Rabila Majjaanawa kʼIsa Zaŋ yi riiŋe 6:7 - Mattup ki Taasuwa ere Aware

⁷ Maŋ Pilip yi diʼn gime onamí, yʼede: «In tʼoone tamma meeda sire, in tʼowila mappa pay toŋ maŋ, a tʼîde ɗey ko wede soŋ yi-tʼoone boolo booloŋ me?»

Rabila Majjaanawa kʼIsa Zaŋ yi riiŋe 6:7 ပူးပေါင်းရင်းမြစ်များ

Matiye 18:28

Aame wede naabo geŋ ti di mozigo yi tʼuɗɗe maŋ, an a-tʼikkima ti wede ume naabadaŋ soo, yoŋ geŋ i-dʼede see ki soŋko miibi ɗaŋŋal. Yʼiideʼŋ yi di ziiɗa golladí bin̰ wo yi di ruute, yʼede: “Seezá kʼo yʼeli.”

Markus 6:37

Wo Isa yʼan di ruute, yʼede: «Omɓo an eelo kune batum.» Kane an di ruute, anʼde: «Kee ki dehu ay tʼoono tamma meeda sire, ay tʼowilo mappa pay ay an tʼela a ɗoŋ duuru an dʼooma ko?»

Rabila Majjaanawa kʼIsa Zaŋ yi riiŋe 1:43

Onniyo kʼita maŋ Isa yʼa iŋgile ki siiɗo Galile, an dʼikkima ti Pilip wede ti geeger Betsayda, siiɗo kʼAndire ti Piyer. Maŋ Isa yi di ruute a Pilip, yʼede: «Pilip, ki ni daani.»

Rabila Majjaanawa kʼIsa Zaŋ yi riiŋe 1:45

Saŋ maŋ Pilip yʼa uuney Natanayel, wo yi di ruute, yʼede: «Ay yi wullo wedusu wede Muusa yʼa ruute adda mattup kʼoogoro, wo nebiyagi toŋ an ruute onamí me. Yoŋ Isa wede ti geeger Nazaret, ulo Yusup.»

Rabila Majjaanawa kʼIsa Zaŋ yi riiŋe 1:46

Natanayel yi di ruute, yʼede: «Ti Nazaret ummey, munɗa beehiye etto ɗey ko?» Pilip yi di ruute, yʼede: «Kʼedi, wo kʼa wolla.»

Rabila Majjaanawa kʼIsa Zaŋ yi riiŋe 1:48

Natanayel yi di ruute, yʼede: «Ɗe kaŋ mummino kʼa ni zuune me?» Isa yi di ruute, yʼede: «Ki poone Pilip yʼa ki waakoʼŋ geŋ, ni ki wulle keeʼŋ a undiso pigiye.»

Rabila Majjaanawa kʼIsa Zaŋ yi riiŋe 12:5

«I dehu egey eŋ in tʼowila a aɗɗe suma wede yʼa naabe ki ozzine batum, wo in an tʼele soŋko gette a ɗoŋ an kʼede munɗa ye!»