Rabila Majjaanawa kʼIsa Zaŋ yi riiŋe 5:38 - Mattup ki Taasuwa ere Aware

³⁸ wo onamí i ki lekkiyo adda kʼadduguŋ ye, kono kun ki ziipe adduguŋ a nuŋ wede yʼigibo ye.

Rabila Majjaanawa kʼIsa Zaŋ yi riiŋe 5:38 ပူးပေါင်းရင်းမြစ်များ

Rabila Majjaanawa kʼIsa Zaŋ yi riiŋe 1:11

Yʼa tʼiide kʼume ɗoŋzí Izirayel, wo kane an gi di yʼ ziiɗa ye.

Rabila Majjaanawa kʼIsa Zaŋ yi riiŋe 15:7

Aame kun lekkiyo kettiyo ti nuŋ wo onamó kunʼni seeɗu maŋ, kun tondo munɗa wede kun dehu me, wo munɗa geŋ kun di yʼ tʼoona.

Rabila Majjaanawa kʼIsa Zaŋ yi riiŋe 8:37

Nuŋ ni suune kune ita kʼin̰n̰i kʼIbirayim me. Wo kun di dehu urzi tôwwadó kono onamó geŋ kun kʼamɓu ye.

Kolos 3:16

Geŋ rabila kʼAlmasi ti laalatú pay i lekko adda kʼadduguŋ. Kun dooyo tudduguŋ, kun tooko kuude ti tudduguŋ ti suuniyo kʼono ere pay. Kun ôoro wo kun rooto koɗuwo a Raa tʼadduguŋ pay tʼurzi kʼôrɗari ɗoŋ ki tamma Raa, ti ôrɗari ɗoŋ kʼono Raa wo ti ɗoŋ ettiyo tʼurzi kʼUnde Raa.

1 Zaŋ 2:14

In̰n̰i ki nuŋ, nʼun raaŋiya kono Meega Raa kun yi zuune. Kune maawi no, nʼun riiŋe kono kun yi zuune wede yo ede to tʼume kʼeesiyo sulɗi pay me. Obilagi no, nʼun riiŋe kono kune un dʼede toogo, wo ono Raa kunʼni ziiɗa zakiɗi, Mohita kʼolɗiko toŋ kun ti jiire.