Rabila Majjaanawa kʼIsa Zaŋ yi riiŋe 8:34 - Mattup ki Taasuwa ere Aware

³⁴ Isa yʼan di ruute, yʼede: «Ɗerec iŋkino wo nʼun di rooto: Wede isiyo olɗiko geŋ yoŋ ɓule kʼolɗiko.

Rabila Majjaanawa kʼIsa Zaŋ yi riiŋe 8:34 ပူးပေါင်းရင်းမြစ်များ

Matiye 5:18

Ɗerec iŋkino wo nʼun di rooto: Ki poone kandaane ti siiɗo an tʼeŋgila geŋ, tʼadda kʼoogoro ette ise arku raaŋiya soo wede n̰eŋku a jiire, ise guttiye soo toŋ i ki dagga ye, geŋ iŋkino bini sulɗi pay geŋ an tʼeŋgila.

Rabila Majjaanawa kʼIsa Zaŋ yi riiŋe 3:3

Isa yi di ruute, yʼede: «Ɗerec iŋkino wo nʼa di rooto: Aame wedeʼŋ yi kʼuune ehiyo ere aware ye maŋ, Moziko Raa yi kʼaane yi ki ti wolley ye.»

Naabo ɗoŋ zina 8:23

Nuŋ ni wolliyo maŋ kee addá i-kʼaaɗumu a sulɗi eŋ me, wo kee ɓule kʼolɗiko.»

Romeŋ 6:12

Iŋkino maŋ kun i oola urzi a olɗiko ti tʼoona toogo a tudduguŋ ere kʼunto ye, wo kun gi di daane sulɗi ɗoŋ ulpi tudduguŋ ti dehu gen̰n̰o ye.

Romeŋ 6:16

Kune kun suune, aame kun ele tudduguŋ a wede kun i di naabe maŋ, kun dʼolliga onamí, kun tʼise ɓulagi ki wede kun ollige onamí gen̰n̰o. Aame olɗiko i-ede toogo ekki kune maŋ, kune ɓulagutú wo un dʼetta unto, wo aame ollige kʼono Raa gette i-dʼede toogo ekki kune maŋ, kune ɓulagutú wo Raa yʼun diʼn isa ɗoŋ ki diine a ɗaanadí.

Romeŋ 6:6

Ono eŋ kun ollo koɗuwo, aame Isa Almasi an ti yʼ tiike ekkʼundumu wede zaapu tʼekki bakadí kaŋ tontilko geŋ, lekkiyadiŋ ere ti poone adda kʼolɗiko gette an ti-tiike ti yode Almasi, iŋkino maŋ tuddiŋ ere kʼolɗiko gette Raa yʼa ti jiire toogatú a tʼize umbo, geŋ kine ɓulagi kʼolɗiko ye baa.

Romeŋ 7:14

Ki kotto kine in suune oogoro gette tʼettiyo tʼurzi kʼUnde Raa, wo ɗe nuŋ wede tudde eŋ, nʼa tʼize ɓule kʼolɗiko.

Romeŋ 7:25

Geŋ in rooto koɗuwo a Raa tʼurzi Galmeegiŋ Isa Almasi! Iŋkino maŋ tʼelkisadó pay nuŋ nʼa iyye nʼa tʼize ɓule kʼoogoro Raa, wo a urzi tudde ni tʼize ɓule ki munɗa wede i ni dokkiyo adda kʼaddó kʼisiyo kʼolɗiko gen̰n̰o.

Romeŋ 8:21

kono onniyo soo kane sulɗi pay geŋ Raa yʼan aɗɗa tʼadda toogo ere ki lattiya ti-tiʼn isiyo ɓulagi geŋ me. Iŋkino maŋ an tʼisa eedaŋ toore, wo darƴika ere in̰n̰i Raa an tʼooney gette kane toŋ adda kay.

Epez 2:2

Kune ti kaaga kun likke adda kʼolɗiko, kun diine urzi lekkiyo duniya, kun diine ita Mohita i lekkiyo a diine kandaane ti siiɗo, tode siitan ti naabiya aŋken̰n̰o adda kʼadde ɗoŋ i-ti toogiyo a yode Raa.

Mattup ki Pool yi riiŋe a Tit 3:3

Ɗerec, ti kaaga geŋ kine toŋ elkisadiŋ umbo, in di-tuuge a Raa, in digge. In tʼize ɓulagi kʼita sulɗi ɗoŋ tuuku toŋ tudde ti dehu ti uŋsuwo tudde. In di lekkiyo adda bundiko, in di zaapu addiŋ a sulɗi kʼeebiŋ, iŋkino maŋ ɗuwo an in diʼn giigira, wo kine wede tuuku toŋ yi koogire bakadí.

2 Piyer 2:19

Kane geŋ an an di rootiyo a ɗuwo an tʼisa ɗoŋ eedaŋ toore, kaciŋ kane batum miŋ ɓulagi ki naabo ere an isiyo daayum ki lattiya gettiyo, kono wede tuuku toŋ yoŋ ɓule ki munɗa wede i-iide.