Rabila Majjaanawa kʼIsa Zaŋ yi riiŋe 5:9 - Mattup ki Taasuwa ere Aware

⁹ A kaamiki geŋ wede yʼa uune bee, yʼa tʼumɓe zaaɗayí, yi-sooru yʼa iŋgile. Wo onniyo gette onniyo ere ki puukiyo Yawudiyagi.

Rabila Majjaanawa kʼIsa Zaŋ yi riiŋe 5:9 ပူးပေါင်းရင်းမြစ်များ

Markus 1:31

Yʼa dʼiide goppoŋ ki tuddutú, yi ziiɗa beytú yʼa-tʼiiziga. A kaamiki ooriyo tʼa tʼiili, wo tʼan dʼiise naabiya.

Markus 1:42

A kaamiki bitiɗayí an n̰ukkiɗe, yʼa tʼize kamilen̰.

Markus 10:52

Maŋ Isa yi di ruute, yʼede: «Kono kee ki ziipe addá a nuuno geŋ, kʼutte kʼaaho.» A kaamiki, edayí a tʼihina yi wolliyo, wo yʼa diine Isa, an di sooru soo.

Markus 5:29

Tʼa butte kallayí maŋ, a kaamiki oɓite puuzo a îhira yip, tʼa uwwe a tuddutú tʼuune bee.

Rabila Majjaanawa kʼIsa Zaŋ yi riiŋe 5:14

Kʼita maŋ, wede geŋ Isa yʼa yʼuune adda booro Ɓoy Raa. Maŋ yi di ruute, yʼede: «Kʼollo, aŋkeŋ kʼuune bee, wo kʼita kʼisa olɗiko ye, para maŋ a-dʼaana munɗa wede ulsu a ceera en̰n̰o sey.»

Rabila Majjaanawa kʼIsa Zaŋ yi riiŋe 7:23

Wo aame uloʼŋ onniyo walɗu pondayí a tʼooriyo onniyo ere ki puukiyadiŋ, kun di walɗu kono kun aa ki ti doopiɗa oogoro Muusa ye maŋ, ɗe ki moo me kune kun di kulkiso ti nuŋ, kono ni ele beeko pay a wede tudde a onniyo ere ki puukiyadiŋ me?

Rabila Majjaanawa kʼIsa Zaŋ yi riiŋe 9:14

Onniyo ere Isa yi lutte siiɗo, yi dʼihina eda wede geŋ, onniyo gette onniyo ere ki puukiyo Yawudiyagi.