Rabila Majjaanawa kʼIsa Zaŋ yi riiŋe 4:46 - Mattup ki Taasuwa ere Aware

⁴⁶ Saŋ maŋ Isa yʼa-gime ki Kana geeger ki siiɗo Galile, a ume wede ahu yʼa tiʼn gime toote kʼin̰n̰i bin̰ gen̰n̰o. A geeger Kapernayim i dʼede wede goole adda kʼakuuma, ulí tuddí eeni yʼunto.

Rabila Majjaanawa kʼIsa Zaŋ yi riiŋe 4:46 ပူးပေါင်းရင်းမြစ်များ

Matiye 15:22

Wo aame geŋ i dʼede erewo todʼte ti siiɗo Kanahaŋ ti lekkiyo adda siiɗo gettiyo, tʼa iido tukkʼIsa tʼa iise ɗollite, tʼede: «Galmeega, kee Wede ti biza bumɓu Dawut, kʼiso adde koɗuwo! Uto nuŋ i-dʼede siitan a ettú wo ti dabirsa ɓaadaŋ.»

Matiye 4:13

Yʼiiney maŋ yʼa ki likke ye a Nazaret me, yʼa iŋgile yʼa likke a Kapernayim, geeger ere a biza bar ki Galile adda siiɗo Zabiloŋ ti Nepitali.

Matiye 9:18

Aame Isa yʼan ti rootiyto iŋkino geŋ, i dʼiina wede iŋkino i-dʼede gooliko. Yʼa dʼiide sirpa kʼIsa, yʼa-dikke a ɗaanadí wo yi di ruute, yʼede: «Aŋken̰n̰o eŋ miŋ uto nuŋ tʼa tʼihe. Wo ɗe kʼa ette maŋ, ki zaapey beezá a tuddutú wo tʼa balɗey.»

Rabila Majjaanawa kʼIsa Lik yi riiŋe 4:23

Maŋ Isa yʼan di ruute, yʼede: «Ki kotto nʼelkiyo kune kun o roota ono ombiɗe en̰n̰o, kun tʼeesa: “Wede daawiya no, ki daawo tuddá ɗo.” Wo kun o di roota soŋ: “Kaye ay yʼilliga sulɗi ɗoŋ pay kee kʼizo a geeger Kapernayim me, wo a en̰n̰o adda siiɗadá toŋ kʼiso sulɗi ɗoŋ iŋkino kay.”»

Rabila Majjaanawa kʼIsa Lik yi riiŋe 7:2

A ume geŋ i dʼede goole kʼasigiryagi meeda ki Romeŋ, yoŋ i-dʼede wede naabo yi yʼ giyye ɓaadaŋ wo yi-tʼiire eeni yʼunto.

Rabila Majjaanawa kʼIsa Lik yi riiŋe 8:42

kono i-dʼede utí tiŋ soo ɗaŋŋal, ozzinatú ette suma koomat makumu sire, tuddutú eeni tʼunto. Aame Isa yʼette di yode geŋ, ɗoŋ ɓaadaŋ an di yʼ ŋaƴƴu tʼen̰n̰o tʼen̰n̰o.

Rabila Majjaanawa kʼIsa Zaŋ yi riiŋe 2:12

Saŋ maŋ tiŋ geŋ Isa yʼa tʼiiziga, meedí, zemɓadí ti sanalliyagí pay an di-ɗiige ki geeger Kapernayim. A ume geŋ an di likke onniyo miibi.

Rabila Majjaanawa kʼIsa Zaŋ yi riiŋe 21:2

Simo Piyer, Tomas wede an yi waaku Ulo Rooŋo, Natanayel wede ti Kana siiɗo Galile, in̰n̰i Zebede, wo sanalliyagi kʼIsa sire ti doolo, kane pay geŋ an lekkiyo kaŋ soo.