Rabila Majjaanawa kʼIsa Zaŋ yi riiŋe 7:28 - Mattup ki Taasuwa ere Aware

²⁸ Iŋkino maŋ Isa yi dooyiso a booro Ɓoy Raa geŋ, yʼa ruute ti golla awwa, yʼede: «Kune ɗuwo eŋ, kunʼde nuŋ kun ni suune, wo kun suune itadó. Para maŋ ni kʼiido ti suma nuuno kʼeedó ye, wo yo wede i nʼigibo geŋ yoŋ yi rootiyo ono ɗoŋ ɗerec, miŋ kun ki yʼ suune ye.

Rabila Majjaanawa kʼIsa Zaŋ yi riiŋe 7:28 ပူးပေါင်းရင်းမြစ်များ

Matiye 11:27

Sulɗi pay Meegó Raa yʼo nʼele a beezó, wenɗa soo toŋ a suune Ulo umbo, i yʼ suune Meega ɗaŋŋal. Wo wenɗa soo toŋ a suune Meega umbo, i yʼ suune Ulo wo ti kane ɗoŋ Ulo yi dehu yʼan tʼooɗiba itadí ɗaŋŋal.»

Matiye 2:23

Yʼiideʼŋ yʼa-guune a geeger sundutú Nazaret. Geŋ a iina kono a-tʼette a ono ɗoŋ Raa yi ruute ti kaaga ti bize nebiyagi, yʼede: «Yoŋ an di yʼ waaka wede ti geeger Nazaret.»

Matiye 26:55

Aame geŋ Isa yʼan di ruute a ɗoŋ duuru, yʼede: «Ɗe ki moo me kun dʼettiyo seeɗuzó wo tudduguŋ kun tʼikkimo ti kasigaryagi wo ti dalyagi, aa nuŋ wede kʼoogire me? Para maŋ nuŋ miŋ daayum ni ti konso ni dooyiso a booro Ɓoy Raa, wo kun gi di nʼ ziiɗa ye.

Rabila Majjaanawa kʼIsa Lik yi riiŋe 10:22

Sulɗi pay Meegó Raa yʼo nʼele a beezó. Wenɗa soo toŋ a suune Ulo umbo, i yʼ suune Meega ɗaŋŋal, wo wenɗa soo toŋ a suune Meega umbo, i yʼ suune Ulo wo ti kane ɗoŋ Ulo yi dehu yʼan tʼooɗiba itadí ɗaŋŋal.»

Rabila Majjaanawa kʼIsa Lik yi riiŋe 2:11

Aŋki adda diɗɗo ette adda geeger Dawut, an un ehe Wede kʼUttiyo, yoŋ Almasi Raa yi biire, yoŋ Galmeega.

Rabila Majjaanawa kʼIsa Lik yi riiŋe 2:39

Aame kane maawi kʼIsa an tʼize pay sulɗi ɗoŋ oogoro Galmeega Raa ti dehu an dʼise me maŋ, an di-gime ti ulaŋ ki Nazaret geeger ere an di lekkiyo adda siiɗo Galile.

Rabila Majjaanawa kʼIsa Lik yi riiŋe 2:4

Wo yode Yusup toŋ yʼa tʼiiziga ti geeger Nazaret siiɗo Galile, yʼa iŋgile ki geeger Betilehem siiɗo Ziide, ume wede an dʼehe mozigo Dawut, kono yode Yusup toŋ yʼuɗɗo tʼadda ɓoy wede kʼita kʼin̰n̰i Dawut.

Rabila Majjaanawa kʼIsa Lik yi riiŋe 2:51

Saŋ maŋ yʼa tʼiiziga, an di-ɗiige ki Nazaret ti maawí soo. Yo yi dʼollige onamaŋ, wo meedí gette sulɗi ɗoŋ pay ize geŋ ti diʼn boohiyo addutú.

Rabila Majjaanawa kʼIsa Zaŋ yi riiŋe 1:46

Natanayel yi di ruute, yʼede: «Ti Nazaret ummey, munɗa beehiye etto ɗey ko?» Pilip yi di ruute, yʼede: «Kʼedi, wo kʼa wolla.»

Rabila Majjaanawa kʼIsa Zaŋ yi riiŋe 10:36

Wo nuŋ wede Raa yʼa-nʼuuye kese a yode, yʼa-nʼigibo kʼadda duniya, wo ni rootiyo nʼede nuŋ Ulo Raa maŋ, kune kunʼde ni kalɗita suma Raa. Geŋ kaŋ mummino ni kalɗita me?

Rabila Majjaanawa kʼIsa Zaŋ yi riiŋe 12:49

Ɗerec, ono ɗoŋ ni rootiyo eŋ ti suma nuuno kʼeedó ye. Meega wede i nʼigibo yʼo di ruute munɗa wede nʼa roote wo nʼa dooye me.

Rabila Majjaanawa kʼIsa Zaŋ yi riiŋe 14:10

Kee ki kʼumɓe ye ko, nuŋ ti Meega, wo yoŋ ti nuŋ aa wede soo me. Ono ɗoŋ ni rootiyo eŋ, ni ki rootiyo ti suma nuuno kʼeedó ye. Wo Meega wede i lekkiyo kettiyo ti nuŋ geŋ, yi dʼisiyo naabadí tʼurzi nuuno.

Rabila Majjaanawa kʼIsa Zaŋ yi riiŋe 14:31

Nʼisiyo munɗa wede a-tʼette a ono ɗoŋ Meega Raa yʼo ruute, kono tʼurzi geŋ ɗoŋ duniya an di suuna nuŋ Meega ni yʼ giyye. Tʼeŋ kun tʼoozo, in eŋgile.»

Rabila Majjaanawa kʼIsa Zaŋ yi riiŋe 16:3

Kane an un isa iŋkino kono nuŋ ti Meega an ay kiʼn zuune ye.

Rabila Majjaanawa kʼIsa Zaŋ yi riiŋe 17:25

Meeʼki nuŋ, kee wede ki diine. Ɗoŋ ɓaadaŋ adda duniya an ki suune ye, wo nuŋ ni ki suune, wo kane sanalliyagó toŋ an zuune i nʼigibo kee me.

Rabila Majjaanawa kʼIsa Zaŋ yi riiŋe 17:3

Lekkiyo ere ki daayum gette, i dehu an di suune kee Raa wede ki kotto soo ɗaŋŋal, wo i dehu an di suune nuŋ Isa Almasi wede kee kʼigibo.

Rabila Majjaanawa kʼIsa Zaŋ yi riiŋe 3:2

Onniyo soo a diɗɗo maŋ, yʼa iide yʼa uuney Isa, wo yi di ruute, yʼede: «Wede dooyisadey, kaye ay suune keeʼŋ Raa yi-kʼigibo dooyisadey. Wenɗa ti doolo yi kʼaane yi ki tʼise ye sulɗi kʼarmika ɗoŋ aa kee ki dʼisiyo eŋ me, aame Raa ti yode ye maŋ.»

Rabila Majjaanawa kʼIsa Zaŋ yi riiŋe 3:33

Wo wede yʼumɓe onamí geŋ, yi suune adda kʼaddí Raa yi rootiyo ono ɗoŋ ɗerec.

Rabila Majjaanawa kʼIsa Zaŋ yi riiŋe 5:32

Wo i kazita a tukki nuŋ wede doolo, wo ni suune onamí ɗoŋ yi kazita a tukki nuŋ geŋ ɗerec.

Rabila Majjaanawa kʼIsa Zaŋ yi riiŋe 5:43

Nuŋ nʼiidoʼŋ ti suma Meegó, wo kun gi diʼn ziiɗa ye. Wo wede doolo yʼa etto ti suma yode geŋ, kun di yʼ seeɗa bey sire.

Rabila Majjaanawa kʼIsa Zaŋ yi riiŋe 6:42

wo an di ruute, anʼde: «Yode eŋ Isa ulo Yusup ye ko? Meegí ti meedí toŋ inʼni suune en̰n̰o. Ɗe yi rootiyo yi ɗiigo ti kandaane mummino?»

Rabila Majjaanawa kʼIsa Zaŋ yi riiŋe 7:14

I tʼinnite iina diine tarnaape maŋ, Isa yʼa tʼiide booro Ɓoy Raa, yʼa iise dooyiso ɗuwo.

Rabila Majjaanawa kʼIsa Zaŋ yi riiŋe 8:14

Isa yʼan di ruute, yʼede: «Aame nuŋ ni kazita ono a tukki nuuno batum toŋ maŋ, onamó ɗerec kono ni suune ti too me nʼiido me, wo ume nʼamɓe me. Wo ɗe kune, kun ki suune ye ume wede nʼiido, wo nʼamɓe ki tunɗa me.

Rabila Majjaanawa kʼIsa Zaŋ yi riiŋe 8:16

Wo aame ni ɗekkiyo booro maŋ, ni ɗekkiyo ɗerec kono nuŋ siidó ye. Ay ɗekkiyo booro soo ti Meega wede i nʼigibo me.

Rabila Majjaanawa kʼIsa Zaŋ yi riiŋe 8:19

Iŋkino maŋ kane an i di ruute, anʼde: «Ɗe Meegá too me?» Maŋ Isa yʼan diʼn gime onamaŋ, yʼede: «Nuŋ kun ki nʼ suune ye, wo Meegó toŋ kun ki yʼ suune ye. Aame nuŋ kun ni zuune maŋ, Meegó toŋ kun di yʼ suune.»

Rabila Majjaanawa kʼIsa Zaŋ yi riiŋe 8:26

Nuŋ oo dʼede ono ki rootiyo a ekki kune, ti sulɗi ɗoŋ nʼa ɗekke booro egguŋ toŋ ɓaadaŋ, wo wede i nʼigiboʼŋ yoŋ yi rootiyo ono ɗoŋ ɗerec, wo ni kazita a ɗuwo pay munɗa wede nʼollige ti bize yode Raa.»

Rabila Majjaanawa kʼIsa Zaŋ yi riiŋe 8:42

Isa yʼan di ruute, yʼede: «Aame Meeguguŋ Raa ki kotto maŋ, nuŋ kun di nʼ geyye kono nuŋ nʼuɗɗo miŋ ti Raa, wo nʼiido ken̰n̰o tʼurzi yode. Ni kʼiidoʼŋ ti toogo kʼeedó ye, yode i nʼigibo me.

Rabila Majjaanawa kʼIsa Zaŋ yi riiŋe 9:29

Kaye ay suune a Muusa Raa yi ruute me, wo yo wede eŋ ay ki suune ye yʼettiyo ti tunɗa koo maŋ.»

Naabo ɗoŋ zina 17:23

Aame ni sooru adda geegirguŋ ette ni wolliyo sulɗi ɓaadaŋ aa raayaguŋ ɗoŋ kun dʼottilso eego, wo ni wulle ume seɗeke soo geŋ raaŋiya eegoʼŋ: “Ki raayusu wede in ki yʼ suune ye.” Iŋkino maŋ kun ollo, nuŋ nʼun di kaza ono ki raayusu wede kun i-dʼottilso wo kun ki yʼ suune ye en̰n̰o.

Romeŋ 1:28

Wo kane ɗuwo an di-tuuge an di suune Raa me, geŋ Raa yʼan iili adda kʼelkisadaŋ ere olɗo gettiyo, iŋkino an dʼisiyo sulɗi ɗoŋ kʼisiyo ye.

Romeŋ 3:4

Aha, iŋkino ye! Kine in suune Raa geŋ yi rootiyo ono ɗoŋ ɗerec, wo ɗuwo pay geŋ ɗoŋ lohito kʼono. Ɗerec, ono eŋ an riiŋe ti kaaga adda mattup ki Raa, anʼde: «Kee Raa aame ki rootiyo maŋ, i dehu ɗuwo an gi di suune kee ki diine, wo aame ɗuwo an ɗekkiyo booro eedá toŋ, kee booro ti ki seeɗu ye.»

2 Korent 1:18

Raa batum yi suune ono ɗoŋ ay un rootiyo geŋ ɗerec, ay ki rootiyo «eyye» wo saŋ «aha» sirwaŋ pay ye.

2 Korent 4:6

Raa yi ruute ti kaaga, yʼede: «I iso toore a toore adda zimolo.» Geŋ yode Raa gen̰n̰o batum yʼa-tuure biza kʼulbey ti toorayí, yʼize iŋkino kono yi dehu ay di wolle toore goolikadí i tooriyo a ume kʼeda kʼAlmasi.

Mattup ki Pool yi riiŋe a Tit 1:2

iŋkino an di zaape elkisadaŋ an tʼoona lekkiyo ere ki daayum. Lekkiyo gette Raa yi ruute yʼin tʼela ti poone yʼa okkima duniya ɓotto too, yoŋ wede i ki lohito ono ye.

Eber 6:18

Iŋkino i dʼede sulɗi sire, kane geŋ i ki kime ye, wo tʼurzi kane geŋ Raa yi kʼaane yi ki lihite ono ye. Kane geŋ an in dʼeliyo toogo ɓaadaŋ a kine ɗoŋ uune ume kʼombiɗe tʼurzi yode, kono in a seeɗa zakiɗi a sulɗi ɗoŋ in zaapu elkisadiŋ eego Raa yi ruute yʼin tʼela.

1 Zaŋ 5:10

Wede yi ziipa addí a Isa Ulo Raa maŋ, ono geŋ yiʼni zuune adda kʼaddí, wo wede yi kʼumɓe a ono Raa en̰n̰o ye maŋ, geŋ Raa yi ti yʼisiyo wede lohito kʼono, kono yi kʼumɓe ye a ono ɗoŋ Raa yi ruute a urzi kʼUlí me.