika Raa goole ti Isa Almasi Wede kʼUttiyadiŋ.

1 Zaŋ 5:20

Kine in suune soŋ Ulo Raa yʼiido yʼin dʼele eego soodo a elkiso in di suune Raa yi rootiyo ono ɗoŋ ɗerec. Wo in di lekkiyo kettiyo kaŋ soo ti Raa yoŋ yi rootiyo ono ɗoŋ ɗerec, tʼurzi kʼUlí Isa Almasi. Yode wede i rootiyo ono ɗoŋ ɗerec, yoŋ Raa batum, yʼin dʼelo lekkiyo ere ki daayum.

1 Zaŋ 5:7

Iŋkino maŋ kane ɗoŋ aɗo i rootiyo Isa Ulo Raa me,