Rabila Majjaanawa kʼIsa Zaŋ yi riiŋe 5:17 - Mattup ki Taasuwa ere Aware

¹⁷ Maŋ Isa yʼan di ruute, yʼede: «Ette naabo ere Meegó yi dʼisiyo daayum bini aŋken̰n̰o. Nuŋ toŋ maŋ, nʼa naabe.»

Rabila Majjaanawa kʼIsa Zaŋ yi riiŋe 5:17 ပူးပေါင်းရင်းမြစ်များ

Matiye 10:29

Kun suune ooyo sire ɗoo miŋ in tʼowile ti soŋko soo kollo, wo ti diinayaŋ soo toŋ a siiɗo i kʼoore ye, daa ki Galmeeguguŋ Raa yi ki suune ye me.

Rabila Majjaanawa kʼIsa Zaŋ yi riiŋe 10:36

Wo nuŋ wede Raa yʼa-nʼuuye kese a yode, yʼa-nʼigibo kʼadda duniya, wo ni rootiyo nʼede nuŋ Ulo Raa maŋ, kune kunʼde ni kalɗita suma Raa. Geŋ kaŋ mummino ni kalɗita me?

Rabila Majjaanawa kʼIsa Zaŋ yi riiŋe 14:10

Kee ki kʼumɓe ye ko, nuŋ ti Meega, wo yoŋ ti nuŋ aa wede soo me. Ono ɗoŋ ni rootiyo eŋ, ni ki rootiyo ti suma nuuno kʼeedó ye. Wo Meega wede i lekkiyo kettiyo ti nuŋ geŋ, yi dʼisiyo naabadí tʼurzi nuuno.

Rabila Majjaanawa kʼIsa Zaŋ yi riiŋe 5:16

Iŋkino maŋ ti onniyo gettiyo kane deero Yawudiyagi an dʼiise gerɗiyo kʼIsa, kono yi ele beeko a wedusu a onniyo ere ki puukiyo Yawudiyagi me.

Rabila Majjaanawa kʼIsa Zaŋ yi riiŋe 5:18

Aame deero Yawudiyagi an illiga iŋkino maŋ, an dʼiise dehutu kʼurzi ki tôwwadí, kono yʼa ti diipiɗa a oogoro kʼonniyo ere ki puukiyo, wo ki sirwe yʼa ruute sey, yʼede Raa Meegí, yi-tʼize tuddí aa Raa batum.

Rabila Majjaanawa kʼIsa Zaŋ yi riiŋe 9:4

Peeɗo to ede ɓotto, tʼa ki tʼiire ye geŋ, in dʼise naabo ki wede i nʼigibo. Aame diɗɗo tʼiina maŋ, wenɗa soo toŋ a naaba umbo.

Naabo ɗoŋ zina 14:17

Wo toŋ maŋ yʼan di kaza daayum a ɗuwo yoŋ Raa wede beehiye, ti kandaane yʼun dʼeliyo mizzi, yʼun dʼeliyo sulɗi ɗoŋ ki derku, kun dʼayɗu aame onniyo ti tôwwo maŋ. Eyye, yoŋ yʼun dʼeliyo omɓo ɓaadaŋ wo adduguŋ yʼun diʼn ôoniyo tʼuŋsuwo.»

Naabo ɗoŋ zina 17:28

Geŋ ono eŋ in suune: “Tʼurzi yode kine in di puukiyo, in di sooru, wo in di lekkiyo.” Aakede ɗoŋ suuniyo kʼono oŋgo ti diinaguŋ toŋ anʼde: “Kine in iido ti Raa.”

1 Korent 12:6

Naabo ere tuuku Raa yʼeliyo a ɗuwo gette itatú sittú sittú, wo ɗe Raa miŋ yoŋ soo, geŋ yode yi-tiʼn isiyo ɗuwo pay an dʼaaniya an tʼisiyo naabo pay gette.

Kolos 1:16

kono tʼurzi yode, Raa yʼikkima sulɗi ɗoŋ pay a kandaane wo a siiɗo, sulɗi ɗoŋ inʼni wolliyo wo ɗoŋ in kiʼn wolliyo ye toŋ maŋ, kane undiyagi ɗoŋ pay a dandaane kʼume, kane ɗoŋ deero, kane ɗoŋ an dʼede urzi ki dokkiyo wo kane ɗoŋ an dʼede toogo. Kane pay geŋ an ikkima Raa tʼurzi kʼAlmasi wo a Almasi.

1 Tessaloni 2:13

Kaye daayum ay roote koɗuwo a Raa ki munɗa soo sey: Aame ay un gizite ono Raa geŋ, kun dʼilliga wo kun dʼumɓe, kun kʼilke ye eŋ ono ɗoŋ tudde me, wo ɗe kun ilkeʼŋ kane ono Raa ɗerec. Kane ono geŋ an di naabiya adda kʼadde kune ɗoŋ i ziipe adduguŋ a Isa.

Eber 1:3

Yo Ulo geŋ yi kaza gooliko ere meeda ki Raa, wo yoŋ geŋ miŋ Raa koyok. Wo kane sulɗi pay geŋ an lekkiyo tʼurzi kʼonamí ɗoŋ an dʼede toogo gen̰n̰o. Yoŋ yʼa tʼize munɗa wede i tʼîide ɗuwo an tʼise kamilen̰ tʼolɗikadaŋ a ɗaana Raa, maŋ yʼa-gili kʼawwa ki kandaane, yʼa-guune a ammade Raa goole a jiire pay.