Rabila Majjaanawa kʼIsa Zaŋ yi riiŋe 9:5 - Mattup ki Taasuwa ere Aware

⁵ Aŋken̰n̰o nuŋ adda duniya ɓotto eŋ, nuŋ miŋ wede i dʼeliyo toore a ɗoŋ duniya pay.»

Rabila Majjaanawa kʼIsa Zaŋ yi riiŋe 9:5 ပူးပေါင်းရင်းမြစ်များ

Matiye 4:16

Kane ɗoŋ i lekkiyo adda zimolo geŋ an wulle toore Raa. Kane ɗoŋ i lekkiyo adda kʼundiso kʼunto geŋ toore Raa yʼan da tʼan gili.»

Matiye 5:14

Kune aakede toore ki ɗoŋ duniya. Aame an iiziga geeger eego kesse maŋ, i ki tʼombiɗa ye.

Rabila Majjaanawa kʼIsa Lik yi riiŋe 2:32

Yoŋ geŋ toore, wede a kiza a ɗoŋ Yawudiyagi ye an di suuna kee Raa, wo tʼurzi yode geŋ ɗuwo an di tʼimma ɗoŋ kʼIzirayel.»

Rabila Majjaanawa kʼIsa Zaŋ yi riiŋe 12:46

Nuŋ toore wo nʼa iido kʼadda duniya, kono wede tuuku yi ziipe addí a nuŋ maŋ, yʼa ki lekke adda zimolo ye.

Rabila Majjaanawa kʼIsa Zaŋ yi riiŋe 8:12

Isa yʼan di ruute sey, yʼede: «Nuŋ miŋ wede i dʼeliyo toore a ɗoŋ duniya pay. Wede yi ni diina maŋ, yʼa tʼoona toore wede i di tʼela lekkiyo, yi kʼozira zimolo ye.»

Naabo ɗoŋ zina 13:47

kono en̰n̰o munɗa wede Galmeega yʼay ruute ay dʼise me, yʼede: “Nuŋ ni ki ziipe aa toore ki ita ɗuwo pay, kono kʼan dʼetta tʼuttiyo ere ki Raa bini ɗaŋgu siiɗo pay.”»

Naabo ɗoŋ zina 26:18

kono kʼan di tʼihiney edayaŋ, tʼadda zimolo an tʼaɗɗo kʼume toore, wo ti moziko Meeda siitanɗani an tʼetto kʼume Moziko Raa. Aame an ziipa addaŋ a nuŋ maŋ, an tʼoona tambobino kʼolɗikadaŋ, wo an tʼoona aggadaŋ tʼadda sulɗi ɗoŋ Raa yi boohiyo a ɗoŋzí.”

Naabo ɗoŋ zina 26:23

Ni rootiyo miŋ: Almasi Raa yi biire geŋ, yʼa dibire wo yʼa bilɗe ki poone ti diine ɗoŋ unto me, wo yʼan di kizite urzi toore wede kʼuttiyo a ɗoŋziŋ Yawudiyagi wo a ɗoŋ Yawudiyagi ye.»

Epez 5:14

Munɗa wede itadí i tʼaɗɗiya geŋ yoŋ aa a on̰n̰u. Kono kamo an di rootiyo, anʼde: «Kee wede ki moone geŋ, ki tʼonno ti moone me. Tʼadda diine ɗoŋ unto, ki tʼonno, maŋ toore kʼAlmasi yʼa toora eedá.»

Apokalipse 21:23

Geeger gette i ki dehu peeɗo koo tere yʼa ki ti toore ɗoo ye, kono darƴika Raa ti di tooriyo wo Ulo Damu biŋgatú.