Rabila Majjaanawa kʼIsa Zaŋ yi riiŋe 7:39 - Mattup ki Taasuwa ere Aware

³⁹ Isa yi rootiyo iŋkino ti Unde Raa ere Raa yʼan tʼela a ɗoŋ i ziipe addaŋ a yode. Aame geŋ Raa yʼan kʼele Undí ye ɓotto a ɗuwo me, kono Isa yi ki gili kʼawwa ki darƴikadí ye ɓotto.

Rabila Majjaanawa kʼIsa Zaŋ yi riiŋe 7:39 ပူးပေါင်းရင်းမြစ်များ

Matiye 16:14

Kane an i diʼn gime onamí, anʼde: «Ɗoŋ soŋ anʼde kee Zaŋ Batis, ɗoŋ oŋgo anʼde kee nebi Eli, wo ɗoŋ oŋgo soŋ anʼde kee nebi Zeremi koo ise nebi ti diine nebiyagi ɗoŋ ti kaaga koo maŋ.»

Matiye 21:11

Maŋ kane ɗoŋ duuru an an di tiʼn gime onamaŋ, anʼde: «Eŋ nebi Isa, ti geeger Nazaret ki siiɗo Galile.»

Rabila Majjaanawa kʼIsa Lik yi riiŋe 24:49

Wo nuŋ ni-tʼigibo a egguŋ munɗa wede Meegó Raa yi ruute yʼun tʼela. Wo kuneʼŋ, kun lekko adda geeger bini toogo ere i ɗeego tʼawwa ti kandaane tʼun diʼn ôona.»

Rabila Majjaanawa kʼIsa Lik yi riiŋe 3:16

Iŋkino maŋ Zaŋ yʼan di ruute a kane pay, yʼede: «Nuŋ nʼunni suyyiso batem tʼahu, wo ɗe wede ettiyo kʼita geŋ yoŋ toogo yi jiire nuŋ, ni kʼîide nʼa ki tʼeeze sibe toɓiyagí ye. Yoŋ yʼunni suyya batem tʼUnde Kamilen̰ wo ti uwwo.

Rabila Majjaanawa kʼIsa Lik yi riiŋe 7:16

Kane ɗoŋ pay orgiso tʼanni ziiɗa, wo an tamma Raa, anʼde: «I uɗɗo nebi goole a diinayiŋ, wo Raa yʼukko noogiyo ɗoŋzí!»

Rabila Majjaanawa kʼIsa Zaŋ yi riiŋe 1:21

Iŋkino maŋ an di yʼ tunde sey, anʼde: «Ɗe keeʼŋ Eli ko?» Maŋ Zaŋ yʼede: «Aha, nuŋ Eli ye.» An di yi tunde sey, anʼde: «Keeʼŋ nebi wede ay delliyo ko?» Zaŋ yʼede: «Aha, nuuno ye.»

Rabila Majjaanawa kʼIsa Zaŋ yi riiŋe 1:25

Kane geŋ an di yi tunde Zaŋ sey, anʼde: «Keeʼŋ Almasi Raa yi biire ye, Eli ye wo nebi wede ay delliyo ye ɗe, ki moo me kiʼni suyyiso ɗuwoʼŋ batem me?»

Rabila Majjaanawa kʼIsa Zaŋ yi riiŋe 1:33

Nuŋ ni ki yʼ suune ye, wo Raa wede i nʼigibe ɗuwo ni diʼn suyyiso batem tʼahu geŋ yʼo di ruute, yʼede: “Unde Raa gette kʼa ti wolla tʼa ɗeego ti kandaane, tʼa di koona a tukki wede. Geŋ yode gen̰n̰o wede a suyya ɗuwo ti Unde Kamilen̰ me.”

Rabila Majjaanawa kʼIsa Zaŋ yi riiŋe 12:16

Munɗa wede ize geŋ ki poone sanalliyagí an ki zuune ye. Wo aame Isa yi-gili kandaane goolikadí Raa yi-tʼele maŋ, kane an dʼilke kaciŋ munɗa wede an riiŋe ti kaaga adda mattup ki Raa a tukkʼIsa geŋ, a-tʼiide.

Rabila Majjaanawa kʼIsa Zaŋ yi riiŋe 12:23

Aame geŋ Isa yʼan di ruute, yʼede: «Aŋkeŋ peeɗo tʼîide, nuŋ wede an nʼehe aa ulo wede eŋ, Raa yʼan di kiza goolikadó a ɗuwo.

Rabila Majjaanawa kʼIsa Zaŋ yi riiŋe 14:13

Munɗa wede kun tunda ti sundó maŋ, nuŋ nʼun di yʼisa, kono ɗuwo an tʼimma Meega tʼurzi kʼUlo.

Rabila Majjaanawa kʼIsa Zaŋ yi riiŋe 14:26

Wo to Ere Noogiyo todʼte Unde Kamilen̰, Meegó yi tʼigibo ti suma nuuno. Tode gette tʼun diʼn dooya a sulɗi pay, wo tʼun tʼela elkiyo kun dʼelka ono ɗoŋ pay nʼun ruutite.

Rabila Majjaanawa kʼIsa Zaŋ yi riiŋe 16:14

Tode gette tʼan di-kiza goolikadó a ɗuwo, kono ono ɗoŋ todʼ tʼun roota geŋ aɗɗa ti bize nuuno.

Rabila Majjaanawa kʼIsa Zaŋ yi riiŋe 16:7

Wo ki too maŋ nʼun rootiyo ono ɗoŋ ɗerec, beehiye a kune nuŋ nʼa iŋgile. Wo aame ni kʼiŋgila ye maŋ, tode Ere Noogiyaguŋ gette ti kʼetto ye. Wo ɗe nʼiŋgila nʼiiney maŋ, nʼun ti-tʼigibo.

Rabila Majjaanawa kʼIsa Zaŋ yi riiŋe 17:1

Aame Isa yʼan ti ruute iŋkino maŋ, yʼa tʼumɓe edayí kʼawwa ki kandaane wo yʼa ruute, yʼede: «Meeʼki nuŋ, peeɗo tʼîide. Kʼan ti kaza gooliko kʼUlá a ɗuwo, kono Ulá toŋ yʼan di-kize goolikadá te.

Rabila Majjaanawa kʼIsa Zaŋ yi riiŋe 17:5

Meeʼki nuŋ, ti poone kʼa okkima duniya ɓotto geŋ, nuŋ o dʼede gooliko a ɗaana kee. Aŋkeŋ tode gette a ɗaanadá kʼo tʼeli.

Rabila Majjaanawa kʼIsa Zaŋ yi riiŋe 20:22

Yʼa ti ruute iŋkino maŋ, yʼan di biiha maaye a tukki kane, wo yʼan di ruute, yʼede: «Kun sooɗo Unde Kamilen̰.

Rabila Majjaanawa kʼIsa Zaŋ yi riiŋe 6:14

Aame ɗoŋ geŋ an wulle munɗa kʼarmika wede Isa yʼize gen̰n̰o maŋ, anʼde: «Ki kotto wede eŋ nebi wede an ruute ti kaaga yʼa etto kʼadda duniya.»

Rabila Majjaanawa kʼIsa Zaŋ yi riiŋe 7:12

Wo kane ɗoŋ duuru geŋ an di niikutu ti tuddaŋ. Ɗoŋ oŋgoŋ anʼde: «Yoŋ wede isiyo beehiye.» Wo ɗoŋ soŋ anʼde: «Ato, yoŋ yi ti daggiya ɗuwo.»

Rabila Majjaanawa kʼIsa Zaŋ yi riiŋe 8:54

Maŋ Isa yʼan di ruute, yʼede: «Aame nuŋ nʼa tʼimme tuddó maŋ, tammadó gette ki bita. Nuŋ i ni tamma Meegó, wede kunʼde yoŋ Raaguŋ gen̰n̰o,

Naabo ɗoŋ zina 19:2

wo yʼanni tunde, yʼede: «Aame kun ziipe adduguŋ a Isa geŋ, Unde Kamilen̰ kun uune ɗey ko?» Maŋ kane an diʼn gime onamí, anʼde: «Kaye ay kʼilliga ye Unde Kamilen̰ ede toŋ maŋ.»

Naabo ɗoŋ zina 2:33

Raa yʼa yʼumɓe kʼawwa ki kandaane yʼa lekkey a ammidadí, wo a Isa Meega Raa yi-dʼele Unde Kamilen̰ ere yi ruute yʼin di tʼela. Iŋkino maŋ yo Isa yʼin dʼelo Unde Kamilen̰ a kine aa kun wolliyo wo kun ollige aŋken̰n̰o.

Naabo ɗoŋ zina 2:38

Maŋ Piyer yʼan di ruute, yʼede: «Kun ti kama lekkiyaguŋ wo wede tuuku toŋ yi suyyo batem ti suma kʼIsa Almasi, kono kun tʼoona tambobino kʼolɗikaguŋ. Iŋkino maŋ Raa yʼun tʼela Unde Kamilen̰,

Naabo ɗoŋ zina 2:4

Kane pay addaŋ a ûune tʼUnde Kamilen̰, iŋkino an dʼiise orbe tʼono ɗoŋ doolo, wede tuuku toŋ yi dʼorbe tʼono ɗoŋ aa Unde Raa ti ele ele.

Naabo ɗoŋ zina 3:13

Raa kʼIbirayim, kʼIsaaka wo ki Yakup, yoŋ geŋ miŋ Raa moŋgiɗagiŋ, yi-dʼele gooliko a Isa wede naabadí. Yode wede kune batum kun an di yʼele a deero Romeŋ. Aame mozigo Pilat yi dihe yi-dʼeeze kono yo yi zuune yi kʼize munɗa ye toŋ, kune kun di giigira.

Naabo ɗoŋ zina 4:31

Aame kane an ɗiŋge ti tondiyo Raa maŋ, ume wede an dʼugiye ki tondiyo geŋ yʼa iise ŋoŋŋirso. Wo Raa yi diʼn ûune tʼUnde Kamilen̰ pay, maŋ an dʼiise kazita kʼono Raa daa kʼorgiso.

Romeŋ 8:9

Wo ɗe kune, kun ki lekkiyo aa tudde ti dehu ye, kun lekkiyo aa Unde Raa ti dehu, kono Unde Raa todʼ ti lekkiyo adda kʼadduguŋ. Aame wede i-kʼede Unde kʼAlmasi adda kʼaddí ye maŋ, yoŋ ki Almasi ye.

2 Korent 3:8

geŋ ki kotto naabo kʼUnde Kamilen̰ meedikatú tʼaasa a ceera sey.

Epez 4:30

Unde Kamilen̰ kun ti-kulkuwe ye, todʼte munɗa wede Raa yʼun diʼn iigire, i-kaza kune ki yode, bini onniyo ere kʼaɗɗiyaguŋ tʼadda kʼolɗiko a tʼîda a munɗa wede Raa yi dehu me.