Rabila Majjaanawa kʼIsa Zaŋ yi riiŋe 20:28 - Mattup ki Taasuwa ere Aware

²⁸ Maŋ Tomas yi di ruute, yʼede: «Kee Galmeegó, wo kee Raazó.»

Rabila Majjaanawa kʼIsa Zaŋ yi riiŋe 20:28 ပူးပေါင်းရင်းမြစ်များ

Matiye 14:33

Iŋkino maŋ kane pay adda tooko geŋ an di dikke a ɗaana kʼIsa, wo an i di ruute, anʼde: «Ki kotto keeʼŋ Ulo Raa!»

Rabila Majjaanawa kʼIsa Lik yi riiŋe 24:52

Aame geŋ kane an di-dikke wo an tʼuttile a ɗaanadí, saŋ an di-gime ki Zeruzalem tʼuŋsuwo ɓaadaŋ.

Rabila Majjaanawa kʼIsa Zaŋ yi riiŋe 1:1

Ki poone Raa yʼa okkima sulɗi pay geŋ, wedusu an yi waaku Ono yoŋ ede to. Raa kane ti wede an yi waaku Ono geŋ kane soo, wo wede an yi waaku Ono geŋ yoŋ miŋ Raa batum.

Rabila Majjaanawa kʼIsa Zaŋ yi riiŋe 20:16

Isa yʼa ti wiike ti sundutú, yʼede: «Mariyam.» Tʼa-gime edatúʼŋ kʼume yode, wo ti di ruute tʼono ɗoŋ kʼEber, tʼede: «Rabuni.» (I-kaza «wede dooyisadó.»)

Rabila Majjaanawa kʼIsa Zaŋ yi riiŋe 20:27

Saŋ maŋ yi di ruute Tomas, yʼede: «Kee ki wollo beyɗó me, kʼagibi ƴelsadá, ki tʼeelo adda. Kʼeli beezá pây ki tʼagiba adda sirpadó, wo ki niikiyoʼŋ kʼa oolo baa, ki zaapo addá a nuuno.»

Rabila Majjaanawa kʼIsa Zaŋ yi riiŋe 20:29

Isa yi di ruute, yʼede: «Kee ki ziipe addá a nuŋ kono ki ni wulle tʼedayá, wo uŋsuwo a kane ɗoŋ an ki nʼ wulle ye wo an di ziipe addaŋ a nuŋ.»

Rabila Majjaanawa kʼIsa Zaŋ yi riiŋe 20:31

Ono ɗoŋ soo raaŋiya adda mattup ette, kono kun dʼamɓe Isa yoŋ Almasi Raa yi biire, wo Ulo Raa. Wede yʼumɓe a sundí maŋ, yi di tʼela lekkiyo ere ki daayum.

Rabila Majjaanawa kʼIsa Zaŋ yi riiŋe 5:23

iŋkino ɗuwo pay an tʼimme nuŋ Ulo, aa an tamma Meega. Wo wede yi ki tamma nuŋ Ulo ye maŋ, geŋ aa Meega wede i nʼigibo yi ki yʼ tamma ye.

1 Timote 3:16

Eyye, daa niikiyo munɗa wede kine in dʼamɓe wo in di daane geŋ, yode gen̰n̰o munɗa wede goole wo ombiɗe Raa yi tʼiiɗiba ita me. Munɗa geŋ, yoŋ Almasi yʼa iido, tuddí yʼa ti-gize yoŋ wedusu. Tʼurzi kʼUnde Kamilen̰ ɗuwo an di yʼ suune yoŋ wede ki diine, wo maaleekiyagi an di yʼ wulle. Ɗuwo an di gizite rabiladí a ita ɗuwo pay, wo ɗoŋ ɓaadaŋ adda duniya an di ziipe addaŋ a yode. Raa yʼa yʼumɓe kʼawwa ki kandaane a darƴikadí.