Rabila Majjaanawa kʼIsa Zaŋ yi riiŋe 7:37 - Mattup ki Taasuwa ere Aware

³⁷ Onniyo ere ki ɗaŋgu tarnaape gette, todʼte onniyo ere meeda. A onniyo gette Isa yʼa tʼiiziga kaŋ ôhire, wo yʼa ruute ti golla awwa, yʼede: «Wede ôrme yi yʼ ziiɗa maŋ, yʼedi tuddó yi-siɓa.

Rabila Majjaanawa kʼIsa Zaŋ yi riiŋe 7:37 ပူးပေါင်းရင်းမြစ်များ

Matiye 11:28

«Kune ɗoŋ pay i sarkiya attiɗi wede ki ɗoŋ dooyiso kʼoogoro an zaapu egguŋ wo kun urme geŋ, kunʼdi kʼume nuuno, wo nuŋ nʼun tiʼn puuka.

Matiye 3:3

Zaŋ geŋ yoŋ wede nebi Ezayi yʼa ruute taayadí ti kaaga, yʼede: «Ɗoŋ an dʼollige golla ki wedusu yi ɗollite adda balɗa, yi dʼeesiyo: Kun i tʼokkoŋ urzi Galmeega, erkiyagí kun i tiʼn okkoŋ ki diine ɗelele.»

Matiye 5:6

Uŋsuwo a kane ɗoŋ mosogo wo ôrme a urzi lekkiyo ere ki diine aa Raa yi dehu, kono kane geŋ mosigadaŋ ti ôrmayaŋ Raa yʼan tiʼn tʼîda.

Rabila Majjaanawa kʼIsa Zaŋ yi riiŋe 1:23

Maŋ Zaŋ yʼan diʼn gime onamaŋ ti ono ɗoŋ nebi Ezayi yi ruute ti kaaga, yʼede: «Nuŋ golla ki wedusu yi ɗollite adda balɗa, yi dʼeesiyo: Urzi Galmeega kun i-ti yʼokkoŋ ki diine ɗelele.»

Rabila Majjaanawa kʼIsa Zaŋ yi riiŋe 14:6

Isa yi di ruute, yʼede: «Nuŋ miŋ urzi, nuŋ miŋ ɗerec wo nuŋ miŋ lekkiyo. Wenɗa soo toŋ umbo yʼa tʼette kʼume Meega daa nuuno me.

Rabila Majjaanawa kʼIsa Zaŋ yi riiŋe 4:10

Isa yi di ruute, yʼede: «Aame koŋ mi yʼ suune munɗa wede Raa yʼeliyo, wo wede i kin tondiyo ahu soɓo me maŋ, a tonde ahu soɓo miŋ koŋ a bey yoŋ me, wo yʼaane yi di tʼeele ahu ɗoŋ i dʼeliyo lekkiyo.»

Rabila Majjaanawa kʼIsa Zaŋ yi riiŋe 4:11

Iŋkino maŋ erewo ti di ruute, tʼede: «Wede no, kee a-kʼede dara ye, wo osso sohoro ɗe kʼa tʼoona ahu ɗoŋ i dʼeliyo lekkiyo ti too me?

Rabila Majjaanawa kʼIsa Zaŋ yi riiŋe 4:14

Wo wede yʼiiɓa ahu ɗoŋ nuŋ ni-tʼela maŋ, ôrme yi ki yʼ seeɗa ye baa. Ahu ɗoŋ nuŋ ni-tʼela eŋ, a yode i di tʼisa aa ersa kʼahu okko i di tʼela lekkiyo ere ki daayum.»

Rabila Majjaanawa kʼIsa Zaŋ yi riiŋe 5:40

Wo kune kun ki dehu kun ki dʼetto tuddó, kun ki tʼoone uttiyo ye.

Rabila Majjaanawa kʼIsa Zaŋ yi riiŋe 6:35

Isa yʼan di ruute, yʼede: «Nuŋ miŋ omɓo ere ti dʼeliyo lekkiyo. Wede yʼiido tuddó maŋ, mosogo ti ki yʼ seeɗa ye ki daayum. Wo wede yi ziipa addí a nuŋ maŋ, ôrme yi ki yʼ seeɗa ye ki daayum.

Rabila Majjaanawa kʼIsa Zaŋ yi riiŋe 6:37

Kane ɗoŋ pay Meega yʼo eliyo eŋ, an dʼetto ki tuddó. Wo wede ettiyo ki tuddó geŋ, ni ki yʼ kiigira ye.

Rabila Majjaanawa kʼIsa Zaŋ yi riiŋe 6:55

Ɗerec, tukin̰adó todʼte omɓo ere ki kotto, wo puuzadó soɓo ere ki kotto.

Rabila Majjaanawa kʼIsa Zaŋ yi riiŋe 7:28

Iŋkino maŋ Isa yi dooyiso a booro Ɓoy Raa geŋ, yʼa ruute ti golla awwa, yʼede: «Kune ɗuwo eŋ, kunʼde nuŋ kun ni suune, wo kun suune itadó. Para maŋ ni kʼiido ti suma nuuno kʼeedó ye, wo yo wede i nʼigibo geŋ yoŋ yi rootiyo ono ɗoŋ ɗerec, miŋ kun ki yʼ suune ye.

1 Korent 10:21

Kune kun kʼaane kun ki siɓe kop sire ye, kop ki Galmeega wo kop ki siitanɗani me. Omɓo sire kun kʼaane kun ki dokkiɗa ye, omɓo ki Galmeega wo omɓo ki siitanɗani te.

1 Korent 10:4

Wo kane pay an dʼiiɓe soɓadaŋ tiŋ soo ere a urzi kʼUnde. Ɗerec, a urzi kʼUnde kane an iiɓe ahu ɗoŋ uɗɗe tʼadda zumbulu wede a urzi kʼUnde. Zumbulu geŋ yoŋ ti kane yi diʼn daaniya, wo geŋ miŋ yoŋ Almasi.

1 Korent 11:25

Aame an tʼiimi maŋ, ki kop ti soɓo adda toŋ iŋkino, yʼa tʼumɓe wo yʼa ruute, yʼede: Kop ti soɓo adda ette, todʼte taasuwa ere aware Raa yi gitte ti ɗuwo tʼurzi puuzadó. Aame tuuku kun siɓa, soɓo ere adda kop ettiyo maŋ, kun dʼiso kino kono kun dʼelka a nuuno.

1 Korent 12:13

Ɗerec kine pay, ise Yawudiyagi, Yawudiyagi ye, ise ɓulagi, ɓulagi ye toŋ maŋ, kine Raa yʼin tiʼn zuyye batem, yʼin tiʼn gitte kaŋ soo tʼUnde Kamilen̰ soo gettiyo, wo in tʼize tudde soo. Wo kine pay Raa yʼin diʼn ûune addiŋ tʼUnde soo gettiyo.

Epez 5:18

Kun ti-tʼise tudduguŋ kaca kaca ti toote ye, yode geŋ yʼa ki dagge, ki too maŋ kun lekko daayum ôoniyo tʼUnde Raa.

Apokalipse 21:6

Wo yʼo di ruute sey, yʼede: «Geŋ i tʼize baa! Nuŋ sundó Alpa wo Omega, nuŋ wede tʼume kʼeesiyo wo ki ɗaŋgu toŋ nuŋ. Wede ôrme maŋ yʼedi ni di tʼeela ahu ki waawiye yi siɓa. Ahuzó eŋ i dʼeliyo lekkiyo ere ki daayum.

Apokalipse 22:1

Saŋ maŋ maaleeka yʼo di yʼ gize ooye wede ahuzí i dʼeliyo lekkiyo me. Ahuzí i ralita aa ossoyo wo i lohito pupuc ti kaakido moziko Raa ti Ulo Damu me.

Apokalipse 22:17

Unde Kamilen̰ kane ti erewo ere i seeɗa an di ruute, anʼde: «Kʼedi!» Wede ono geŋ yiʼn ollige maŋ, yʼa roote kay: «Kʼedi!» Wede ôrme maŋ yʼedi, yi dehu maŋ ni di tʼeela ahu ɗoŋ i dʼeliyo lekkiyo, yi siɓa ki waawiye.