Rabila Majjaanawa kʼIsa Zaŋ yi riiŋe 4:6 - Mattup ki Taasuwa ere Aware

⁶ A ume geŋ i dʼede osso Yakup yʼittiba. Isa yʼiziro kee, yʼiina a ume gen̰n̰o maŋ, yʼurme yʼa-guune biza kʼosso gettiyo a peeɗo tʼize diine.

Rabila Majjaanawa kʼIsa Zaŋ yi riiŋe 4:6 ပူးပေါင်းရင်းမြစ်များ

Matiye 27:45

Tʼume peeɗo tʼize diine geŋ, adda siiɗo pay ume a tʼize zimolo dil a likke bini eesiyo peeɗo lohe.

Matiye 4:2

Yʼa likke diɗɗo ada piɗe on̰n̰u ada piɗe daa kʼomɓo, maŋ mosogo tʼa yi ziiɗa.

Matiye 8:24

An a iide maŋ, a kaamiki i dʼiiziga maaye ɓaadaŋ adda bar. Ahu geŋ i-kolzite kolzite i dʼoɓite kʼadda tooko, wo yo Isa geŋ yʼa udige kuy.

Rabila Majjaanawa kʼIsa Lik yi riiŋe 2:7

tʼa tʼehe ulo ki kaɓɓatú me. Ti di mulpite sotor, tʼa ti yʼ duwwe a kulaaye kono ume adda biino torgagi umbo.

Rabila Majjaanawa kʼIsa Lik yi riiŋe 9:58

Wo Isa yi-tiʼn gime onamí, yʼede: «Boo ti ɓoyɗutú wo emɓi toŋ ti ɓoyɗizaŋ, wo ɗe nuŋ wede an nʼehe aa ulo wede eŋ, oo kʼede ume ni ki ti tʼele eedó nʼa-ki puuke ye.»

Rabila Majjaanawa kʼIsa Zaŋ yi riiŋe 11:9

Isa yʼan di ruute, yʼede: «Tʼume peeɗo ti koliyo bini tʼa-tʼoore geŋ, umeʼŋ toore keren̰, wo wede yi sooru toŋ maŋ morkiƴe yi ki tʼele ye, kono yi wolliyo toore ki ɗoŋ duniya pay.

Rabila Majjaanawa kʼIsa Zaŋ yi riiŋe 4:12

Kunuŋ kee kʼelkiyo ki ceere mugiyey wede ti kaaga Yakup, wede ay iili osso ettiyo ko? Yode batum yʼa iiɓe, in̰n̰izí wo ti maaladí pay me.»

Rabila Majjaanawa kʼIsa Zaŋ yi riiŋe 4:5

Maŋ yʼa iiney a Sisar, geeger ki Samari goppoŋ ti doome wede Yakup yi-ele a ulí Yusup ti kaaga.

Rabila Majjaanawa kʼIsa Zaŋ yi riiŋe 4:7

Aame Isa yi-guune biza kʼosso yi puukiyo geŋ, kane sanalliyagí an tʼiide kʼadda geeger an di deho munɗa kʼomɓo, maŋ i dʼiido erewo tʼadda kʼille eesiyo kʼahu. Erewo gette Samariten. Maŋ Isa yʼa ti tunde, yʼede: «Erewo no, mʼo kʼeeli ahu, ni-ki siɓe ɗo.»

2 Korent 8:9

Kune kun ti suune beeko ere Galmeegiŋ Isa Almasi yʼeliyo ti mozuwo te. Yoŋ ki laale, wo ɗe kono kune yʼa iyye yʼa-tʼize tuddí wede i-kʼede munɗa ye, iŋkino tʼurzi geŋ yʼun diʼn ize kune ki laale.

Eber 2:17

Kono kamo i dehu Isa yʼa-tʼise tuddí pay a deeƴe zemɓadí, kono yʼa tʼise mozigo goole ɗoŋ seɗeke wede addí koɗuwo ti ɗuwo wo yʼa seeɗa zakiɗi a naabo Raa, kono yʼa-booye olɗiko ɗuwo.

Eber 4:15

Geŋ ki kotto, kine in dʼede mozigo goole ɗoŋ seɗeke wede aane i wolle sommagiŋ a ren̰kadiŋ te, kono yode toŋ Meeda siitanɗani tʼa yi niime daggiya a urzi tuuku toŋ aa kine kay, ki too maŋ yoŋ yi kʼize ye olɗiko te.